【法基講笑 : 你兩個做緊乜動作呀?】

話說有一日我同獅母做緊一件事, 對話如下:

我 : 喂, 我攞唔到出嚟呀, 可以幫下手哇?

獅 : 睇過~ 你塞咗咩入去呀? 你識唔識用條嘢架!? 你攞條嘢嚟啦.

(我俾咗條嘢獅母)

我 : 小心呀, 唔好咁大力, 慢慢入，溫柔啲，會痛.

獅 : 妖! 男人老狗怕痛, 睇唔到呀! 擘大啲啦!

我 : 擘大咗啦, 點呀? 見唔見到個窿有嘢?

獅 : (開電話燈)睇下…..見到啦, 哇! 好大塊喎! 咁我嚟嘞喎!

我 : 喂喂喂, 小心呀, 痛呀.

獅 : 賠咁梗係有啲痛啦! 唔痛搞你做咩, 擘大啲!

(跟住獅母一嘢拮咗入去)

我 : 哇!! 我x! 好X痛呀! 你拮咁大力!!

獅 : 咪嘈啦! 就得啦!

我 : 喂! 你插完未姐, 好X痛呀, 慢啲啦!!

獅 : 慢會出唔到架! 咪嘈啦!! 得嘞得嘞! 就得嘞! 好快好快!

我 : 喂! 快啲啦!! 好痛呀!!!

獅 : 噢咮!! 出咗嘞!

我 : 好x痛呀X!! (跟住我一摸)

我 : 妖! 叫咗你咪咁大力拮入嚟, 俾你拮到我出晒血嘞!!

獅 : 你都黐嘅, 拮入去緊係出血啦! 少少血, 一間無事啦, 又唔係第一次.

我 : 喂呀! 好痛呀!!! 出晒血點算！

獅 : 食屎啦你去, 少少血就鬼殺咁嘈 !妖! 下次唔好再叫我幫你!

大家睇到呢道, 會覺得我哋做緊咩呢?

#唔好心邪但對話真係難以令人唔心邪
#其實我哋兩個對話成日都咁奇怪
#法基講笑

被阿Bob恶搞黑面！陈自瑶唔嬲：我依家笑紧㗎！

TVB新节目《好声好戏》今日进行录影，主持人有阮兆祥及赖慰玲，汪明荃、韩马利及陈永信是主席评判，嘉宾方面有陈自瑶（YoYo）、洪永城、林夏薇、郭子豪、杨潮凯及罗毓仪。

参赛者之一的YoYo于受访时表示压力爆煲，练配音练到把声都拆，早两日又疑喉咙痛发炎，即刻要食消炎药：“今日把声算好番啲，练到系唔敢再练，吓死我！导师话我长期咁练会搞到声带疲劳，所以叫我咪嘴记位先，把声沙可能关压力、紧张、情绪事。”

她又自爆昨日发噩梦，梦见类似身在舞台，下个便要上台演出，但临时不见了稿：“劲惊咁喺个柜到摷，梦到埋杨潮凯，佢安慰我、叫我唔好紧张。（怕梦境重现现实？）都惊！今日录咗少少都Feel到喉咙收窄。”续透露为突破自己，专登于自选配音环节挑选非经常演出角色：“既然要玩就玩突破，咁先有新鲜感，不过难度好高。（觉得自己演戏好啲？）锺意演戏，但如果要搵我配音都无任欢迎！”

讲到林盛斌（Bob）跟太太Pearl于新一集的《开心大综艺》恶搞王浩信攞视帝多谢她但“黑面”的经典场面，YoYo多次表示未有睇节目，因要背剧本准备配音比赛，更自嘲：“我依家笑紧㗎！冇睇所以唔知发生咩事，但OK嘅、唔紧要，最紧要啲观众睇得开心。（唔会嬲、唔开心？）唔会！呢个节目都系想大家开开心心。（之后成日扮你会唔锺意？）向好嘅方面谂系开心，起码有人扮我。（黑面系你嘅代表作？）大家留意我嚟紧啲戏啦！”

另外，有传港姐冠军黄嘉雯介入好姊妹连诗雅（Shiga）跟男友陈家乐的恋情，YoYo闻言即单手遮掩O嘴，然后反问：“系咩？”继而耍手拧头兼求饶：“我呢排真系好忙，有单咁嘅新闻我都唔知，而我系乜都唔知，唔好问我，我唔识答亦唔方便。（有同Shiga联络？）有，佢好辛苦开紧工，希望佢快啲返。（冇Send唔开心嘅Emoji？）冇，依家系新闻讲啫、都系传媒讲系佢男友啫，留番畀当事人答啦！”

黄芷晴设计健康御守　陪黄日华新年行大运

艺人黄芷晴今个新年到市集售卖手作，之前一直忙于筹备作品，她说：“有手挽袋、奶茶袋之类，都系属于环保类型，我仲设计咗个御守，写住健康同幸福。（第1个送畀爸爸先？）梗系啦！佢已经攞咗一啲送畀朋友。”

身体健康最紧要
讲到往年母亲在世时的新年较为热闹，她说：“以前新年会去佛堂念经，但呢2年冇机会去，自己都有谂，可能因为上年冇去而唔好运，多啲唔开心嘢，今年都冇机会念，都有少少担心，但我知道要安全为上，希望大家都身体健康，生活重拾正轨。”

她表示新年会跟爸爸黄日华留在家中，最近黄日华爱上行山，问她会否与爸爸一齐去行山当行大运？她说：“咁我要早啲瞓，我成日好惊跟佢去过一次就不断叫我再去，我有时要工作陪唔到佢，不过新年可以试一次行个大运。”