下班前和我老板通了电话，这通电话一讲就半个钟。我纠结了一个月的事情，他说其实很简单，不是那么难解决，说我一开始就不应该这样那样做，我的内心os: 咁你唔早讲？[裂开]
然后他说自己没有看我的电邮，我又无出声问佢佢以为我搞得掂[裂开]
继续内心os: 你唔系好惊我做错嘢咩[裂开]点解突然间咁信任我[裂开]

临训教之前写啲嘢

今日去舅父屋企拜婆婆，个厅嘅场景好熟悉，好似翻到咗十四年前阿公走嗰阵嘅画面
装完香我就加入四妗婆 五妗婆 八婆 表妗母佢地折金纸，同佢地倾计
倾到折金纸嘅手法，我就同妈咪讲，“好似係姨婆（一个月前走咗）教我折嘅，喺阿公走阿阵，佢教我先竖起身折，熟手再打横折，佢仲讲八婆坏话hhh”跟住谂谂下以前细个嗰阵婆婆嗰边啲老人长辈都对我好好，大家都好慈祥好温柔啊，真係好，不过人一年比一年少喇
害，就係突然会好伤感，谂起婆婆喺病床上面嘅样，日日都叫住舅父个名，舅父地搬咗去澳洲，疫情佢地都翻唔到嚟，都係靠公司申请先翻到，隔离十四日先真正翻到屋企，翻嚟一个月之后，婆婆就走咗，生命最后嘅时候连挂住嘅人都唔见得到几个害
虽然我屋企无乜钱，但係我啊嫲每次生日都好齐人过得好幸福，婆婆屋企虽然有钱，但係屋企空荡荡，得一个佣人服侍佢，瘫喺张床度害唔知点讲
折咗好耐金纸，听咗好多古仔八卦，好中意哩种时刻～我想记低

#房住不炒# 【逃走他鄉的故事】見盡租霸掠水奇招！英國唐人街港佬教你自保 ，滿街鋪天蓋地的樓盤物業廣告，便知道港人熱愛買樓的程度有多狂。這股熱浪，近年擴散至海外物業，澳洲、英國、日本、台灣、泰國均為港人置業目標。於英國曼徹斯特唐人街開設物業代理公司的葉謙信，身為業界一員，近年主力處理客戶的租賃成交，以及物業託管。見盡部份同行以利益為先，專揀海外業主掠水的例子，「就係蝦你唔會特登買張機票飛過嚟追究！」他謂華人更應團結起來。

阿謙接觸的客戶中，投資曼徹斯特物業，僅約5%為自住用途，絕大多數港人均為投資收租。「好多時投資者唔熟識地頭，純粹聽發展商講，買咗啲無乜流動性嘅地區。」海外物業投資最重要是認清置業位置，「買物業唔係究其買，唔同買棵菜。」亦要留意，發展商如以交通便利、鄰近地鐵站為賣點，「到底係近哪一個地鐵站，是交通樞紐的大站，還是山旯旮的小站。」

不過他認為最棘手的不是買錯地點，而是租務事宜處理不當。「因為個磚頭仲喺度，可以賣返出去。但租唔出不單令你無錢賺，分分鐘損手而回。」他舉例指發展商保證首年回報至多少厘後，對往後時間的物業管理愛理不理，甚至丟空單位，「無租金回報收入的話，買個物業嚟做咩呢？倒不如買股票。」

除此以外，發展商或託管公司濫收費用，同樣令買家頭痕。「琳琅滿目的隱藏收費（hidden cost）又或者額外費用（extra cost），例如上門裝修報大數、幫你上門開一開門又收錢，海外業主收到單據時疑惑，問點解管理費咁高？細睇先發現，濫收費用嘅情況係好常見。」更多時候是針對海外業主，因為深知海外業主「唔會特登買張機票飛過嚟追究！」；反而對於本地業主，這些情況非常罕見。

講起掠水技倆，阿謙分享有同行喜歡與租戶簽署短期租約，「英國定義下，半年以內為之短期租約，半年以上則為長期，簽半年的好處是一約滿再續簽時，可以收取相當於半個月租金費用的佣金，呢啲技倆係幾好搵㗎。」久而久之，業主的投資回報就是這樣被蠶食。

租金回報被蠶食，遇上租霸可謂雪上加霜。阿謙經驗之談指，租霸一般會繞過中介直接聯絡業主，避免被中介「問長問短」，加上一般業主不會花時間做背景審查，因此亦較易中招。他個人亦有兩招分辨租霸，「感覺上租霸講嘢比較浮誇，同時間如果你問佢問題，問得仔細啲，佢地又會講得唔清唔楚，瑟瑟縮縮。」

不過投資海外物業過程中有困難，又或者遇上租霸並非不能解決的問題。對於託管物業時，出現糾紛或懷疑中介濫收費用，阿謙提醒投資者是有權更換中介或「轉會」；至於一般在簽署租約時，他建議簽不多於兩年時間，一旦遇上租霸都有「止蝕」的日子。

記者：陳家恩