མཐོ་ལ་ཕྲག་དོག་མ་བྱེད་སྤྱི་བོས་བཀུར།།

དམན་ལ་ཁྱད་གསོད་མ་བྱེད་བྱམས་པས་སྐྱོངས།།

མཉམ་ལ་གྲལ་རྩོད་མ་བྱེད་མཉམ་པར་འགྲོགས།།

འཕྲལ་དུ་མིག་གིས་མཐོང་རྒྱུ་མ་བྱུང་རུང་།།

དཀར་པོ་དགེ་བའི་ལས་ཀྱི་མཐའ་འདི་བཟང་།།

ཞང་སྟོན་བསྟན་པ་རྒྱ་མཚོས། https://t.cn/R2WxDIZ

ཡར་སྔོན་ཕ་ཡུལ་དུ་ཡོད་དུས་ཤིག་ལ། རྒན་ལྷག་པ་ནས་ཕྲན་ལ་གཙང་གཤིས་གནས་མགོ་རྡོ་རྗེ་གྲོ་ལོད་སྐོར་གྱི་དཔེ་རྙིང་སྣ་རིང་བསྐྱར་པར་མ་ཚོ་གཅིག་ཆོས་སྦྱིན་དུ་གནང་། ཡིན་ནའང་བསྐྱར་པར་བརྒྱག་སྐབས་ཡིད་གཟབ་མ་གནང་བས་དཔེ་འཁྲུག་པར་སོང་འདུག ། ལྡེབ་ཀྱི་མདུན་རྒྱབ་སོགས་རྦད་དེ་འཁྲུག་ནས་བལྟ་ས་མི་འགྲོ་བའི་ཚད་དུ་གྱུར། མགོ་མཇུག་གི་ཤན་འབྱེད་བྱ་རྒྱུ་དེའང་མགོ་གཟེར་བའི་དོན་ཞིག་ཏུ་འདུག་པས། ད་ལྟའི་བར་གཟབ་ནན་གྱིས་དབྱེ་འབྱེད་དང་ཞིབ་ཀློག་གི་ལོང་མ་བྱུང་། དེ་རིང་ཞོགས་པར་དུས་ཚོད་གང་འཚམ་ཞིག་སྤྱད་དེ། འབྲེལ་ཡོད་ཀྱི་ཡིག་ཆ་ལ་གཞིགས་ནས་དཔེ་རྙིང་འདི་ཚོའི་འགོ་མཇུག་གི་ཤན་ཕྱེ་བ་ལ་བདེ་བླག་ཏུ་གྲུབ།

སྐབས་རེར་བླེས་ལ་བོར་བའི་དཔེ་རྙིང་རེ་ཟུང་ལ་ཤི་འཐམ་རོ་འཐམ་འདྲ་བྱས་ཏེ། དེའི་གསེང་གི་གནས་ལུགས་ཕྲན་བུ་རེ་རྟོགས་ནའང་སེམས་ལ་དགའ་བདེ་མངར་དམུལ་དམུལ་འདྲ་སྐྱེས་འོང་། དེ་ནི་སྦི་རག་ཚད་དང་རན་པ་ཞིག་བཏུང་བའི་རྟིང་ལ་བྱུང་བའི་ནེམ་ནེམ་པའི་ཚོར་བ་སྐྱིད་མོ་མ་དེ་དང་ཨ་ན་མ་ན་རེད་འདུག །[得意] https://t.cn/z8KMELS

ལོ་ངོ་གསུམ་པོར།
དུམ་བུར་གསིལ་བའི་སེམས་པ་དག་བསྐྱར་དུ་སྒྲུག་ཀྱང་།
ཧྲལ་ནས་རལ་བའི་ཡིད་ཆེས་ལ་ཟག་ལྷན་བྱས་ཀྱང་།
གདོང་ན་ཤམ་པའི་མཆི་ཐིགས་ཀྱི་བཞུར་རྒྱུན་འཇགས་ཀྱང་།
ཡིད་ན་ལྟེམས་པའི་མུན་པ་ལ་དྭངས་ཐབས་ཅི།