#黄智雯[超话]# 演流產戲喊到傻：Cut機都唔識收聲

藝人#王敏奕# 及黃智雯出席無綫熱播劇《把關者們》宣傳，二人不約而同穿上低胸裙吸睛，智雯笑說：「今日係悉心打扮嘅，因為都好耐冇出席劇集宣傳喇，心情仲有啲緊張添！」

對於網民指智雯今次戲份似「戥腳」，戲份較少，敏奕聞言幫手解圍：「係根據劇情發展啫，嚟緊講佢同袁偉豪夫妻感情就會好多發揮喇。」智雯即接口：「網民好有想像力，話我同敏奕嘅眼神交流有SheShe Feel，又話我哋似足兩姊妹，其實根本唔關事。依家係因為我冇乜工作戲，但跟住會交代我經歷女人最痛（流產），開始趨向激情演出。」談到拍攝流產戲，智雯坦言：「我份人平日比較冷靜，今次喊咗成年嘅眼淚，Cut機都唔識收聲，袁偉豪喺隔籬安慰我。我本身冇小朋友，咪幻想自己失去咗狗仔囉。」

至於敏奕今次扮演精叻女海關，現實生活中覺得自己同樣醒目的她，卻被老公曾國祥嫌蠢：「佢成日話我唔叻，我覺得自己照顧到自己已經好叻，咁我最叻咪揀咗佢做老公囉。（老爺曾志偉又升職。）恭喜佢。（怕唔怕畀觀眾又話你好機會？）相信觀眾嘅眼睛係雪亮嘅，睇得出我嘅努力就自然有機會啦。」

#钟嘉欣# 晒超流利英文　網友直呼「耳朵懷孕」

藝人鍾嘉欣去年回港拍攝無綫劇集《星空下的仁醫》，更成為今年嘅台慶劇，有望衝擊視后寶座！現時身在溫哥華嘅佢，雖然未能返港宣傳，但就繼續於個人影片頻道拍片Keep住人氣，同時為新劇造勢。呢日佢就拍片大玩急口令，出名英文水好嘅佢挑戰英語急口令當然完全無難度，第一次試玩即一Take pass，部分急口令更係零失準，3秒讀完一句長句子，相當犀利，網友就笑指其口音動聽到「耳朵懷孕」。

之後，佢再大玩中文急口令，雖然佢自去年回港拍劇後，已有接近一年冇長期講廣東話，但咬字依然非常標準，閱讀中文字都完全冇問題，不過就愈讀愈亂，唔單止將「雞骨」同「龜骨」撈到亂晒，仲將「邰」字讀錯成「邵」字，但網民一樣受落，大讚佢廣東話冇退步。

男星#張藝興#最近重了16磅，為了回復弗爆身形，要進行地獄式減肥，其公司將他減肥片段放上網，見他面對炸雞心郁郁，但「齋聞冇得食」，他蹲在地上望實炸雞，最後還是忍不住出手，戴起膠手套拿雞塊放入口，但「扮食咗」之後又將它放下，網友讚他忍口能力十分強。他透露現時168磅，直言當初上磅時以為個磅壞了。