近排刷到嘉欣那个采访视频 好得意啊！！就好想看！以前细细个同屋企人一齐睇翡翠台 大D就无点睇 对港剧噶演员好多都唔识 现在感觉TVB的演员和剧都好有feel 特别有亲切感.
睇到第七集 其实每次睇剧都会带入自己噶情绪 就会有代入感 觉得几难受噶……
剧中的情节等等 有体现出 社会上的不公平性 人与人之间的假表面 但也都有正义的人或者环境的帮助……很有感触的是人健康快乐是最重要的.

好耐好耐冇饮过酒了，今晚大胆饮左一啖，在你面前假装我没事，我很快乐...

手上有好多张赠饮券，我多想一个人全部把它喝完，看到那些酒，我心好酸，睇得唔饮得...

走在创产的路上，这里到处都有我们的记忆，仿佛在重温，仿佛在回味......

好多的感受，不知从何说起，就是觉得感慨，，人生有太多的无可奈何，却又不得不去接受...

因你而起，却又逼不得已因你而止，比起失去，我更想你快乐，更想你多点笑容，因为你笑起来的样子真的很好看，很阳光，系我心目中，你永远都是那个笑起来阳光灿烂的少年模样......

人会变，但记忆会长留心间，难忘的人，会一直惦记在心里。

補返禮拜五晚睇完戲去食嘅霸王餐。事先聲明，我唔會因為係中獎就一味讚。

今次算係第二難食嘅霸王餐，所以佢開業咁耐，我連想幫襯嘅慾望都冇，直覺覺得唔好食亦唔抵食，今晚就印證了。

先講服務。我係大概1930來到等位嘅，等到大概2030先有位坐低。若果唔係要來用霸王餐餐券，我一定唔會使一個鐘頭時間去等位。無論幾好幾巴閉嘅餐廳我都唔會，至多下次再搵機會去食。等位都算了，其他食評講嘅「服務熱情禮貌」通通都冇。我坐低開位，又唔斟茶、又唔同我講茶水就係個架上邊嗰D,要我問到出聲先講，乜都要自己喐手。落好單，上好曬菜已經2100了。其他食評講D侍應會教你點樣去溝調味，我當時就冇囉，咩都係自己去研究。

最離譜嘅事係，我2100先上好曬D菜，你2130就來話要要夠鐘收走D調味品？？咁我啱淥熟D雞同埋其他未淥熟嘅生冷嘢，點食？！除咗我之外，其他4圍檯冚唪唥都遲過我來啱點好嘢，你都夠膽去要收走人哋D調味品嘅？咁你即係趕客嗟！

嗰晚係禮拜五，我問咗同商場其他舖頭，得知逢禮拜五、六商場係2230先關門，平時係2200。所以點解餐廳按照平時打烊時間趕客呢？既然你派籌俾人等位，你就點都要招呼好客人食完飯啦！你冇咁嘅能力做兩輪，就唔好派籌啦。

講真，若果食物質素好出眾，服務差D我其實都唔介意，出來食飯，當然首先注重好唔好食。有D服務好臭串嘅，但人哋食物出品平靚正，我都唔mind佢冇服務俾我。之但係哩度，作為一間網紅餐廳，要服務冇服務，要食物冇食物。我唔知平時咁多人等位係咪真係食客囉。

我講下個價值¥188嘅「二人套餐」：半隻文昌雞、一煲臘味飯、一份蔬菜拼盤、兩杯椰子布甸。我好少去街市，眼唔算利，但係都睇得出（圖5）嗰半隻雞得8、9兩重，煮熟可以睇下有幾細粒雞（圖9）！冇錯，我可以用「粒」來形容。而嗰份蔬菜拼盤，除咗有葉菜同常見嘅粟米之外，居然有蕃薯——我開頭睇錯以為係甘筍？？一煲用鹽水加兩隻椰青水做嘅鍋底，唔起鑊唔落薑片，咁鬼寒濕，你D蔬菜仲要有蕃薯？！

因為個set餐冇乜嘢食，我唯有自己加咗份豆品拼盤（圖10），先至有D嘢到。嗰碗超迷你嘅龜苓膏（圖7）係要我share佢篇文章去WeChat先有得送，而其他食評話係「餐廳餐後奉送」，情況有出入。臘味飯就一般般啦，主要係臘味唔靚，不過可以理解，出邊餐廳嘅臘味冇可能同自己屋企買嘅咁好。

最後我打埋包、加咗一份豆品拼盤，自己出¥41買單。性價比好差，冇服務又難食。