མཚམས་རེར་བཅོས་མའི་རོལ་དབྱངས་ལས་ཆུ་བོའི་གཞུར་སྒྲ་སྙན་ལ།
འཕེལ་རྒྱས་ཀྱི་གྲོང་ཁྱེར་ལས་རང་བྱུང་གི་འཁོར་ཡུག་མཛེས། བརྗེད་དཀའ་བའི་ལྗོངས་རྒྱུའི་རྣམ་པའི་ཟུར་ཞིག
འཕེལ་རྒྱས་ཀྱི་གྲོང་ཁྱེར་ལས་རང་བྱུང་གི་འཁོར་ཡུག་མཛེས། བརྗེད་དཀའ་བའི་ལྗོངས་རྒྱུའི་རྣམ་པའི་ཟུར་ཞིག
རང་ཉིད་ནང་ཆོས་ལ་སྒྲུབ་པ་ཉམས་ལེན་བྱེད་མཁན་ཞིག་ཡིན་པར་ཁས་འཆེ་དུས་ཐོག་མར་ཤིན་ཏུ་གལ་ཆེ་བ་ནི། རང་གི་རྒྱུད་ན་ལས་འབྲས་ལ་ཡིད་ཆེས་པའི་དད་པ་ཡོད་མེད་བལྟ་རྒྱུ་དེ་ཡིན་ནོ།།说自己是学修佛法者的时候,首先最重要的是观察自己有没有坚信因果的敬畏心。
སོག་པོ་འཛུལ་ཁུང་ངམ་རྒྱུང་སྲུབ་གསང་བའི་བྲག་ཕུག་ནི། ཁོད་སྤྲུངས་དྲན་པ་ནམ་མཁའི་སྐུ་དུས་སུ། ཁྱུང་ལུང་དངུལ་མཁར་རམ་འོམ་མོ་སྒོ་བཞི་མེ་ཏོག་པད་མའི་གླིང་ན་མཁས་པ་ཆེན་པོ་མི་བརྒྱད་བཞུགས་པའི་ནང་ཚན་སྟང་ཆེན་དམུ་ཚ་གྱེར་གྱི་སྒྲུབ་གནས་བྱིན་ཆེན་ཡིན། དེ་ཡང་། རྫོགས་ཆེན་ནམ་མཁའ་སྤྱི་གཅོད་ཀྱི་ཉམས་ལེན་གསལ་བའི་སྒྲོན་མ་ལས། རྒྱུང་སྲུབ་ཤེལ་བྲག་གསང་བའི་གྲུབ་གནས་སུ།། སྟང་ཆེན་དམུ་ཙ་གྱེར་མེད་ལ་གསོལ་བ་འདེབས་ཅེས་དང་། སྲིད་རྒྱལ་གཟེར་བུ་ལས། རྒྱུང་སྲུབ་གསང་བའི་བྲག་ཕུག་ཏུ།། སྟང་ཆེན་དམུ་ཚ་གྱེར་མེད་ཀྱིས་ཅེས་སོགས་གསུངས་པས་སྟང་ཆེན་དམུ་ཚ་གྱེར་མེད་ཀྱི་སྒྲུབ་གནས་ཡིན་པ་ལུང་གི་གྲུབ། ད་དུང་བོན་བསྟན་ནུབ་པའི་སྐབས་སུ་སྟང་ཆེན་དམུ་ཚ་གྱེར་མེད་དང་ར་སངས་ཁོད་རམ་གཉིས་ཀྱིས་བྱང་འབྲོག་ཏུ་བྱོན་ཏེ། ཟང་ཟང་ལྷ་བྲག། དང་ར་ཁྱུང་རྫོང་། རྒྱུང་སྲུབ་གསང་བའི་བྲག་ཕུག་བཅས་གསུམ་ལ་བོན་གཏེར་སྦས་པ་དར་རྒྱས་གསལ་སྒྲོན་ནང་དུ་གསལ་ལ། སྐབས་དེར་ཤན་རྩ་རྒྱུད་ཀྱི་འབྲོག་ས་ལ་བྱང་འབྲོག་དང་བྱང་ཡར་འབྲོག་སོགས་ཟེར་སྲོལ་ཡོད་པ་ཁྲོ་འབྲུག་རྣམ་ཐར་ལས་ཀྱང་ཤེས་ནུས། བསྟན་པ་ཕྱི་དར་དུས་སུ་རྨ་སྟོན་དང་རྨ་ལྕམ་མོ། དཔོན་གསས་ཁྱུང་རྒོད་རྩལ། གསང་གྱེར་འོར་སྒོམ་སོགས་ཀྱི་གཏེར་གནས་ཡིན། སོག་པོ་འཛུལ་ཁུང་རྒྱུང་སྲུབ་གསང་བའི་བྲག་ཕུག་ཡིན་པའི་ཁུངས་གསལ་ཤོས་ནི། སྡེ་བརྒྱད་བཟློག་པའི་གཟུངས་རིང་གི་གཏེར་བྱང་དུ། གསང་གྱེར་འོར་སྒོམ་གྱིས། རྒྱུང་སྲུབ་གསང་བྲག་ས་སོག་པོ་འཁྲོས་འདྲ་ན། ཆུ་བྱའི་ལོར་བྲིས། ཞེས་འཁོད་པ་འདིས་སོག་པོ་ཞེས་པ་ས་དབྱིབས་སོག་པོ་འཁྲོས་འདྲ་ཡོད་ཙམ་བཏགས་པར་གསལ་བཤད་ཅུང་ཙམ་བྱས་འདུག འ་ཞ་བློ་གྲོས་ཀྱིས་མཛད་པའི་ཁྲོ་བོ་སྐུ་གསུང་ཐུགས་ཀྱི་སྒྲུབ་ཐབས་ཀྱི་འགྲེལ་བ་གསལ་བྱེད་འཕྲུལ་གྱི་མེ་ལོང་ནང་དུ་རྨ་སྟོན་སྲོལ་འཛིན་གྱིས་སྟ་ཕུ་རྒྱུང་སྲུབ་ཤེལ་དཀར་གྱི་བྲག་ནས་དངོས་གྲུབ་བསྙེས་ཞེས་བྲིས་འདུག སྟ་ཕུ་ཞེས་པ་རྟ་ནག་ཕུ་དང་འབྲེལ་ནས་གསུངས་པ་ཞིག་ཡིན་ཆོག རྟ་ཕུ་ཤེལ་བྲག་དང་རྟ་ཕུ་དྲོན་ལྷས་སོགས་རྒྱུང་སྲུབ་དང་ཉེ་བའི་ས་ཆ་རེད་འདུག་པས་སོ།
✋热门推荐