༄༅།།
འཇིགས་མེད་སྟོབས་བཅུ་ཡོངས་སུ་རྫོགས་པའི་ཐབས་ཤེས་ཉི་ཟླའི་དཀྱིལ་འཁོར་ལས།།
དགེ་ལེགས་འཕྲིན་ལས་འོད་ཀྱི་སྣང་བས་ས་གསུམ་འགྲོ་བའི་དབུགས་འབྱིན་པ།།
སྙིགས་དུས་རྣམ་འདྲེན་གདུང་འཚོབ་དམ་པ་དཔལ་ལྡན་ཆོས་ཀྱི་རྒྱལ་བོ་ཡིས།།
བདག་སོགས་མོས་ལྡན་གདུལ་བྱ་རྒྱ་མཚོ་ཇི་སྲིད་བྱང་ཆུབ་བར་དུ་སྐྱོངས།།

࿐དེ་རིང་ཡོངས་ཀྱི་དགེ་བའི་བཤེས་གཉེན་ཆེན་མོ་༧ རྗེ་འཇིགས་མེད་དཔལ་ལྡན་རྒྱ་མཚོའི་སྤྱན་སྔ་ནས། དཔལ་གསང་བདག་འཁོར་ལོ་ཆེན་པོ་ལྷ་བཅོ་བརྒྱད་ཀྱི་སྨིན་བྱེད་དབང་སྟ་གོན་དང་བཅས་པ་མཛོད་དགེ་རུ་སྟོད་མ་དགེ་འདུན་བསྟན་པ་དར་རྒྱས་གླིང་ནས་ལེགས་པོར་ཐོབ་པའི་སྐལ་བཟང་མངོན་དུ་གྱུར་བ་ལགས་སོ།། [合十][合十][合十]

༄༅། །རྫོགས་ཆེན་པ་བྱང་ཆུབ་རྡོ་རྗེའམ་རྡོ་གྲུབ་ཆེན་སྐུ་ཕྲེང་དང་པོ།
# ༸ འཇིགས་མེད་ཕྲིན་ལས་འོད་ཟེར# གྱི་སྐྱེ་ཕྲེང་གསོལ་འདེབས་ཉུང་བསྡུས་མེ་ཏོག་ཕྲེང་མཛེས་བཞུགས།

༄༅།།ཡོངས་རྫོགས་ཐུབ་བསྟན་སྙིང་པོ་སྙིང་རྗེའི་གར་།

སྟོན་ལ་དབང་བསྒྱུར་ལེགས་གསུང་ཉིན་བྱེད་ཀྱིས་།

བཤད་སྒྲུབ་ཕྲིན་ལས་འོད་སྣང་སྤྲོ་མཁས་པའི་།

སྐྱེས་མཆོག་འགྲོ་འདྲེན་དམ་པར་གསོལ་བ་འདེབས་།།