#微博[超话]# ࿐བཀའ་བརྒྱུད་པ་ནི་རྒྱལ་བ་རྡོ་རྗེ་འཆང་གིས་གསུངས་པའི་གསང་སྔགས་ཀྱི་གདམས་པའི་བཀའ་བབས་ཀྱི་ཆོས་བརྒྱུད་འཛིན་མཁན་ཞིག་ཡིན་ལ་དེ་ལ་བཀའ་བརྒྱུད་ཆེ་བཞི་ཆུང་བརྒྱད་ལས་ཆེ་བ་བཞི་ནི། འབའ་རོམ་པ་དར་མ་དབང་ཕྱུག་ལས་འབའ་རོམ་བཀའ་བརྒྱུད། ཕག་གྲུ་རྡོ་རྗེ་རྒྱལ་པོ་ལས་ཕག་གྲུ་བཀའ་བརྒྱུད། དཔལ་ལྡན་དུས་གསུམ་མཁྱེན་པ་ལས་ཀརྨ་བཀའ་བརྒྱུད། དབོན་སྒོམ་ཚུལ་ཁྲིམས་སྙིང་པོའི་སློབ་མ་ཞང་ཚལ་པ་བརྩོན་འགྲུས་གྲགས་པ་ལས་ཚལ་པ་བཀའ་བརྒྱུད་དེ་བཞིའོ།།
ཆུང་བ་བཞི་ནི། དྭགས་པོ་ལྷ་རྗེའི་སློབ་མ་བརྒྱད་ལས་སོ་སོར་གྱེས་པའི་བརྒྱུད་འཛིན་རྣམས་ལ་ཆུང་བརྒྱད་ཟེར་བ་སྟེ། ༡.འབྲི་གུང་བཀའ་བརྒྱུད། ༢.སྟག་ལུང་བཀའ་བརྒྱུད། ༣.ཁྲོ་ཕུ་བཀའ་བརྒྱུད། ༤.འབྲུག་པ་བཀའ་བརྒྱུད། ༥.སྨར་ཚང་བཀའ་བརྒྱུད། ༦.ཡེལ་པ་བཀའ་བརྒྱུད། ༧.གཡའ་བཟང་བཀའ་བརྒྱུད། ༨.ཤུག་གསེབ་བཀའ་བརྒྱུད་བཅས་བརྒྱད་ཡིན་ནོ།།
噶举四大派八小派简介

གསང་ཕུ་ནེའུ་ཐོག་གི་མཁན་ཐོག་དྲུག་པ་སློབ་དཔོན་ཕྱྭ་བ་ཆོས་ཀྱི་སེང་གེ(ས་གླང་།1109–1169ས་གླང་།)འི་སློབ་མ་ཇོ་སྲས་བཞི་དང་ཤེས་རབ་ཅན་བཞི། རིག་པའི་སེང་ཆེན་བརྒྱད་བཅས་ཡོད་པ་ལས་སེང་ཆེན་བརྒྱད་ནི། གཙང་ནག་པ་བརྩོན་འགྲུས་སེང་གེ དན་བག་པ་སྨྲ་བའི་སེང་གེ བྲུ་ཤ་བསོད་ནམས་སེང་གེ རྨ་བྱ་རྩོད་པའི་སེང་གེ རྩགས་དབང་ཕྱུག་སེང་གེ མྱང་བྲན་ཆོས་ཀྱི་སེང་གེ ལྡན་མ་དཀོན་མཆོག་སེང་གེ གཉལ་བ་ཡོད་ཏན་སེང་གེ་བཅས་སོ།། #尖单瓦[超话]#

#微博[超话]# ࿐དབྱར་དགུན་སྟོན་དཔྱིད་མི་སྡོད་རྒྱུགས་པ་འདི།།རང་ཉིད་མྱུར་ཏུ་འཆི་བའི་མཚན་མ་ཡིན།།ཉི་མ་རེ་རེ་མྱུར་ཏུ་ཡལ་བ་འདི།།ཉིན་བཞིན་འཆི་བར་ཕྱོགས་པའི་རང་རྟགས་ཡིན།།ཕྱི་ཡི་མི་རྟག་ངེས་པ་མེད་པ་འདི།།ནང་གི་འཆི་བ་མཚོན་པའི་གདམས་ངག་ཡིན།།མི་འདོད་ནད་གཞི་སྣ་ཚོགས་འབྱུང་བ་འདི།།འཆི་བའི་ཕོ་ཉས་ཡང་ཡང་སྦྲོན་པ་ཡིན།རྒ་བས་ལུས་ཀྱི་རྣམ་པ་འགྱུར་བ་འདི།།གཤིན་རྗེའི་ཕོ་ཉས་ཁྲམ་རྟགས་བཏབ་པ་ཡིན།།ཆེ་ཆུང་སྣ་ཚོགས་ཉིན་བཞིན་འཆི་བ་འདི།།རང་གི་འཆི་བ་མངོན་སུམ་སྟོན་པ་ཡིན།།འཆི་བ་སླེབས་ན་མཐོན་པོ་ཡིན་ཡང་ཡིན།།མི་རྟག་བཙོན་རར་བླ་མ་ཡིན་ཡང་ཡིན།།ན་རྒ་འཆི་བ་བཙན་པོ་ཡིན་ཡང་ཡིན།།ཕྱོགས་རིས་མེད་པའི་གཤེད་མ་འཆི་བདག་ཡིན།།