རྟོགས་སད་དུས་རབས་ཀྱི་ལྟ་བ་མདོར་བསྡུས་ནས་བར

首页发布

རྟོགས་སད་དུས་རབས་ཀྱི་ལྟ་བ་མདོར་བསྡུས་ནས་བརྗོད་ན།
འགྲོ་བ་མིའི་རང་གཤིས་བཟང་པོ་ཡིན། མི་ཚེའི་དམིགས་ཡུལ་ནི་ཚེ་འདིའི་བདེ་སྐྱིད་ཡིན་པ་དང་། དམིགས་ཡུལ་འདི་ཚན་རིག་༼ ཤེས་ཡོན་ནི་སྟོབས་ཤུགས་ཡིན༽ལ་བརྟེན་ནས་མངོན་འགྱུར་ཡོང་ཐུབ་པ་དང་། དམིགས་ཡུལ་འདི་མངོན་འགྱུར་ཡོང་བའི་འགོག་རྐྱེན་ནི་ཤེས་རྨོངས་དང་། རྨོངས་དད། གུ་དོག་བཅས་ཡིན་ཞིང་། འགོག་རྐྱེན་འདི་དག་སེལ་བར་ང་ཚོ་ལ་དགོས་པ་ནི་རྟོགས་སད་ཡིན་པ་ལས་གསར་བརྗེ་མིན། རྟོགས་སད་བརྒྱུད་ནས་འགྲོ་བ་མིའི་ཀུན་སྤྱོད་རང་བཞིན་གྱིས་ཇེ་བཟང་འགྲོ་བས། དེར་བརྟེན། རྟོགས་སད་ལ་བརྟེན་ནས་འཛམ་གླིང་མདུན་དུ་སྐྱོད་ཐུབ། སྙམ།

དུ་བ་འཐེན་པ། ལུས་ཚགས་རྒྱག་པ། རྣ་རྒྱན་འདོགས་པ། སློབ་ཁྲིད་བྱོལ་བ། བལྟས་ན་རྫིག་རྫིག་འདྲ་བ་འདི་དག་ཅི་ཡང་རྫིག་རྒྱུ་མེད་སྟེ། རྒྱུ་མཚན་འདི་ཚང་མ་ཁྱོད་ཀྱིས་སྒྲུབ་འདོད་ན་ལམ་སང་སྒྲུབ་ཐུབ། དངོས་གནས་རྫིག་ཐག་ཆོད་པ་ནི། བལྟས་ཡོང་ན་དེ་ཙམ་སླ་མོ་མེད་པ་དེ་དག་ཡིན། དཔེར་ན་སྒོར་མོ་གསོག་པ། དཔེ་ཀློག་བྱེད་པ། བདེ་སྦྱོང་བྱེད་པ། ལས་དོན་ལེགས་འགྲུབ་བྱེད་པ། ད་དུང་མི་ཞིག་ལ་དགའ་པོ་བྱེད་པ་དེ་དག་ཡིན།

抖音ནང་གི་སྐད་ཆ་ཞིག

དྲན་དུ་རུང་ཡང་འཛིན་དུ་མི་བཏུབ་ཅིང་།།
བསམ་པ་ཙམ་ལས་ཕྱིར་འོང་མི་སྲིད་པ།།
མངར་སྐྱུར་འདྲེས་མའི་འདས་དོན་མག་མོག་དག །
བེམ་ཤེས་དངོས་པོའི་གདོད་ལུགས་གང་དུ་གྲུབ།།

མེད་དོ་སྙམ་ཚེ་ཀུན་གཞིའི་ངོས་སུ་གསལ།།
ཡོད་པར་དྲན་སྐབས་དབང་པོའི་ཡུལ་ལས་འདས།།
བརྗེད་མེད་སྔོན་སོང་སེམས་ཀྱི་རི་མོ་འདི།།
རྫས་འཕྲུལ་གློག་གི་གཟུགས་སུ་དབབ་ན་འདོད།།

ཤེས་རིག་གསལ་བ་འདི་ཡི་སྒེའུ་ཁུང་ལས།།
སུས་ཀྱང་མཇལ་དུ་མེད་པའི་ལྷ་ཞིག་མཇལ།།
ཚོར་ཤེས་ཕྲ་མོ་འདི་ཡི་མྱོང་སྟོབས་ལས།།
གང་གིས་མྱང་དུ་མེད་པའི་དོན་ཞིག་མྱོང་།།

ཐ་སྙད་ཚིག་གི་བྱེའུ་ཆུང་འཕུར་མི་བཏུབ།།
བརྡ་དག་དབྱངས་ཀྱི་ཆུ་མོ་བཞུར་མི་ནུས།།
བརྗོད་མེད་རིག་པའི་བུ་ཆུང་བརྟུལ་པོ་འདི།།
དགོང་མོའི་མཚམས་སྤྲིན་ཙམ་ལ་བཅེར་ཏེ་ལུས།།

༢༠༢༡.༠༩.༢༡ གསོན་མིག་གིས།