༄༅།།དེ་རིང་ཕྱི་དྲོར་སློབ་གྲྭའི་ཐོག་ཁང་དམར་པོའི་ཐུ་མིའི་ཐང་ཆེན་དུ། སློབ་གྲྭའི་རྩོམ་རིག་མཐུན་ཚོགས་ཀྱི་ཁོངས་མི་ཡིན་པའི་ལོ་རིམ་གསུམ་པའི་སློབ་མ་ཚོའི་བརྩམས་ཆོས་བཤམས་སྟོན་ཞིག་སྒྲུབ་པའི་སྟེང་དུ། རྩོམ་འཇུག་རིག་པའི་འདོད་འཇོ་ཞེས་པའི་ཚོ་ཆུང་གིས་རྒྱུན་སྤྱོད་རྩོམ་ཡིག་འདྲ་མིན་འབྲི་བའི་ཐབས་ལམ་ངོ་སྤྲོད་བྱེད་པ་དང་། བཀླགས་གྲུབ་སེམས་ཀྱི་རྟོག་འཆར་ཞེས་པའི་ཚོ་ཆུང་གིས་དེ་སྔོན་ཁོང་ཚོས་དཔེ་དེབ་འདྲ་མིན་བཀླགས་པའི་མྱོང་ཚོར་ལྷུག་བརྗོད་བྱེད་པ་དང་། ཞལ་གདམས་ལེགས་པའི་ལམ་བཟང་ཞེས་པའི་ཚོ་ཆུང་གིས་བོད་ཀྱི་ལེགས་བཤད་འདྲ་མིན་གྱི་བརྗོད་སྙིང་འགྲེལ་བརྗོད་བྱེད་པ་དང་། བཤད་པ་གཏམ་གྱི་དགའ་ཚལ་ཞེས་པའི་ཚོ་ཆུང་གིས་གེ་སར་རྒྱལ་པོའི་སྒྲུང་དང་རྗེ་བཙུན་མི་ལའི་རྣམ་མགུར་སོགས་བཤད་ལེན་བྱེད་པ་དང་། སྒྱུ་རྩལ་ཡིད་ཀྱི་དགའ་སྟོན་ཞེས་པའི་ཚོ་ཆུང་གིས་སྲོལ་རྒྱུན་རྩོམ་ལུས་དང་རང་མོས་རྩོམ་ལུས་གང་རུང་སྤྱད་དེ་བྲིས་པའི་རྩོམ་ཡིག་བྲིས་ཐང་༣༩་ཡི་སྟེང་གི་རྩོམ་ཡིག་བདུན་ཅུ་ལྷག་གི་བརྗོད་སྙིང་དང་སྒྱུ་རྩལ་ཁྱད་ཆོས་ངོ་སྤྲོད་བྱེད་ཀྱི་གདའོ།། ང་རང་གིས་ཧ་ལམ་དུས་ཡུན་ཆུ་ཚོད་གཉིས་ཙམ་སྤྱད་དེ་སློབ་མ་ཚོས་བྲིས་པའི་རྩོམ་ཡིག་ཐམས་ཅད་ཀྱི་སྒྱུ་རྩལ་ལ་རོལ་མྱོང་བྱས་པས། བག་ཆགས་པའི་དབྱངས་གསལ་གྱི་སྦྱོར་བ་ལས། སློབ་མ་ཚོའི་དྭངས་གཙང་ལྷད་མེད་ཀྱི་སེམས་པ་དང་། བག་ཡོད་བཟང་སྤྱོད་ཀྱི་བསམ་བློ། དཀའ་སྤྱད་འབད་བརྩོན་གྱི་སྙིང་སྟོབས། ད་དུང་ཕ་ཡུལ་དང་མི་རིགས། སྔོན་བྱོན་མེས་པོ་དང་མཁས་པ། སློབ་གྲྭ་དང་དགེ་རྒན་སོགས་ལ་བཅངས་པའི་དུང་ཞེན་ལྷོག་ལྷོག་ཏུ་ཁོལ་བས། ལྟད་མོ་བ་དག་གི་ཡིད་ཀྱི་བརྟན་པ་དབང་མེད་དུ་འཕྲོག་པར་བྱེད། ང་ཚོས་ཁོང་ཚོའི་རྩོམ་ཡིག་ཐེངས་རེ་བཀླགས་པ་དེ་ཙམ་གྱིས་ཀྱང་། ཁོང་ཚོ་ལ་སྐུལ་འདེད་ཆེན་པོ་ཐེབས་པ་ནི། སྐབས་དེའི་ཁོང་ཚོའི་བཅོས་མིན་གྱི་ཉམས་འགྱུར་དག་ལས་མཐོང་ཐུབ་པ་བྱུང་ངོ་།།
༄༅།།མདོ་ལས་གསུངས་པའི་ཨ་མའི་དྲིན་ལན་འཇལ་སྟངས་སྐོར།
ཤཱ་རིའི་བུས་སྟོན་པ་ལ། ད་ལྟ་ངའི་ཨ་མ་རྒས་ཤིང་ནད་ཀྱིས་མནར་ནས་ཉལ་སར་རུ་ལྷུང་ཡོད་པས་ཁྱེད་ཀྱིས་ང་དགེ་འདུན་གྱི་ཚོགས་ནས་གནང་བ་ཞིག་སྟེར་རོགས། ངས་ཨ་མའི་ཞབས་གཡོག་བྱེད་དགོས། མོ་ལ་ང་མ་གཏོགས་བྱིས་པ་མེད་ཞེས་ཞུས། སྟོན་པའི་ཞལ་ནས། ཤཱ་རིའི་བུ། རང་གི་དྲིན་ཆེ་བའི་ཨ་མའི་ཞབས་གཡོག་བཟོ་བ་ནི་ངའི་ཆོས་དང་ཡང་མཐུན་པ་ཞིག་ཡིན་པས་ཁྱེད་ཀྱིས་གནང་བ་མ་ཞུས་ཀྱང་ཆོག་ཞེས་བཀའ་བསྩལ་ཏོ། །
ཡང་ཤཱ་རིའི་བུས། ངས་ཨ་མའི་དྲིན་ལན་ཇི་ལྟར་བྱས་ན་མཇལ་ཐུབ་ཞེས་ཞུས་པས། སྟོན་པའི་ཞལ་ནས། ཚེ་འདིར་ཁྱེད་ཀྱིས་ཨ་མའི་དྲིན་ལན་ངོ་མ་ཞིག་འཇལ་འདོད་ཚེ། ཨ་མའི་ཐུགས་དགྱེས་ཐུབ་པའང་ཨ་མ་དགའ་ཐབས་བྱོས། ད་དུང་ཁྱེད་རང་དགེ་སློང་དང་དགེ་འདུན་མང་པོའི་ཚོགས་ནས་དགེ་རྩ་ཅི་ཞིག་བསྒྲུབ་པ་ཐམས་ཅད་མར་གྱུར་པའི་སེམས་ཅན་ཀུན་གྱི་ཆེད་དུ་བསྔོ་བ་དང་སྨོན་ལམ་ཡག་པོ་གྱིས་དང་། དྲིན་ཆེ་བའི་ཨ་མ་གསོན་པོ་ཡིན་ན་ཚེ་རིང་ཞིང་ནད་མེད་པ་ལ་ཕན་ཐོགས་ཆེན་པོ་ཡོད། གལ་ཏེ་ཨ་མ་ཚེ་ལས་འདས་ཟིན་ཡང་ཕྱི་མའི་འཕྲུལ་སྣང་གི་འཇིགས་སྐྲག་ཞི་བ་ལ་ཕན་ངེས་ཡིན། དེ་ལས་ཨ་མ་སེམས་ཕམ་ཚར་རྗེས། ཟས་གོས་དང་སྟོབས་འབྱོར་སོགས་གང་གིས་ཀྱང་ཨ་མའི་དྲིན་ལན་འཇལ་ཐབས་མེད།
ཤཱ་རིའི་བུས་སྟོན་པ་ལ། ད་ལྟ་ངའི་ཨ་མ་རྒས་ཤིང་ནད་ཀྱིས་མནར་ནས་ཉལ་སར་རུ་ལྷུང་ཡོད་པས་ཁྱེད་ཀྱིས་ང་དགེ་འདུན་གྱི་ཚོགས་ནས་གནང་བ་ཞིག་སྟེར་རོགས། ངས་ཨ་མའི་ཞབས་གཡོག་བྱེད་དགོས། མོ་ལ་ང་མ་གཏོགས་བྱིས་པ་མེད་ཞེས་ཞུས། སྟོན་པའི་ཞལ་ནས། ཤཱ་རིའི་བུ། རང་གི་དྲིན་ཆེ་བའི་ཨ་མའི་ཞབས་གཡོག་བཟོ་བ་ནི་ངའི་ཆོས་དང་ཡང་མཐུན་པ་ཞིག་ཡིན་པས་ཁྱེད་ཀྱིས་གནང་བ་མ་ཞུས་ཀྱང་ཆོག་ཞེས་བཀའ་བསྩལ་ཏོ། །
ཡང་ཤཱ་རིའི་བུས། ངས་ཨ་མའི་དྲིན་ལན་ཇི་ལྟར་བྱས་ན་མཇལ་ཐུབ་ཞེས་ཞུས་པས། སྟོན་པའི་ཞལ་ནས། ཚེ་འདིར་ཁྱེད་ཀྱིས་ཨ་མའི་དྲིན་ལན་ངོ་མ་ཞིག་འཇལ་འདོད་ཚེ། ཨ་མའི་ཐུགས་དགྱེས་ཐུབ་པའང་ཨ་མ་དགའ་ཐབས་བྱོས། ད་དུང་ཁྱེད་རང་དགེ་སློང་དང་དགེ་འདུན་མང་པོའི་ཚོགས་ནས་དགེ་རྩ་ཅི་ཞིག་བསྒྲུབ་པ་ཐམས་ཅད་མར་གྱུར་པའི་སེམས་ཅན་ཀུན་གྱི་ཆེད་དུ་བསྔོ་བ་དང་སྨོན་ལམ་ཡག་པོ་གྱིས་དང་། དྲིན་ཆེ་བའི་ཨ་མ་གསོན་པོ་ཡིན་ན་ཚེ་རིང་ཞིང་ནད་མེད་པ་ལ་ཕན་ཐོགས་ཆེན་པོ་ཡོད། གལ་ཏེ་ཨ་མ་ཚེ་ལས་འདས་ཟིན་ཡང་ཕྱི་མའི་འཕྲུལ་སྣང་གི་འཇིགས་སྐྲག་ཞི་བ་ལ་ཕན་ངེས་ཡིན། དེ་ལས་ཨ་མ་སེམས་ཕམ་ཚར་རྗེས། ཟས་གོས་དང་སྟོབས་འབྱོར་སོགས་གང་གིས་ཀྱང་ཨ་མའི་དྲིན་ལན་འཇལ་ཐབས་མེད།
༄༅།།དེ་རིང་ཕྱི་དྲོར་ལོ་རིམ་གཉིས་པའི་གསོ་རིག་འཛིན་གྲྭ་སྟེ་༢༠་༡་འཛིན་གྲྭའི་སློབ་གྲོགས་ཚོས་སློབ་གྲྭའི་ཐོག་ཁང་དམར་པོའི་ཐུ་མིའི་ཐང་ཆེན་དུ། ཏོག་གསར་གློ་ཚད་སོགས་རིམས་ནད་སྔོན་འགོག་རྒྱུན་ཤེས་ངོ་སྤྲོད་ཚོ་ཆུང་དང་། ནད་པ་མྱུར་སྐྱོབ་རྒྱུན་ཤེས་ངོ་སྤྲོད་ཚོ་ཆུང་དང་། རྒྱུན་ལྡན་ནད་རིགས་སྔོན་འགོག་རྒྱུན་ཤེས་ངོ་སྤྲོད་ཚོ་ཆུང་དང་། བོད་སྨན་གྱི་ཐུན་མིན་ཁྱད་ཆོས་ངོ་སྤྲོད་ཚོ་ཆུང་སོགས་ཚོ་ཆུང་ཁག་འགར་བགོས་ཏེ། དགེ་སློབ་རྣམས་ལ་ཁ་ཚ་དགོས་གཏུག་ཆེ་བའི་འཕྲོད་བསྟེན་རྒྱུན་ཤེས་ངོ་སྤྲོད་བྱས་པར་གྲུབ་འབྲས་མི་དམན་པ་ཐོབ་བོ།།
✋热门推荐