揸艇被网民爆粗指冇船牌　胡美贻反击完删留言

港姐出身、拥有34D超强“胸器”嘅胡美贻，不时喺社交网晒出性感照，昨日（3日）佢就唔晒Body，改晒“揸功”，揸咩？就系揸艇！

见佢戴住黑超、秀发飘飘咁揸，一面享受，不过有网民留言爆粗闹佢：“你X街啦你....冇牌揸船....video已cap”胡美贻就回覆：“10几个教练喺船尾”再加个反眼Emoji，不过未几佢就删咗留言！之后佢再喺限时动态上载新片，再Tag住“教练是导游”反击网民！

“后生女”卧虎藏龙　游嘉欣终极性感抢Fo！

上位小花游嘉欣凭《香港爱情故事》、《#后生仔倾吓偈》而为人熟悉，之后佢工作多多，又要拍剧又要拍综艺，忙到爆！现年21岁嘅佢经过地狱式减肥后，成功踢走baby fat，系时候大晒收身成果！

佢嚟个终极大解放，喺社交网上载索爆三点式靓相，佢着住Sharp醒黄色泳衣，离远已经见到佢，成功抢Fo！见佢手脚纤幼，身形比例Fit爆，仲要大晒纤腰，真系好索！早前佢打拳操fit，见佢肚仔隐约见到啲腹肌，大晒健康性感！样子甜美嘅佢，望住镜头甜笑，宅男都畀你冧晕啦！

有网友笑言“后生女”卧虎藏龙，36E嘅波波（黄婧灵）同34D嘅陈欣茵已经出名好身材，估唔到游嘉欣平时收收埋埋，今次终极一晒，睇到网友流晒口水，仲力推佢哋快啲合体，一齐晒水着，谂起都觉得正呀！

点样向监制Job？何泳芍出绝招　乌身夹巨胸

昨晚（26日）播出《开心大综艺之暑假玩到尽》最后一集，请来陈庭欣做嘉宾主持，与旧爱翟威廉同框，虽然2人不时被摆上枱，难得他们表现大方，任玩唔嬲。在其中一个游戏中，输家要饮下由苦瓜汁、廿四味及酱料混合而成的饮品。

问到如何“沟”时？大家将翟威廉拿来开玩笑，笑言系“威廉沟法”，即系乱沟，又指陈庭欣最清楚，笑言见到他们在同一个画面出现有点感动及戚戚然。在另一个游戏中，题目是陈庭欣的优点，队长何广沛答出“飞咗翟威廉”，之后被指“有品味”时，即被周志康质疑，翟威廉反击：“一直都有品味，以前仲有品味。”

另外，当问到“向监制争取做主角的方法”时，何泳芍（Honey）说：“监制你好我系Honey。”大家觉得她九唔搭八，向她狂泼水，跟着叫她再示范多次，她即鞠躬并说：“监制你好我系Honey。”乌身时34D澎湃身材呼之欲出，大家笑她原来鞠躬才是重点。