་རྗེ་ེབཙུན་ཏཱ་ར་ནཱ་ཐས། སྲིད་གསུམ་བདག་པོ་སྔར་ཡང་ལན་བརྒྱར་ཐོབ། །ངུར་སྨྲིག་རྒྱལ་མཚན་འཛིན་པ་ད་རེས་ཙམ། །ངུར་སྨྲིག་ན་བཟས་ཉིན་གཅིག་སྒྲིབ་པ་སྦྱངས། །ཞེས་གསུངས།
多罗那他尊者：
曾得百次三界主，身着袈裟唯此世，仅穿僧衣净日障。

#噶举祖庭一洛卓沃龙寺[超话]# གུ་རུའི་གསོལ་འདེབས་བཞུགས།

རྗེ་བཙུན་ཏཱ་ར་ན་ཐ།

ན་མོ་གུ་རུ།
དཔལ་ལྡན་སྣང་བ་མཐའ་ཡས་ཀྱི།།
ཐུགས་རྗེའི་མཐུ་ལས་གང་སྤྲུལ་པ།།
པདྨ་འབྱུང་གནས་གྲུབ་པའི་གཙོ།།
འཆི་མེད་སྐུ་ལ་གསོལ་བ་འདེབས།།

ཕུང་པོ་ཁམས་དང་སྐྱེ་མཆེད་ལ་སོགས་པའི།།
མ་དག་ལས་སྣང་གདོད་ནས་རང་འགགས་པ།།
སྤྲོས་བྲལ་ཅིར་ཡང་མེད་པའི་གནས་ལུགས་གཟིགས།།
སྐྱེ་མེད་པདྨ་རྒྱལ་པོའི་སྐུ་ལ་འདུད།།

ཕུང་པོ་ཁམས་དང་སྐྱེ་མཆེད་ལ་སོགས་པའི།།
རང་བཞིན་རྣམ་དག་གདོད་ནས་རང་ཤར་བ།།
སྤྲོས་བྲལ་ཅིར་ཡང་འཆར་བའི་གནས་ལུགས་གཟིགས།།
འགགས་མེད་པདྨ་རྒྱལ་པོའི་སྐུ་ལ་འདུད།།

རྣམ་ཤེས་སེམས་དང་སེམས་བྱུང་ལ་སོགས་པའི།།
འཁྲུལ་པའི་སྣང་བ་གདོད་ནས་རང་འགགས་པ།།
སེམས་ཉིད་རྒྱུན་ཆད་མེད་པའི་གནས་ལུགས་གཟིགས།།
འཇིག་མེད་པདྨ་རྒྱལ་པོའི་སྐུ་ལ་འདུད།།

དགེ་དང་མི་དགེ་ལུང་མ་བསྟན་སོགས་པའི།།
ལས་རྣམས་རང་བཞིན་གདོད་ནས་སྟོང་པའི་ངང་།།
རྒྱུ་འབྲས་ཅིར་ཡང་འཆར་བའི་གནས་ལུགས་གཟིགས།།
མཐའ་བྲལ་པདྨ་རྒྱལ་པོའི་སྐུ་ལ་འདུད།།

སེམས་ཅན་ལས་ཉོན་སྡུག་བསྔལ་ལ་སོགས་པའི།།
ཀུན་རྫོབ་ཐམས་ཅད་གདོད་ནས་སྟོང་པའི་ངང་།།
སྙིང་རྗེ་ཅིར་འཆར་ཡང་བའི་གནས་ལུགས་གཟིགས།།
ཟུང་འཇུག་པདྨ་རྒྱལ་པོའི་སྐུ་ལ་འདུད།།

མ་དག་སྣོད་བཅུད་ཡེ་ནས་སྟོང་པའི་ངང་།།
དག་སྣང་ལྷ་སྐུ་རང་ཤར་འཇའ་ཚོན་འདྲ།།
བསྐྱེད་རིམ་མ་ཧཱ་ཡོ་གའི་ལམ་སྟོན་པ།།
སྣང་སྟོང་པདྨ་འབྱུང་གནས་སྐུ་ལ་འདུད།།

མ་དག་རྩ་རླུང་ཡེ་ནས་སྟོང་པའི་ངང་།།
ཐིག་ལེ་བདེ་སྟོང་རང་ཤར་རྨི་ལམ་འདྲ།།
རྫོགས་པ་ཨ་ནུ་ཡོ་གའི་ལམ་སྟོན་པ།།
ལྷན་སྐྱེས་པདྨ་འབྱུང་གནས་སྐུ་ལ་འདུད།།

འཁོར་འདས་སྣང་སྲིད་མ་བཅོས་སྤྲོས་དང་བྲལ།།
རང་རིག་རང་གསལ་ཐིག་ལེ་ལུ་གུ་རྒྱུད།།
རྫོགས་ཆེན་ཨ་ཏི་ཡོ་གའི་ལམ་སྟོན་པ།།
ལྷུན་གྲུབ་པདྨ་འབྱུང་གནས་སྐུ་ལ་འདུད།།

ཅེས་པའང་རྨི་ལམ་དུ་གསལ་བར་རྨིས་པ་སད་པ་ན་ཡང་མ་བརྗེད་པ་དག་རང་ལོ་ཉེར་དགུའི་དུས་ཀྱི་ལོ་གསར་བ་ལའོ།། །།མངྒ་ལཾ།།

“ཇོ་ནང་ཏཱ་ར་ནཱ་ཐ།”

ཇོ་ནང་པའི་སློབ་དཔོན་ཞིག་ཡིན་པ་འདི་རབ་བྱུང་བཅུ་པའི་ཤིང་ཕག་ལོར་འཁྲུངས། མཚན་དངོས་ཀུན་དགའ་སྙིང་པོ་ཡིན། རྒྱ་གར་ཆོས་འབྱུང་དང་ཇོ་ནང་པའི་ལུགས་ཀྱི་བསྟན་བཅོས་དུ་མ་བརྩམས། རིན་སྤུངས་སྡེ་པ་ཀརྨ་བསྟན་སྐྱོང་དབང་པོ་སྦྱིན་བདག་བསྟེན་ནས་ཇོ་ནང་དགོན་པའི་ཉེ་འདབས་སུ་རྟག་བརྟན་ཕུན་ཚོགས་གླིང་ཕྱག་བཏབ། རྒྱལ་དབང་བཞི་པས་མེ་ཏྲི་བྱ་བའི་མཚན་གསོལ། སོག་པོ་ཁལ་ཁའི་ཡུལ་ཁ་བོང་དུ་ལོ་གྲངས་ཉི་ཤུའི་རིང་ལ་བསྟན་པ་སྤེལ་ཞིང་དགོན་པ་དུ་མ་བཏབ། ཇོ་ནང་པའི་ལུགས་ཉམས་གསོ་མཛད། སོག་ཡུལ་དུ་རྗེ་བཙུན་དམ་པ་ཞེས་སུ་གྲགས། རབ་བྱུང་བཅུ་གཅིག་པའི་ཤིང་ཁྱི་ལོར་འདས། དེའི་ཡང་སྲིད་མོང་གོལ་རྒྱལ་པོ་ཐུ་ཤེ་ཐུ་ཧན་གྱི་སྲས་སུ་འཁྲུངས། རྒྱལ་དབང་ལྔ་པའི་སྐབས་རྟག་བརྟན་ཕུན་ཚོགས་གླིང་དགེ་ལུགས་པར་བསྒྱུར་ནས་དགའ་ལྡན་ཕུན་ཚོགས་གླིང་ཞེས་བཏགས། དེ་ནས་བཟུང་དབུས་གཙང་དུ་གྲུབ་མཐའ་དེ་འཛིན་པའི་སྡེ་རིམ་གྱིས་ཉམས་པར་གྱུར།