བསམ་ཚུལ་གོ་རིམ་རྟ་རྒྱུགས་སུ་གློད་པ།

༈སྐྱེ་བ་མི་ལུས་ཤིག་ལོན་ཀྱང་།།
ན་བའི་སྡུག་བསྔལ་གྱིས་གདུང་བ།།
སྡུག་བསྔལ་ལམ་འཁྱེར་ཅིག་དགོས་དུས།།
བླ་མའི་མན་ངག་ལས་ཅི་ཡོད།།

ན་བ་སྔོན་བསགས་ཀྱི་རྣམ་སྨིན།།
ལས་ངན་ཟད་ན་རང་དགའ་མོད།།
ཟད་ཚུལ་མྱོང་སྟོབས་ཀྱིས་དགོས་ཚེ།།
དེ་འདྲའི་སླ་མོ་ཞིག་མིན་འདྲ།།

འཇིག་རྟེན་མི་ཡུལ་གྱི་བྲོ་བ།།
མངར་སྐྱུར་བསྐ་གསུམ་གྱིས་བཞེངས་ཡོད།།
གྲོགས་པོ་ཕར་བཙལ་ཞིག་དགོས་ཚེ།།
མིག་ལོག་ཚུར་འཁོར་ལས་མེད་འདྲ།།

ཕྱི་ཐག་ཡག་པོ་ཞིག་མེད་ན།།
བརྩེ་བ་ཆུ་ཀླུང་ལ་བསྐུར་འགྲོ།།
ཆུ་མོ་མར་བཞུར་གྱི་གཞུང་ནས།།
ཕྱི་རལ་ནང་རལ་དུ་བཏང་འགྲོ།།

མི་སེམས་བརྩེ་བ་ཡི་སྐུད་རྒྱ།།
མདུད་པ་རང་ཐེབས་ཤིག་མེད་ན།།
བརྒྱ་འབད་སྟོང་སྡུག་ཅིག་བྱས་ཀྱང་།།
ངལ་བ་འབྲས་མེད་དུ་འགྱུར་འགྲོ།།

བཏུད་ན་བྱ་བཞིན་དུ་འཕུར་ཞིང་།།
བཀྱེད་ན་ཁྱི་བཞིན་དུ་འབྲང་བའི།།
གཉེན་ཉེའི་དགའ་སྡུག་ལ་རེ་དུས།།
རང་སྡུག་རང་ཉོས་ལས་མེད་འདྲ།།

དགའ་སླ་སྡུག་སྐྱེན་གྱི་འཚོ་བ།།
སྲིད་པའི་བྲོ་བ་ཡིས་གཏམས་སྐད།།
ང་ནི་དགའ་སྡུག་གི་འཚོ་བས།།
ཕྱི་བཅོམ་ནང་རལ་དུ་བཏང་བཞག།

འཇིག་རྟེན་འཁྲུལ་བ་ཡི་སྣང་ཚུལ།།
བློ་ལ་འབབ་པ་ཞིག་འདྲ་མོད།།
བརྟག་ན་ཆུ་མཐའ་ཡི་ཝུ་དཀར།།
མི་རྟག་སྐད་ཅིག་གིས་རལ་འགྲོ།།

རེས་དགའ་རེས་སྡུག་གི་སེམས་འགྱུ།།
ཆུ་མཐའི་ཡེར་མོ་དང་འདྲ་བ།།
གཅིག་རྗེས་གཅིག་འདེད་ཀྱི་རླབས་རིས།།
འཚོ་བའི་འཁོར་ཡུག་ལ་ཡན་སོང་།།

—མེ་ལོང་དམར་པོས།

༈གྲུ་ཤན་རྟ་མགོ་ཡི་རྣ་ཆ།
སྐྱེ་འཆིའི་རླུང་བུ་ཡིས་འཁྱེར་ན།།
འཁོར་བ་སྔ་ཕྱི་ཡི་སྡིག་སྒྲིབ།།
རྟ་རྨིག་གླིང་ཕྲན་གྱིས་བཞེས་རོགས།།
#རྟ་རྨིག་གླིང་ཕྲན།马蹄岛# https://t.cn/A6tpLTLP

༈ དང་པོ་ཆུང་ས་ཞིག་ནས་གོམ་པ་སྤོ་རྒྱུ་དེ་སློབ་གསོའི་ལས་ཀར་ཀུན་སློང་གཙང་མར་ཡོང་བའི་ཐབས་ལམ་ཡག་ཤོས་དེ་རེད། ལྷག་པར་བྱིས་པ་དག་ལ་མཚོན་ན་རང་བྱུང་ཁམས་ཀྱི་རེག་བྱར་ལོངས་སུ་སྤྱོད་ཐུབ་པ། དཔེར་ན་སློབ་གསོ་དེ་དཔེ་ཆ་ཁོ་ནར་སྟེང་ནས་མ་ཡིན་པ། སྨྱན་གཟུགས་ཁོ་ནའི་སྟེང་ནས་མ་ཡིན་པ། རི་མོ་ཁོ་ནའི་སྟེང་ནས་མ་ཡིན་པ། པར་རིས་ཁོ་ནའི་སྟེང་ནས་མ་ཡིན་པ། ལྷག་པར་བྱིས་པར་མཚོན་ནས་ལབ་ན། ཚོར་ཤེས་དེ་མྱོང་བའི་ཐོག་ཏུ་སླེབས་ཐུབ་པར་བྱེད་པ། མཚར་སྣང་དེ་མངོན་སུམ་དང་ཐག་ཇེ་ཉེར་འགྲོ་རུ་ཐུབ་པ་མི་ཚད། ཐེངས་འདིར་ངེད་བོད་པའི་སྲོལ་རྒྱུན་སློབ་གསོའི་ཁྲོད་ཀྱི་•ཚེ་རིང་རྣམ་དྲུག་གི་གཏམ་རྒྱུད་ལས་འཕྲོས་སྟེ། བྲག་ཚེ་རིང་། ཆུ་ཚེ་རིང་ལྟ་བུ་མིང་ཚིག་དེ་དག་བྱིས་པའི་མིག་གི་ཐད། ལག་གི་མཐིལ། སེམས་པའི་གདིང་། དྲན་པའི་ལྡེབས། ཤ་ཁྲག་རུས་གསེང་དུ་ཐིབ་པར་བྱས་སྟེ། སློབ་གསོ་བྱ་འགུལ་ནང་། ལག་ལེན་ཁྲོད། ཡོངས་སུ་སྨིན་པར་བྱས་ནས། མཐར་ཕྱིན་སློབ་མའི་འདུ་ཤེས་ཀྱི་ཁུད་དུ་ཁྲ་ཀྱི་ལེར། ཚེ་རབས་ཀུན་དུ་ཉར་ཆོག་པའི་སློབ་གསོའི་ཀུན་སློང་ལ་འགྱུར་ཐུབ་པར་སྨོན། https://t.cn/RJPH3AV