現年61歲的車保羅（原名吳溟蒼），小學畢業後做過麵包製作學徒、戲院帶位員、利舞臺票務員、舞台燈光音響及工程技術員、保安員等工作；上世紀八十年代，在朋友引薦下，受無綫高層曾勵珍邀請參演《豆芽夢》，可惜因未能就合約問題達成共識，輾轉加盟麗的電視，展開演藝旅程，接拍劇集《I.Q.成熟時》、《對對糊》、《大四喜》。

早前，車保羅接受陳圖安電台節目《安哥同學會》的訪問，陳圖安大讚他有幽默感和有演員操守，車保羅說：「喺電視圈做咗一段日子，我喺麗的有個花名，叫『蕉皇』，因為我永遠唔帶劇本入廠，鍾意爆肚！如果遇著個導演遷就到你，咁就OK啦，反之如果個導演好執着，第一件事就會奇怪點解你唔帶劇本？冇劇本唔該你出去！咁就收工㗎喇！第二件事你成日都有甩漏，NG因為你，個個演員望住你……『阿Paul，幫幫手啦！夜晚返去讀吓書啦（唸劇本）』，嗰刻開始我就改喇，原來我錯咗係累到人哋，跟住『咪』晒（劇本），帶埋劇本入廠，卒之個人就改變咗。」

車保羅在1998年轉投無綫，接拍《鹿鼎記》飾演「胖頭陀」一角，在2003年因不滿續約條件為年薪$2,000，而決定劈炮離開，失去工作後，生活出現危機，要靠領取綜援過活。在這段人生的低潮中，車保羅先後經歷兩段生離死別的打擊，「當日無綫唔要我之後，我真係搵唔到嘢做，有日我收到個噩耗，話我外孫女不幸遇上意外去咗上面（天堂），自己諗『我嘅人生入面，係咪黑到咁呢』，我第一個諗起一個人，無綫公關一哥，姓曾，叫明哥（前無綫企業傳訊部宣傳科副總監），我打電話畀曾大哥，淨係講咗『我』字……得啦，搞掂，跟住有人嚟訪問我。」

車保羅對曾醒明一直心存感激，續說：「第一次係我孫女，第二次係我阿媽，有一日曾大哥打畀我，佢話無綫電視入面有個無名氏捐3萬蚊畀我阿媽執葬，真係多謝，好似個太陽升咗一半咁，曾大哥話唔可以入數，一定要親手交畀我。我想問係邊個（善長），佢話唔講得。」曾有報道指，車保羅向傳媒透露，他估計是方逸華所捐，「因為阿媽生前講過同方小姐打過麻雀，無論邊個係善心人，我都多謝幫助過我嘅恩人。」

路，始終都要向前行，車保羅坦言不要介意自己是一個演員，「泥工，做！一日$300，十日都$3,000，一個月都$9,000啦！好過坐喺屋企，只要肯行出門口第一步，你一定有機會搵第二份工。」

在2011年，車保羅幸運地接拍電影《特務戇J之救國大業》，與「戇豆先生」路雲雅堅遜合作，飾演線人一角，試鏡成功後便到澳門開工，他指「戇豆先生」有點冷漠，他說：「對稿嘅時候，佢會埋嚟，一對完稿佢就走，我拎咗個電話出嚟，佢嘅保鑣問我做乜嘢，我話想同佢影張相，跟住佢話『如果你同佢影，我會扔咗你部電話』，噢！原來係大忌，我就收埋部電話嘞！」同時透露其戲份被刪剪，不過他沒有不開心，反而大讚獲電影公司尊重，「我呢世人都冇自己嘅化妝間，嗰一次我有個位換衫、化妝，車保羅個名（名牌）喺化妝間度，好尊重你。」

10月17日，张杰演唱会主办方罗盘文化发表致歉声明，对张杰在演唱会中意外受伤一事表示歉意。声明中，罗盘文化解释了发生这一事故的原因，称是由于舞台电梯在下降时碰到了外圈固定平台，因而造成了电梯骤降，并表示已向舞台搭建团队、导演团队、舞美设计团队进行追责，将增加设备的测试次数及强度，尽量 ​

#第十二届中国长江三峡国际旅游节# 10月19日晚上19点30分，原创文旅情景剧《宜昌故事》在五一剧场上演，桃哥桃姐观看了本次演出。本剧以宜昌历史演化进程为主线，用时空线贯穿了嫘祖、屈原、王昭君等历史人物，再推进到峡江儿女的英勇奋斗及三峡大坝的宏伟建设。全剧通过现代高科技舞台技术，运用了音乐、舞蹈、话剧、杂技以及影视等多种艺术表现手段，成功的营造了一台具有典型宜昌特色的晚会。是一场好看好听，美奂美伦的文化视听盛宴。#第十二届中国长江三峡国际旅游节开幕式# 之#旅游推荐#