【On.cc】同居1年傳求婚成功　洪永城咁樣講...

冇腳雀仔成功被收服？

藝人洪永城（Tony）2017年與唐詩詠分手，翌年底被東網拍到有長腿新歡梁諾妍，兩人公開認愛後愈愛愈高調，直至去年底展開同居生活試婚。洪永城曾大讚女友優點，多到數2個鐘都數唔晒，成功收服「冇腳嘅雀仔」嘅洪永城。
今日有消息指向來吊兒朗當嘅洪永城，終於開口話想生小朋友，並計劃買獨立屋與女友築舒適新愛巢，又指早前已向女友求婚成功，婚事待疫情過後先籌備。

洪永城與梁諾妍拍拖2年，有傳已求婚成功。

洪永城透過電話回覆東網，否認與女友求婚之說：「Hahah. Thx. No la.（有冇結婚計劃？）多謝你嘅祝福，當然要計劃啦，有進一步先可以同大家講。」

洪永城否認求婚之說。

而梁諾妍回覆：「哈哈，好搞笑，點解我唔記得同唔知道Tony有向我求婚！其實我哋兩個都好真係鍾意小動物，又因為家庭成員Coco年紀開始大啦，都想陪伴佢多點去不同地方散步，所以我哋一有時間就會立刻放低工作同Coco周圍去，順便拍吓拖，增進感情一下。結婚的事順其自然啦，現在大前題係我哋都會把握每一個工作機會，可能有一刻大家心靈相通，會突然去旅行閃婚都唔定！」

梁諾妍話唔排除閃婚！

#洪永城[超话]#

#吕方# 【三喜臨門】老婆懷孕！55歲呂方做老竇

大家都以為佢係冇腳嘅雀仔唔會停落嚟嘅時候，至2013年年尾東網影到佢同一位名叫Rainbow嘅「高妹」拍拖開餐，嚟到今年佢哋已經結束愛情長跑結埋婚，而Rainbow仲大埋肚佗緊差唔多5個月B，真係恭喜晒！現年55歲嘅呂方一直都好保護呢段戀情，皆因Rainbow嘅年紀同佢相差足足16年，2015年喺宣布開紅館騷嘅記招上面公開確認Rainbow嘅女友地位，但係當時呂方叫大家稱呼女友做「呂小姐」，其實Rainbow嘅中文名係伍惠寶，佢喺2010年搞咗網上買餸平台，以新鮮食材作招來，之後生意愈做愈大，保守估計有幾千萬身家走唔甩，呂方為咗唔想影響到女友嘅生意先至幫佢改姓。出名廚藝了得嘅呂方同賣食材嘅Rainbow有好多共同話題，佢哋鍾意美食嘅同時亦好鍾意煮，近年興起養生潮，呂方除咗同Rainbow鑽研健康食療之外，一得閒佢哋就會去踩單車同埋做運動，不過Rainbow佗B撞正疫情佢哋都好緊張，近期Rainbow都好少再出去做運動，睇番呂方嘅社交網，都係得番佢一個人踩單車。而呂方除咗結婚同做老竇之外，原來仲有一件喜事即將發生，就係相隔五年再次成功申請紅館開騷，將於十二月頭舉行演唱會，面對BB出世同開騷兩件大事，除咗要照顧懷孕太太嘅起居飲食之外，仲要不停操Fit應付演唱會，雖然忙到爆炸，但係三喜臨門咁開心，難怪呂方都話心情興奮到爆啦！

【On.cc】同Siri談情被拒愛　佘詩曼勁冇癮嬲豬

竟然拒絕阿佘？

藝人佘詩曼（阿佘）在內地劇《鬢邊不是海棠紅》中演出備受讚賞，早前她接受內地傳媒訪問時，就要挑戰與手機功能Siri玩遊戲，被要求在3分鐘內引導Siri講出「我愛你」三個字。

阿佘要同Siri對話！

阿佘先用普通話問Siri「你愛我嗎」，Siri卻回覆「我尊重你」，阿佘一臉無奈再用廣東話問Siri「你愛唔愛我」，Siri就引用咗電影《阿飛正傳》中其中一句經典對白「我係一隻冇腳嘅雀仔」回覆，搞到阿佘嬲嬲豬。

Siri答得好有性格！

阿佘唔放棄繼續問！

阿佘未有放棄再追問：「我好愛你呀，你愛唔愛我？」Siri甚至冇反應，阿佘再追問：「我好靚㗎喎，你真係唔鍾意我？」Siri簡單覆咗一個「哦」字來回應。之後阿佘索性轉話題，問Siri食唔食雪糕，點知siri答佢已經到咗無欲無求階段，嬲到阿佘同佢講「拜拜」，非常搞笑！

點知Siri咁樣答…

嬲呀！

嘥氣～

拜～

#佘诗曼[超话]#