#张智霖[超话]# #妻子的浪漫旅行第二季#
靚靚愛歎小鮮肉 張智霖收易烊千璽做契仔
【on.cc 東網】02月21日 AM 09:37
藝人袁詠儀（靚靚）與老公張智霖經常晒恩愛，不時打情罵俏，靚靚於內地綜藝節目中被問到對拍攝節目最想遇到的對手是誰？她公然表示希望和內地人氣男團TFBOYS成員易烊千璽一起旅遊：「請安排一個帥哥给我吧！想要易烊千璽。」而張智霖在錄影廠聽到老婆咁講即時大笑起來，他雖然不認識易烊千璽是誰，但聽過這個名字，更機智表示要認易烊千璽做契仔！

#张智霖[超话]#
袁詠儀素顔出巡 張智霖甘做多功能老公
【on.cc 東網】12月17日 AM 08:00
藝人張智霖（Chilam）與袁詠儀（靚靚）結婚多年依然好恩愛，日前靚靚到中環Shopping，出名是「廿四孝老公」的Chilam就負責做柴可夫。當日下午4時許，素顏上陣、穿上灰色大褸、腳踏波鞋的靚靚現身名店置裝，不一會已有斬獲，其後拿着大袋戰利品步往商場外的上落客區等車，期間見她如「望夫石」般不時伸長條頸、頭岳岳兩頭望，數分鐘後見Chilam駕車前來接載，靚靚即拿着戰利品急急腳上車離開。

翌日Chilam化身「人肉速遞」幫老婆外出拿東西，約下午4時半，戴着帽及太陽眼鏡的Chilam雙手插袋，Chok爆現身中環街頭。期間有途人眼望望，像是認出Chilam，但他卻未有理會，施施然步往附近一幢商廈。約15分鐘後，見Chilam拿着一袋甚有份量的東西步出，還邊行邊向老婆報到，然後步往附近商場取車返歸。

#张智霖[超话]#
星級飯局！靚靚食壽司 張智霖嘲似大白鯊
【on.cc 東網】07月19日 AM 11:28
藝人袁詠儀（靚靚）同老公張智霖（Chilam）尋晚去咗個星級飯局，差唔多個個都成雙成對出席，有古巨基夫婦、蔡一智夫婦、就連狄波拉（拉姑）同老公鬍鬚Kong都嚟咗，而周汶錡（Kathy）同周麗淇（Niki）就姊妹檔到場！佢哋去咗間星級壽司名店飯敍，Niki就上載咗大合照到Instagram，同場各人仲加映表演「手背食壽司」添！

當靚靚表演時，旁邊嘅Chilam營造氣氛：「登登登登…」點知竟然講出一句：「大白鯊嗰啲呢！」唔通寸老婆口大兇狠？「大人有大量」嘅靚靚一於少理，食完直豎拇指講不出聲呀！

而基仔、Niki都有參與，就連一向儀態萬千嘅Kathy都唔怕自毀形象，一口過食壽司，個個食完就好滿足！