༈ གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །
ས་ཆེན་འདི་ལ་གོམ་པ་བདུན་བོར་ནས། །
ང་ནི་འཇིག་རྟེན་འདི་ན་མཆོག་ཅེས་གསུངས། །
དེ་ཚེ་མཁས་པ་ཁྱོད་ལ་ཕྱག་འཚལ་ལོ། །

དང་པོ་དགའ་ལྡན་ལྷ་ཡི་ཡུལ་ནས་བྱོན། །
རྒྱལ་པོའི་ཁབ་ཏུ་ཡུམ་གྱི་ལྷུམས་སུ་ཞུགས། །
ལུམྦི་ནི་ཡི་ཚལ་དུ་ཐུབ་པ་བལྟམས། །
བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ། །

སྟོན་པ་ཐུགས་རྗེ་ཅན་སྐུའི་མཚན་དཔེའི་མེ་ཏོག་མངོན་པར་བཞད་པའི་དུས་ཆེན་བསུ།[合十]

<2>
༈ གཉིས་པ་ས་ག་ཟླ་བའི་ཚེས་བཅོ་ལྔ་ལ་གླང་པོ་ཐལ་ཀར་གྱི་ཚུལ་གྱིས་ཡབ་རྒྱལ་པོ་ཟས་གཙང་མའི་རྒྱལ་ཁབ་སེར་སྐྱའི་གནས་སུ་ཡུམ་སྒྱུ་འཕྲུལ་མ་གསོ་སྦྱོང་ལ་གནས་པའི་གློ་གཡས་པ་ནས་ལྷུམས་སུ་ཞུགས་ནས་ལྷུམས་གཞལ་ཡས་ཁང་དུ་བྱིན་གྱིས་རླབས་ནས་ལྷ་རྣམས་ལ་སྐྱེ་བ་རྣམ་པར་སྦྱངས་བའི་ཆོས་བསྟན།

༈ཁ་བ་འབབ་པའི་མཚན་མོ། 

སོར་རྡེའུ།

སྙིགས་ཟོམ་ནང་དུ་འདུར་བའི་ཁྱེད་ཅག་གིས།།
ངོ་གདོང་རལ་བའི་བདག་ལ་ཡང་ཡང་བལྟ།།
རྩྭ་ལོ་ཐོར་ནས་ལུག་ཁྱུ་རེ་གཉིས་བདས།།
སྨིན་མ་ཆོན་ཐག་སྣེ་རུ་ཁང་པ་བཟོ།།
རྨི་ལམ་ཞིག་གིས་དུས་ཚོད་ལན་མང་གཏུབ།།
མགོ་བོ་སྤྲིན་པའི་ཐོག་ཏུ་དཔྱང་བར་བྱ།།
གཤོག་པ་མང་པོས་ཉོན་མོངས་དྲག་ཏུ་བརྡུང་།།
མཚན་མོ་འཁྱག་པ་རེ་རེས་ཁྱེད་རང་དྲན།།
ལྦུ་ཆང་ཧུབ་ཀྱིས་འབྱོངས་ཀྱང་མིག་ཟུང་ཤར།།
བར་སྣང་འདི་ལྟར་དོག་པ་ཤེས་མ་བྱུང་།།

ཚི་ལེན་སྔོན་པོས་ཐག་རིང་གསལ་ཙམ་བྱས།།
རི་མོ་གཡས་གཡོན་ཡོད་པ་མང་དུ་བཙལ།།
ཉིན་མོ་རྫོགས་པར་ཞེད་ནས་དུར་ལ་སྦས།།
སྐྲ་ལོ་གསེང་དུ་འཚོ་བ་ཤུམ་ཤུམ་བྱས།།
སྲོད་ལ་ཕ་རོལ་ཚུ་རོལ་མལ་དུ་གཟིམས།།
གྲམ་པ་རེ་གཉིས་ཙམ་ལས་སྟོང་པ་རེད།།
མཆི་མ་ནག་པོ་དེ་ལ་ངན་སྔགས་བཟླས།།
སོར་རྡེའུ་ཕ་རོ་མ་རོ་ཕར་སོང་ཟེར།།
ནུབ་ཁའི་མགོ་སྦྲ་སྨུག་པོ་འགྱེལ་ནས་སོང་།།
བྱིས་པ་རེ་གཉིས་སླར་ཡང་གཞིས་སུ་ལོག།།

                            2020/4/28