༈ བདག་གི་སྐྱབས་གནས།
ཉོན་མོངས་དབང་གྱུར་ཁུར་ཡུག་སྨོག་པོ།།
དྲན་པ་འཐོམ་པོ་སྨག་རིམ་དགུ་བརྩིགས།།
མདུན་གྱི་ལམ་སྟོན་སྒྲོན་མེ་རྐང་གཅིག །
མཐོལ་གྱི་གཟིམས་ནས་ལོ་ཟླའི་ཆོད་ཀྱང་།།
གདུང་བའི་རྨ་ཁ་ད་དུང་སོས་མེད། །
རིན་ཆེན་མི་ཡི་ལུས་ཀྱི་རྟེན་ལ། །
དམ་ཆོས་སྙིང་པོའི་རྒྱན་ཆ་དཔྱང་སྟེ། །
བློ་སྣ་དགེ་བའི་ཕྱོགས་སུ་དྲངས་བའི།།
དྲིན་འདི་བསམ་ན་འཁྱམ་པོའི་སེམས་པ།།
མཆི་མའི་མི་བརྣང་རང་དབང་མི་འདུག །
ཟོལ་མེད་དད་པའི་གསོལ་བ་འདེབས་ཞོར།།
ལག་ཟུང་ཐལ་མོ་སྙིང་ཁ་སྦྱོར་ཏེ། །
མགོན་ཁྱེད་དྲན་པ་སྙིང་ནས་ཡིན་ན། །
ཐུགས་རྗེ་བྱིན་རླབས་སྐལ་བ་མ་གཅོད།།
ཁྱེད་ལས་གཞན་པའི་ཡི་དམ་མི་དགོས།།
ཁྱེད་ལས་ལྷག་པའི་བླ་མ་མི་དགོས།།
ཁྱེད་མིན་མཁའ་འགྲོ་བདག་ལ་མི་མཁོ།།
བདག་ལ་ཁྱེད་ལས་སྐྱབས་གཞན་མི་དགོས།།
རྡོ་མཁར་རྫོང་གི་ཇ་ཁང་ཞིག་ཏུ་ངལ་གསོ་ཞོར་གནམ་ལྷུང་ཟླ་ཟེར་ཞེས་པའི་མདོ་མེད་འཁྱམ་པོ་དེས་སྨྲས་པའོ།།
2021/10/02
ཉོན་མོངས་དབང་གྱུར་ཁུར་ཡུག་སྨོག་པོ།།
དྲན་པ་འཐོམ་པོ་སྨག་རིམ་དགུ་བརྩིགས།།
མདུན་གྱི་ལམ་སྟོན་སྒྲོན་མེ་རྐང་གཅིག །
མཐོལ་གྱི་གཟིམས་ནས་ལོ་ཟླའི་ཆོད་ཀྱང་།།
གདུང་བའི་རྨ་ཁ་ད་དུང་སོས་མེད། །
རིན་ཆེན་མི་ཡི་ལུས་ཀྱི་རྟེན་ལ། །
དམ་ཆོས་སྙིང་པོའི་རྒྱན་ཆ་དཔྱང་སྟེ། །
བློ་སྣ་དགེ་བའི་ཕྱོགས་སུ་དྲངས་བའི།།
དྲིན་འདི་བསམ་ན་འཁྱམ་པོའི་སེམས་པ།།
མཆི་མའི་མི་བརྣང་རང་དབང་མི་འདུག །
ཟོལ་མེད་དད་པའི་གསོལ་བ་འདེབས་ཞོར།།
ལག་ཟུང་ཐལ་མོ་སྙིང་ཁ་སྦྱོར་ཏེ། །
མགོན་ཁྱེད་དྲན་པ་སྙིང་ནས་ཡིན་ན། །
ཐུགས་རྗེ་བྱིན་རླབས་སྐལ་བ་མ་གཅོད།།
ཁྱེད་ལས་གཞན་པའི་ཡི་དམ་མི་དགོས།།
ཁྱེད་ལས་ལྷག་པའི་བླ་མ་མི་དགོས།།
ཁྱེད་མིན་མཁའ་འགྲོ་བདག་ལ་མི་མཁོ།།
བདག་ལ་ཁྱེད་ལས་སྐྱབས་གཞན་མི་དགོས།།
རྡོ་མཁར་རྫོང་གི་ཇ་ཁང་ཞིག་ཏུ་ངལ་གསོ་ཞོར་གནམ་ལྷུང་ཟླ་ཟེར་ཞེས་པའི་མདོ་མེད་འཁྱམ་པོ་དེས་སྨྲས་པའོ།།
2021/10/02
༈བཻཌཱུརྱ་དབྱིག་གི་ཁུ་བས་བཞུས་པ་ལྟ་བུའི་མཁའ་དབྱིངས་ཀྱི་མདངས་ནི་རབ་ཏུ་གསལ་ཞིང་། ཕྱོགས་དང་ཕྱོགས་ནས་བར་མཚམས་མེད་པར་རྒྱུ་བའི་གཞོན་ནུ་མའི་འོ་འཛིན་ཇི་བཞིན་སྤྲིན་དུམ་ལང་ལོང་དུ་གཡོ། འོག་གི་རི་ལུང་ཀུན་ཀྱང་མཐོ་བ་ཐང་དཀར་རྒོད་པོའི་གཤོག་རྩལ་ངོམ་སའི་ཀན་གཟར་གྱི་བྲག་རི།བར་མ་རི་སྐྱེས་རི་དྭགས་ཚོགས་ཀྱིས་བག་ཡངས་ཀྱི་རྩེད་འཇོ་རོལ་སའི་སྤང་རི་དང་ནགས་རི། དམའ་བ་རྟ་ནོར་ལུག་གི་ནོར་གཡང་འཁོར་ས། སྦྲ་ནག་གི་གུར་ཁྱིམ་ཕུབ་སའི་ནེའུ་གསིང་གི་བསྐྱེད་ཚལ་ངོས་ཡངས་པོ། རི་རྐེད་དག་ནས་ཀྱང་ན་བུན་དུམ་དུམ་ངང་འཁྲིགས་ཤིང་བྱ་བྱེའུ་སྣ་ཚོགས་ཀྱི་མགྲིན་གླུ་བར་མེད་དུ་ལེན། ཁོད་ཡངས་ཤིང་ཡིད་དུ་འོང་བའི་གླིང་གི་ཕ་ས་སྨུག་པོ་འདི་བདག་ཀྱང་ལས་སྨོན་གྱི་མཐུས་ལན་གཅིག་ཐོབ་པའི་དལ་རྟེན་འདི་འདིར་སྐྱེ་བས་རབ་ཏུ་དགའ། རྒྱུ་མཚན་ཅི་ཡིན་ཆ་མི་འཚལ་མོད། ཕལ་ཆེར་བལྟས་འོང་ན་གླིང་ཆོས་འཕེལ་ནག་པོའི་གདུང་བརྒྱུད་འཁྲུལ་མེད་དུ་བྱོན་པའི་གནས། མཐོང་ན་མི་མཐུན་པ་མེད་པ། ལོ་རྒྱུས་ཀྱི་བ་གམ་བརྩེགས་པའི་རིན་བྲལ་གྱི་ནོར་བུ་ཞིག་ལྡན་པས་ཡིན་ལས་ཆེ་ལ། ལྷག་ཏུ་ལྷ་སྲས་དགྲ་ལྷ་རྩེ་རྒྱལ་གྱི་གདུང་བརྒྱུད་བར་མ་ཆད་དུ་ཡོད་པའི་དབང་གིས་ཀྱང་ཡིན་པ་གོར་མ་ཆགས། དེའི་ཕྱིར་གནས་རི་རྫོང་གྲགས་དཔལ་གྱི་རི་བོའི་ས་ཆ་འདི་ནི་ཡུལ་འདིའི་རི་ལུང་ཀུན་ལས་ཀྱང་ངོ་མཚར་རབ་ཏུ་ལྡན་ཞིང་། གླང་ཆེན་ཉལ་འདྲའི་དབྱིབས་དང་མཚུངས་པར་རྫོགས་སྤྲུལ་བཞི་བས་གསུངས་པ་ལྟར་ནང་དུ་དཔའ་བོ་དང་དཔའ་མོའི་བྲོ་ར་ཉིད་དུ་གནས་ཤིང་། ཕྱི་ལྟར་ལྷ་སྐུ་དང་རང་བྱོན་ཞབས་རྗེས་སོགས་ངོ་མཚར་རྨད་དུ་བྱུང་།ལྷག་དོན་དུ་སྨུག་པོ་གདོང་དང་ཡི་གེ་ཨ་ཞེས་པའི་ངག་རྒྱུན་ལྟར་ས་འདིར་ཞབས་ཀྱིས་བཅགས་པའི་གླིང་གི་རྒྱལ་བློན་དག་ནི་སྨུག་པོ་གདོང་གི་རུས་རྒྱུད་འཁྲུལ་མེད་ཡིན་པའི་བརྡར་ཨ་ཡིག་དཀར་པོ་སོགས་ཀྱིས་མཚོན་པའི་རང་བྱོན་མང་དུ་མཇལ་རྒྱུ་ཡོད། ཆེས་ཡིད་ཕངས་པ་ཞིག་ནི་སྔོན་ཆད་ཆུང་དུས་ནས་སྐུ་མཁར་སེང་འབྲུག་སྟག་རྩེའམ་གླིང་གི་རྒྱལ་རབས་རིམ་བྱོན་གྱི་མཁར་ཤུལ་རྙིང་པ་དེ་མཇལ་དུ་ཡོད་ནའང་། ཕྱིས་སུ་སྐུ་མཁར་གསར་བཞེངས་བྱས་པའི་གོ་རིམ་གྱི་ཁྲོད་ནས་ད་སྐབས་པར་བརྙན་ཙམ་ལས་མཇལ་དུ་མེད་པ་ནི་ཆེས་ཡིད་ཕངས་པ་ཞིག་རེད། [微笑] ཅེས་གླིང་ཚང་རིག་པའི་སྙེ་མས་བརྙན་འདི་མཐོང་འཕྲལ་དུ་སེམས་ཚོར་ཉུང་ངུ་ཞིག་ཡི་གེར་བཀོད་པའོ།། ༢༠༢༡/༡༠/༢/
༈མཁན་ཆེན་དམ་པ་དབང་ཆེན་རབ་དགྱེས་སྐུ་ཞི་བར་གཤེགས་པའི་རྗེས་དྲན་དུ་ཕུལ་བ་མ་བཅོས་ཡིད་མཚོ་སྐྱོམ་པའི་རླབས་སྒྲ།
———— རི་སུལ་ཨུཏྤལ།
གསང་ཆེན་ལྷོ་གླིང་འཛིན་མའི་སྐྱེད་ཚལ་ན།།
ཡིད་བཞིན་གདུཊ་དཀར་གཅིག་གི་གྲིབ་བསིལ་འོག།
ལང་ཚོའི་གཤོག་རྩལ་རྫོགས་པའི་ན་མཉམ་ཁྱུའི།།
བཤད་སྒྲུབ་ཉི་མའི་འོད་ཀྱིས་གླིང་བཞི་གསལ།།
སྐྱབས་གཅིག་ཆོས་ཀྱི་རྗེ་དང་ཐུགས་ཀྱི་སྲས།།
རེ་རེའི་གསང་གསུམ་ཡོན་ཏན་གཞལ་དཀའ་བ།།
སྣ་ཚོགས་ངོ་མཚར་ལྡེམ་མྱུར་རླུང་གི་འགྲོས།།
མདོ་ཁམས་འཛིན་མའི་མཐའ་རུ་ཐོལ་གྱིས་བརྒལ།།
པདྨ་དབ༵ང་གི་ལུང་པའི་ལྷ་གྲལ་ན།།
བརྩེ་ཆེ༵ན་ཉི་མའི་འོད་ཀྱི་མཛོད་འཆང་ཞིང་།།
བཅོས་མིན་ཞི་དུལ་སྤྱོད་པའི་སྣང་བ་ཅན།།
ཁྱེད་གཅིག་འབྲལ་མེད་གཙུག་གི་ཉི་མ་ཡིན།།
དང་པོའི་ལས་ཀྱི་འདུན་མ་རྒྱང་ལ་གཏད།།
མི་དལ་གོམ་པའི་འདེགས་འཇོག་རི་ལ་བསྒྱུར།།
དད་དམ་སེམས་ཀྱིས་སྐྲ་ལོ་རླུང་ལ་བསྐུར།།
ཀུན་ཀྱང་འདུན་མའི་རེ་ལྟོས་ཁྱེད་ལ་བཅོལ།།
བརྩེ་ཆེན་ཐུགས་ཀྱི་འོད་དཀར་མ་ནུབ་པའི།།
དམ་པའི་སྐྱེས་ཆེན་སྐར་ཚོགས་འཁྲིགས་པའི་ཁྲོད།།
ཁྱེད་ཉིད་ནམ་མཁའི་ཟླ་བ་དཀར་ཆུང་སྟེ།།
བདག་ཡིད་ཡ་ཆུང་སྙིང་གི་མེ་ཏོག་ཡིན།།
དགྱེས་འཛུམ་ཞལ་གྱི་ཟླ་བ་དྲན་ཐེངས་རེར།།
སྐྱོ་བའི་སེམས་པ་གདུང་བའི་སྨག་གིས་བསྒྲིབས།།
མཉེས་གཤིན་བརྩེ་བའི་གསུང་སྙན་དྲན་ཐེངས་རེར།།
བདག་ཡིད་སྨྲེང་བའི་མཆི་མ་གཙང་པོར་འདྲེས།།
ཀྱེ་མ་ཁྱེད་ཉིད་གཤེགས་པའི་མི་སྙན་གཏམ།།
ཐོས་འཛིན་ལམ་འདིར་ལྷུང་བའི་སྐད་ཅིག་ནས།།
མི་སྡོད་སེམས་ཀྱི་རླུང་བུའི་རྟ་མཆོག་འདིས།།
ཉིན་རེར་གླིང་བཞིའི་སྨག་ཆེན་ཁད་ཀྱིས་ཉུལ།།
ལོ་ཟླའི་ཕྲེང་བ་བགྲངས་ན་མི་ཉུང་ཡང་།།
དུས་ཀྱི་བགྲོད་པ་གློག་བཞིན་མྱུར་བ་འདིས།།
མཉམ་འགྲོགས་ལོ་ཟླའི་ཁུད་ཀྱི་དམ་པའི་གཤིས།།
ཇི་བཞིན་མ་ཤེས་ད་ལྟ་ལྷག་ཏུ་སྐྱོ།།
གནག་པའི་ཞལ་གྱིས་སུ་ལ་གཟིགས་མྱོང་མེད།།
རྩུབ་པའི་ཚིག་གིས་སུ་ལ་སྡིགས་མྱོང་མེད།།
དྲང་པོས་གཤིས་ཀྱིས་གཞལ་ན་སུ་ལ་ཡང་།།
བུ་བཞིན་བརྩེ་བ་སྐད་ཅིག་འདོར་མྱོང་མེད།།
ཞལ་དེ་དྲན་ན་སེམས་ཀྱི་ཉི་མ་ཡིན།།
གསུང་དེ་དྲན་ན་སྙིང་གི་ཟླ་བ་ཡིན།།
གཤིས་དེ་དྲན་ན་བྱང་སེམས་ངོ་མ་ཡིན།།
བསམས་ན་ད་ལྟ་སྐྱོ་བ་མཐའ་མེད་ཡིན།།
མངོན་ཆུང་ཞི་དུལ་སྤྱོད་པ་ཀུན་ལ་མཛེས།།
བག་ཕེབས་རྣལ་མའི་གཤིས་ཀྱང་ཀུན་དང་མཐུན།།
མཐའ་མེད་མཁྱེན་པས་ཤེས་བྱ་ཀུན་གཟིགས་མོད།།
ཚིག་འདི་ཙམ་གྱིས་ཁྱེད་ཉིད་ཇི་ལྟར་མཚོན།།
ཐུན་མིན་ཐེག་པའི་ཡང་རྩེའི་ཟབ་གསང་གནད།།
ཁྱེད་ཐུགས་ནམ་མཁའི་མཛོད་ན་ཀུན་གསལ་ཞིང་།།
ཐུན་མོང་ཇི་སྙེད་རིག་པའི་སྐར་ཚོགས་འབུམ།།
ཁྱེད་ཀྱི་མཁྱེན་པའི་ཀློང་ན་ཅིར་ཡང་བཀྲ།།
ལོ་རེའི་དབྱར་གསུམ་མེ་ཏོག་ལྡེམ་པའི་དུས།།
ཆོས་མཐུན་གྲོཊ་ཀྱི་མཉམ་འཛོམ་དགོད་སྒྲའི་ཁྲོད།།
ཁྱེད་ཉིད་བརྩེ་ཆེན་ཡུམ་གྱི་ངང་ཚུལ་བཞིན།།
དགྱེས་བརྩེའི་གསུང་གི་བཞད་སྒྲ་ལྷག་ཏུ་སྙན།།
དགྱེས་པའི་ཞལ་དེ་ད་དུང་གསལ་ལེར་མཐོང་།།
བརྩེ་བའི་གསུང་དེ་ད་དུང་ལྷང་ངེར་ཐོས།།
མངོན་ཆུང་གཤིས་དེ་ད་དུང་ཡིད་ལ་འཁོར།།
མི་རྟག་འདུ་འབྲལ་བསམ་རུང་ལྷག་ཏུ་སྐྱོ།།
དགུན་གསུམ་ཁ་བའི་གྲང་ངར་རྒོད་པའི་དུས།།
འུ་ཅག་མཉམ་འཛོམ་ཤོང་བའི་སྤྱིལ་ཆུང་ནང་།།
སྤྲོ་དགའི་གནམ་ལོ་བསུ་བའི་རྣམ་པ་སོགས།།
བསམས་ན་དུས་འདི་ཕྱིར་འོང་མེད་སྙམ་སྐྱོ།།
སྐབས་རེར་མཆེད་ལྕམ་འདུས་པའི་ཚོཊ་གྲལ་དུ།།
ཕྱག་ན་ཕྲེང་བ་པང་ན་དཔེ་ཁང་བཅས།།
དལ་ཞིང་ལྡེམ་པོར་ཕེབས་པའི་ཞལ་རས་དེ།།
དྲན་ན་ད་ནི་གཏན་དུ་མི་མཇལ་སྐྱོ།།
མ་ངེས་ལས་ཀྱི་རླུང་བུས་ཁུར་བ་ཡིས།།
གཏོལ་མེད་ས་མཐར་འཁྱམ་པའི་ཉམ་ཆུང་བདག།
ཐོག་མའི་སློབ་གླིང་མཇལ་བའི་ཉིན་མོ་ནས།།
རྗེས་བཟུང་བརྩེ་བས་གཟིཊ་པའི་བཀའ་དྲིན་དྲན།།
བཅུ་གྲངས་ཟླ་བའི་ལོ་ཡི་ཁྱུད་མོ་ལ།།
ཁྱེད་གསུང་བདུད་རྩིའི་ཟིལ་བ་བཏུང་བ་ཡིས།།
ཐ་སྙད་རིག་གནས་གཙུག་ལག་ཆོས་ཀྱི་སྒོ།།
ཐོག་མར་ཕྱེས་པའི་བཀའ་དྲིན་ལྷག་ཏུ་དྲན།།
དེ་སྐད་མ་བཅོས་ངག་རིག་སྒྱུ་མའི་གླུ།།
དྲན་གདུང་སྨྲེང་བའི་མིག་ཆུའི་ཐིག་པའི་ཕྲེང་།།
གང་ཤར་ཀུན་རྟོག་སྐྱོམ་པའི་རླབས་རྩེ་ནས།།
ཟོལ་མེད་སྒྱུ་མའི་འཕྲུལ་དུ་སོར་མོས་བཀོད།།
མི་འབྲལ་སྨོན་ལམ་སེམས་ཀྱི་དཀྱིལ་ནས་བཏབ།།
དད་དམ་མི་འགྱུར་དམ་བཅའ་སྙིང་ལ་བྲིས།།
བྱིན་རླབས་སྣང་བའི་དངོས་གྲུབ་ཉིད་ལ་ཞུ།།
དོན་གཉིས་དཔག་མེད་མཐའ་རུ་རྒྱས་པར་ཤོག།
ཅེས་པ་འདི་མཁན་ཆེན་མཆོག་སྐུ་གཤེགས་ནས་ལོ་འཁོར་གཅིག་འཁོར་ལ་ཉེ་བའི་དུས་སུ། སྐུ་ཉིད་ཀྱིས་བྱམས་བརྩེས་བསྐྱངས་པའི་བཀའ་དྲིན་ཐོབ་པ་ལས་དང་པོར་སྐུ་ཉིད་ཀྱི་མདུན་ནས་རབ་ཏུ་བྱུང་བའི་དགེ་མིང་ཐུབ་བསྟན་ཚུལ་ཁྲིམས་རྒྱ་མཚོ་ཞེས་དང་། དེ་ནས་རིག་བྱེད་སྙན་དངགས་མེ་ལོང་མའི་གཞུང་ཁྲིད་ཆ་ཚང་ཐོབ་པར་ལེའུ་གསུམ་པོའི་དཔེ་བརྗོད་ཕུལ་བས་སླར་ཡང་མཁན་ཆེན་ཉིད་ཀྱིས་འདང་བརྩེའི་རྟེན་འབྲེལ་མཚོན་པའི་ཆེད་དུ་ཤིས་བརྗོད་ཚིགས་བཅད་དང་འབྲི་དེབ་དང་སྙུ་གུའི་ལེགས་སྐྱེས་བཅས་གནང་བའི་རིག་བྱེད་ཀྱི་མིང་ལ་འཇམ་དཔལ་འཛུམ་པའི་གེ་སར་ཞེས་བཏགས་ཀྱང་། རང་ཉིད་བྱ་བྱེད་མང་བས་བཏགས་པའི་མིང་རི་སུལ་ཨུཏྤལ་ལམ་དྲྭ་མིང་ཞོགས་མིག་ཅེས་འབོད་པ་དེས་བོད་རབ་རྒྱན་ལྕགས་གླང་ཟླ་ཚེས་ལ་མདོ་སྨད་བཅུ་ཕྲག་རིག་པའི་སློབ་གླིང་ནས་བྲིས་པ་འདིས་ཀྱང་སྐྱེ་བའི་ཕྲེང་བ་ཀུན་ཏུ་མཁན་ཆེན་མཆོག་གི་ཐུགས་རྗེའི་སྣང་བ་དང་མི་འབྲལ་བའི་རྒྱུར་གྱུར་ཅིག། ཕྱི་ལོ་2021/08/13ལའོ།།
———— རི་སུལ་ཨུཏྤལ།
གསང་ཆེན་ལྷོ་གླིང་འཛིན་མའི་སྐྱེད་ཚལ་ན།།
ཡིད་བཞིན་གདུཊ་དཀར་གཅིག་གི་གྲིབ་བསིལ་འོག།
ལང་ཚོའི་གཤོག་རྩལ་རྫོགས་པའི་ན་མཉམ་ཁྱུའི།།
བཤད་སྒྲུབ་ཉི་མའི་འོད་ཀྱིས་གླིང་བཞི་གསལ།།
སྐྱབས་གཅིག་ཆོས་ཀྱི་རྗེ་དང་ཐུགས་ཀྱི་སྲས།།
རེ་རེའི་གསང་གསུམ་ཡོན་ཏན་གཞལ་དཀའ་བ།།
སྣ་ཚོགས་ངོ་མཚར་ལྡེམ་མྱུར་རླུང་གི་འགྲོས།།
མདོ་ཁམས་འཛིན་མའི་མཐའ་རུ་ཐོལ་གྱིས་བརྒལ།།
པདྨ་དབ༵ང་གི་ལུང་པའི་ལྷ་གྲལ་ན།།
བརྩེ་ཆེ༵ན་ཉི་མའི་འོད་ཀྱི་མཛོད་འཆང་ཞིང་།།
བཅོས་མིན་ཞི་དུལ་སྤྱོད་པའི་སྣང་བ་ཅན།།
ཁྱེད་གཅིག་འབྲལ་མེད་གཙུག་གི་ཉི་མ་ཡིན།།
དང་པོའི་ལས་ཀྱི་འདུན་མ་རྒྱང་ལ་གཏད།།
མི་དལ་གོམ་པའི་འདེགས་འཇོག་རི་ལ་བསྒྱུར།།
དད་དམ་སེམས་ཀྱིས་སྐྲ་ལོ་རླུང་ལ་བསྐུར།།
ཀུན་ཀྱང་འདུན་མའི་རེ་ལྟོས་ཁྱེད་ལ་བཅོལ།།
བརྩེ་ཆེན་ཐུགས་ཀྱི་འོད་དཀར་མ་ནུབ་པའི།།
དམ་པའི་སྐྱེས་ཆེན་སྐར་ཚོགས་འཁྲིགས་པའི་ཁྲོད།།
ཁྱེད་ཉིད་ནམ་མཁའི་ཟླ་བ་དཀར་ཆུང་སྟེ།།
བདག་ཡིད་ཡ་ཆུང་སྙིང་གི་མེ་ཏོག་ཡིན།།
དགྱེས་འཛུམ་ཞལ་གྱི་ཟླ་བ་དྲན་ཐེངས་རེར།།
སྐྱོ་བའི་སེམས་པ་གདུང་བའི་སྨག་གིས་བསྒྲིབས།།
མཉེས་གཤིན་བརྩེ་བའི་གསུང་སྙན་དྲན་ཐེངས་རེར།།
བདག་ཡིད་སྨྲེང་བའི་མཆི་མ་གཙང་པོར་འདྲེས།།
ཀྱེ་མ་ཁྱེད་ཉིད་གཤེགས་པའི་མི་སྙན་གཏམ།།
ཐོས་འཛིན་ལམ་འདིར་ལྷུང་བའི་སྐད་ཅིག་ནས།།
མི་སྡོད་སེམས་ཀྱི་རླུང་བུའི་རྟ་མཆོག་འདིས།།
ཉིན་རེར་གླིང་བཞིའི་སྨག་ཆེན་ཁད་ཀྱིས་ཉུལ།།
ལོ་ཟླའི་ཕྲེང་བ་བགྲངས་ན་མི་ཉུང་ཡང་།།
དུས་ཀྱི་བགྲོད་པ་གློག་བཞིན་མྱུར་བ་འདིས།།
མཉམ་འགྲོགས་ལོ་ཟླའི་ཁུད་ཀྱི་དམ་པའི་གཤིས།།
ཇི་བཞིན་མ་ཤེས་ད་ལྟ་ལྷག་ཏུ་སྐྱོ།།
གནག་པའི་ཞལ་གྱིས་སུ་ལ་གཟིགས་མྱོང་མེད།།
རྩུབ་པའི་ཚིག་གིས་སུ་ལ་སྡིགས་མྱོང་མེད།།
དྲང་པོས་གཤིས་ཀྱིས་གཞལ་ན་སུ་ལ་ཡང་།།
བུ་བཞིན་བརྩེ་བ་སྐད་ཅིག་འདོར་མྱོང་མེད།།
ཞལ་དེ་དྲན་ན་སེམས་ཀྱི་ཉི་མ་ཡིན།།
གསུང་དེ་དྲན་ན་སྙིང་གི་ཟླ་བ་ཡིན།།
གཤིས་དེ་དྲན་ན་བྱང་སེམས་ངོ་མ་ཡིན།།
བསམས་ན་ད་ལྟ་སྐྱོ་བ་མཐའ་མེད་ཡིན།།
མངོན་ཆུང་ཞི་དུལ་སྤྱོད་པ་ཀུན་ལ་མཛེས།།
བག་ཕེབས་རྣལ་མའི་གཤིས་ཀྱང་ཀུན་དང་མཐུན།།
མཐའ་མེད་མཁྱེན་པས་ཤེས་བྱ་ཀུན་གཟིགས་མོད།།
ཚིག་འདི་ཙམ་གྱིས་ཁྱེད་ཉིད་ཇི་ལྟར་མཚོན།།
ཐུན་མིན་ཐེག་པའི་ཡང་རྩེའི་ཟབ་གསང་གནད།།
ཁྱེད་ཐུགས་ནམ་མཁའི་མཛོད་ན་ཀུན་གསལ་ཞིང་།།
ཐུན་མོང་ཇི་སྙེད་རིག་པའི་སྐར་ཚོགས་འབུམ།།
ཁྱེད་ཀྱི་མཁྱེན་པའི་ཀློང་ན་ཅིར་ཡང་བཀྲ།།
ལོ་རེའི་དབྱར་གསུམ་མེ་ཏོག་ལྡེམ་པའི་དུས།།
ཆོས་མཐུན་གྲོཊ་ཀྱི་མཉམ་འཛོམ་དགོད་སྒྲའི་ཁྲོད།།
ཁྱེད་ཉིད་བརྩེ་ཆེན་ཡུམ་གྱི་ངང་ཚུལ་བཞིན།།
དགྱེས་བརྩེའི་གསུང་གི་བཞད་སྒྲ་ལྷག་ཏུ་སྙན།།
དགྱེས་པའི་ཞལ་དེ་ད་དུང་གསལ་ལེར་མཐོང་།།
བརྩེ་བའི་གསུང་དེ་ད་དུང་ལྷང་ངེར་ཐོས།།
མངོན་ཆུང་གཤིས་དེ་ད་དུང་ཡིད་ལ་འཁོར།།
མི་རྟག་འདུ་འབྲལ་བསམ་རུང་ལྷག་ཏུ་སྐྱོ།།
དགུན་གསུམ་ཁ་བའི་གྲང་ངར་རྒོད་པའི་དུས།།
འུ་ཅག་མཉམ་འཛོམ་ཤོང་བའི་སྤྱིལ་ཆུང་ནང་།།
སྤྲོ་དགའི་གནམ་ལོ་བསུ་བའི་རྣམ་པ་སོགས།།
བསམས་ན་དུས་འདི་ཕྱིར་འོང་མེད་སྙམ་སྐྱོ།།
སྐབས་རེར་མཆེད་ལྕམ་འདུས་པའི་ཚོཊ་གྲལ་དུ།།
ཕྱག་ན་ཕྲེང་བ་པང་ན་དཔེ་ཁང་བཅས།།
དལ་ཞིང་ལྡེམ་པོར་ཕེབས་པའི་ཞལ་རས་དེ།།
དྲན་ན་ད་ནི་གཏན་དུ་མི་མཇལ་སྐྱོ།།
མ་ངེས་ལས་ཀྱི་རླུང་བུས་ཁུར་བ་ཡིས།།
གཏོལ་མེད་ས་མཐར་འཁྱམ་པའི་ཉམ་ཆུང་བདག།
ཐོག་མའི་སློབ་གླིང་མཇལ་བའི་ཉིན་མོ་ནས།།
རྗེས་བཟུང་བརྩེ་བས་གཟིཊ་པའི་བཀའ་དྲིན་དྲན།།
བཅུ་གྲངས་ཟླ་བའི་ལོ་ཡི་ཁྱུད་མོ་ལ།།
ཁྱེད་གསུང་བདུད་རྩིའི་ཟིལ་བ་བཏུང་བ་ཡིས།།
ཐ་སྙད་རིག་གནས་གཙུག་ལག་ཆོས་ཀྱི་སྒོ།།
ཐོག་མར་ཕྱེས་པའི་བཀའ་དྲིན་ལྷག་ཏུ་དྲན།།
དེ་སྐད་མ་བཅོས་ངག་རིག་སྒྱུ་མའི་གླུ།།
དྲན་གདུང་སྨྲེང་བའི་མིག་ཆུའི་ཐིག་པའི་ཕྲེང་།།
གང་ཤར་ཀུན་རྟོག་སྐྱོམ་པའི་རླབས་རྩེ་ནས།།
ཟོལ་མེད་སྒྱུ་མའི་འཕྲུལ་དུ་སོར་མོས་བཀོད།།
མི་འབྲལ་སྨོན་ལམ་སེམས་ཀྱི་དཀྱིལ་ནས་བཏབ།།
དད་དམ་མི་འགྱུར་དམ་བཅའ་སྙིང་ལ་བྲིས།།
བྱིན་རླབས་སྣང་བའི་དངོས་གྲུབ་ཉིད་ལ་ཞུ།།
དོན་གཉིས་དཔག་མེད་མཐའ་རུ་རྒྱས་པར་ཤོག།
ཅེས་པ་འདི་མཁན་ཆེན་མཆོག་སྐུ་གཤེགས་ནས་ལོ་འཁོར་གཅིག་འཁོར་ལ་ཉེ་བའི་དུས་སུ། སྐུ་ཉིད་ཀྱིས་བྱམས་བརྩེས་བསྐྱངས་པའི་བཀའ་དྲིན་ཐོབ་པ་ལས་དང་པོར་སྐུ་ཉིད་ཀྱི་མདུན་ནས་རབ་ཏུ་བྱུང་བའི་དགེ་མིང་ཐུབ་བསྟན་ཚུལ་ཁྲིམས་རྒྱ་མཚོ་ཞེས་དང་། དེ་ནས་རིག་བྱེད་སྙན་དངགས་མེ་ལོང་མའི་གཞུང་ཁྲིད་ཆ་ཚང་ཐོབ་པར་ལེའུ་གསུམ་པོའི་དཔེ་བརྗོད་ཕུལ་བས་སླར་ཡང་མཁན་ཆེན་ཉིད་ཀྱིས་འདང་བརྩེའི་རྟེན་འབྲེལ་མཚོན་པའི་ཆེད་དུ་ཤིས་བརྗོད་ཚིགས་བཅད་དང་འབྲི་དེབ་དང་སྙུ་གུའི་ལེགས་སྐྱེས་བཅས་གནང་བའི་རིག་བྱེད་ཀྱི་མིང་ལ་འཇམ་དཔལ་འཛུམ་པའི་གེ་སར་ཞེས་བཏགས་ཀྱང་། རང་ཉིད་བྱ་བྱེད་མང་བས་བཏགས་པའི་མིང་རི་སུལ་ཨུཏྤལ་ལམ་དྲྭ་མིང་ཞོགས་མིག་ཅེས་འབོད་པ་དེས་བོད་རབ་རྒྱན་ལྕགས་གླང་ཟླ་ཚེས་ལ་མདོ་སྨད་བཅུ་ཕྲག་རིག་པའི་སློབ་གླིང་ནས་བྲིས་པ་འདིས་ཀྱང་སྐྱེ་བའི་ཕྲེང་བ་ཀུན་ཏུ་མཁན་ཆེན་མཆོག་གི་ཐུགས་རྗེའི་སྣང་བ་དང་མི་འབྲལ་བའི་རྒྱུར་གྱུར་ཅིག། ཕྱི་ལོ་2021/08/13ལའོ།།
✋热门推荐