【香港娱乐新闻】
陈法拉37岁生日去“滚”　型男出招冧女神

女神陈法拉寻日37岁生日喇，佢上载咗段片多谢大家嘅祝福！片中嘅佢喺冰湖上跣嚟跣去，仲差啲做出一字马，非常调皮！法拉BB仲获另一男子为佢弹生日歌，真系冧到晕喇，唔知男友有咩表示呢？

之后佢上载另一张相，原来仲去咗“滚”，四川出世嘅佢去食麻辣火锅庆祝呀！网民都祝佢生日快乐之馀，大赞佢冇变过一样咁靓！真系要讲句：“Holiday，我哋真系好挂住你呀！”

老公冇影 群星搶賀 古天樂激罕撐樂易玲
東方新地 - 娛聞 on Jul 8, 2018 at 14:15https://t.cn/RePEdYq

每年生日例必開P慶祝的樂易玲，今年更是她「登六」前最後一個生日，當然要隆重其事搞大佢，樂小姐選擇在正日前提早在大坑一間餐廳開P慶祝，上年由無綫助理總經理，殺埋入邵氏兄弟電影做揸弗人的她，在電視圈影壇都舉足輕重，當晚邵氏旗下藝人，一班無綫視帝視后小生花旦以至多年好友，統統到齊搶賀樂小姐，雖然老公冇現身，但連熱辣辣今屆香港電影金像獎影帝古天樂都激罕畀面到賀，樂小姐心情靚到滿場飛不停同人隊酒，古仔現身更成為群星集郵對象，場面失晒控，星光熠熠直頭媲美TVB台慶頒獎禮。

古仔搞㷫個場

當晚就連生日會稀客影帝古天樂亦激罕到賀，場面星光熠熠。據在場人士透露：「古仔嘅新公司，嚟緊會同邵氏有好多合作，近排同樂小姐成日有接觸，雖然古仔呢排開緊戲，工作都好忙，但佢都專誠嚟賀樂小姐，影帝到嚟，大家真係好驚喜，古仔一出現立即搞㷫個場，個個爭住搵影帝集郵，佢全晚冇停過同人影相，大概逗留咗一個鐘，因為仲有工作，古仔同樂小姐舉杯之後就走先。」

影帝畀面到

逗留約一小時的古仔，同經理人Ronnie一同離開，離開時碰到鄭明明，古仔仲同對方企街傾咗一陣。

【On.cc】港姐黃瑋琦拒續約原因估你唔到

2017年港姐季軍黃瑋琦（Emily）出席明珠台美劇《直覺追兇》全港首播記者會，即場玩遊戲考嗅覺、觸覺、視覺。講到她完成港姐15個月合約後將不續約，她透露年底會返美國發展，做有關時裝的工作。問是否因工作量少，故決定不續約？她說：「唔係，TVB畀咗好多工作同機會，但廣東話對我嚟講都有啲難度，但我都好勤力同好有興趣學。（覺得廣東話唔好有啲輸蝕？）都係。」問到可會後悔不續約？她說：「唔會，我都會成日返香港，同埋暫時唔後悔工作，因為人生仲有好多嘢想試。」

講到新一屆港姐，她表示都有留意：「覺得OK呀。（睇好邊個？）暫時唔講，因為經過訓練後會愈嚟愈靚，所以我留番決賽嗰晚先講。（鼓勵廣東話唔好嘅佳麗要練好廣東話？）都係，希望佢哋好似我咁努力。」