༄༅།།སྐབས་རེར་སློབ་མའི་ཁྲོད་དུ་བློ་ཡུལ་ལས་འདས་པའི་གནད་དོན་རེ་བྱུང་སོང་བསམས་ཀྱང་། དོན་དུ་དེང་གི་སློབ་གསོའི་གནས་བབ་འདིར་བསམས་ན་བློ་ཡུལ་དུ་མི་ཤོང་བ་གང་ཡང་མ་རེད། དེར་བརྟེན། སྐབས་རེར་གནད་དོན་ཅུང་ཆེ་ཙམ་རེ་འབྱུང་དུས་སུ་དཔེ་མི་སྲིད་པའི་ཧ་ལས་མདོག་བྱེད་པ་ལས། ནམ་རྒྱུན་གནད་དོན་དེ་འདྲ་མང་པོ་མི་འབྱུང་བ་ནི་ཅི་འདྲའི་བཟང་བ་ལ་ཨང་བསམས་ཐུབ་པ་ནི་ཧ་ཅང་གལ་ཆེན་པོ་རེད་སེམས་བཞིན་ཡོད། མིག་གིས་ཆེས་མཐོ་ས་ཞིག་ལ་བལྟ་ཆོག་ཀྱང་། གོམ་པ་ནི་ཆེས་དམའ་ས་ཞིག་ནས་རེ་རེ་བཞིན་སྤོས་ཏེ་མདུན་དུ་བསྐྱོད་དགོས། བག་ཕེབས་པའི་གཟའ་མཇུག་རེ་རེ་བཞིན་དུ་འུ་ཅག་ནི་མང་པོ་ཞིག་དྲན་བཞིན་བསྡད་དགོས་པ་འདི། དགོས་མེད་ཀྱི་དཀའ་ཚེགས་ཤིག་ཡིན་ལ་སྨྲ་བསམ་བརྗོད་འདས་ཀྱི་བདེ་སྐྱིད་ཅིག་ཀྱང་ཅི་ལ་མིན།
༄༅།།དེ་རིང་ཕྱི་དྲོར་སློབ་གྲྭའི་ཐོག་ཁང་དམར་པོའི་ཐུ་མིའི་ཐང་དུ། གཉིས་ཐིག་གཉིས་པའི་འཛིན་གྲྭ་སྟེ་ལོ་རིམ་གཉིས་པའི་བཟོ་རིག་འཛིན་གྲྭའི་སློབ་གྲོགས་ཚོས་སློབ་གྲྭའི་དགེ་སློབ་ཡོངས་ལ། སོ་སོའི་སློབ་སྦྱོང་གི་གྲུབ་འབྲས་ཞུ་འབུལ་ཞིག་དང་། རང་རང་ལ་སྐུལ་འདེད་ཅིག་གི་ཚུལ་དུ་དེ་སྔོན་སློབ་གསེང་ཁག་ཏུ་བྲིས་པའི་གནའ་དེང་གི་རི་མོ་མི་ཉུང་བ་ཞིག་དང་། ཚོན་ལྡན་འགྱིག་འདམ་གྱིས་བཟོས་པའི་འདྲ་བརྙན་སྣ་ཚོགས་ཤིག་བཤམས་སྟོན་བྱས་པར་ལྟད་མོ་བ་མང་པོ་འདུས་སོ།།
༄༅།། མིར་སྐྱེས་པའི་རིན་ཐང་ཡོད་པར་འཚལ།
བཛྲ་ཚུལ་ཁྲིམས་རྒྱ་མཚོ།
མཚམས་ལན་རེར་བློ་ཁ་ནང་བསྐོར་ནས། །
ངའི་མི་ཚེའི་ཤུལ་ལམ་ལ་བལྟས་ན། །
ནང་བསམ་བློར་བཀོད་སྒྲིག་མ་ཐེངས་པའི། །
དགོད་བྲོ་བའི་བྱ་བ་མང་ཞིག་མཆིས། །
ཁ་བཟའ་བཏུང་རྒྱབ་ལ་གྱོན་གོས་སོགས། །
འབད་མི་དགོས་འོངས་པ་བྱིས་པའི་དུས། །
ཡུལ་ཕ་མའི་དྲིན་ལན་མ་ཤེས་ཟིག །
དྲིན་ཚོར་དུས་ཕ་མ་གང་ན་ཡོད། །
གསེར་སེར་བོ་ལས་ལྷག་དུས་ཚོད་དེ། །
རྩ་ཆེ་ཚུལ་མ་ཤེས་འཛད་དུ་བཅུག །
ཞེ་གཏིང་ནས་ཚོར་དུས་འགོར་ནས་གདའ། །
ཡལ་ཟིན་པའི་ལང་ཚོ་ཕྱིར་འོངས་མེད། །
ནོར་རིན་ཆེན་འབུམ་གྱིས་མི་ཁུག་པའི། །
གཉེན་ཉེ་དུ་ལྷན་འཛོམས་བྱུང་དུས་སུ། །
སེམས་དུང་ཞེན་མ་བརྗོད་ཁོག་ནས་བསྐུང་། །
བཤད་འདོད་དུས་ལྷན་ཅིག་འཛོམས་པ་དཀའ། །
སྐྱབས་ཀུན་འདུས་བླ་མ་བཞུགས་པའི་དུས། །
ཆོས་ཟབ་མོའི་གདམས་པ་མ་ཞུས་ཟིག །
ཞུ་བསམ་དུས་བླ་མ་མི་བཞུགས་པས། །
སེམས་འགྱོད་པས་གདུང་ཡང་འགོར་ནས་འདུག །
མི་ང་དང་ང་འདྲའི་སོ་སྐྱེ་རྣམས། །
གོང་དམ་པས་གཟིགས་ན་བྱིས་པ་འདྲ། །
ཡིད་རེ་བ་ཀུན་སྐོང་ཡིད་བཞིན་ནོར། །
རྙེད་ཟིན་དུས་མ་གཅེས་ཤོར་དུས་འགྱོད། །
ཐོབ་ཟིན་པའི་ནོར་བུ་གང་ཡོད་རྣམས། །
བསྲུང་མ་ཤེས་རྐུ་ལ་ཤོར་ནས་འདུག །
བཀོལ་དགོས་དུས་གཅིག་ཀྱང་མི་དབང་བས། །
སེམས་སྡུག་ཀྱང་རང་གི་སྡུག་གྱོང་རེད། །
དོན་དེ་ཕྱིར་ཡིད་གཅུགས་གྲོགས་པོ་ཚོ། །
ནོར་རང་ལ་ཡོད་དུས་གཅེས་སྤྲས་བྱོས། །
འགྱོད་མི་དགོས་ཐབས་ཤིག་ཅིས་ཀྱང་འཚལ། །
མིར་སྐྱེས་པའི་རིན་ཐང་ཡོད་པར་འཚལ། །
ཞེས་བཛྲ་ཚུལ་རྒྱ་མཚོས་༢༠༡༧ལོའི་ཟླ་༧པའི་ཚེས་༧ལ་རྭ་རྒྱ་ཤེས་རིག་ནོར་བུའི་སློབ་སློབ་གླིང་ནས་སེམས་ལ་ཤར་ཚུལ་ཐོལ་བྱུང་དུ་བྲིས་པའོ།། https://t.cn/R2WxDPj
བཛྲ་ཚུལ་ཁྲིམས་རྒྱ་མཚོ།
མཚམས་ལན་རེར་བློ་ཁ་ནང་བསྐོར་ནས། །
ངའི་མི་ཚེའི་ཤུལ་ལམ་ལ་བལྟས་ན། །
ནང་བསམ་བློར་བཀོད་སྒྲིག་མ་ཐེངས་པའི། །
དགོད་བྲོ་བའི་བྱ་བ་མང་ཞིག་མཆིས། །
ཁ་བཟའ་བཏུང་རྒྱབ་ལ་གྱོན་གོས་སོགས། །
འབད་མི་དགོས་འོངས་པ་བྱིས་པའི་དུས། །
ཡུལ་ཕ་མའི་དྲིན་ལན་མ་ཤེས་ཟིག །
དྲིན་ཚོར་དུས་ཕ་མ་གང་ན་ཡོད། །
གསེར་སེར་བོ་ལས་ལྷག་དུས་ཚོད་དེ། །
རྩ་ཆེ་ཚུལ་མ་ཤེས་འཛད་དུ་བཅུག །
ཞེ་གཏིང་ནས་ཚོར་དུས་འགོར་ནས་གདའ། །
ཡལ་ཟིན་པའི་ལང་ཚོ་ཕྱིར་འོངས་མེད། །
ནོར་རིན་ཆེན་འབུམ་གྱིས་མི་ཁུག་པའི། །
གཉེན་ཉེ་དུ་ལྷན་འཛོམས་བྱུང་དུས་སུ། །
སེམས་དུང་ཞེན་མ་བརྗོད་ཁོག་ནས་བསྐུང་། །
བཤད་འདོད་དུས་ལྷན་ཅིག་འཛོམས་པ་དཀའ། །
སྐྱབས་ཀུན་འདུས་བླ་མ་བཞུགས་པའི་དུས། །
ཆོས་ཟབ་མོའི་གདམས་པ་མ་ཞུས་ཟིག །
ཞུ་བསམ་དུས་བླ་མ་མི་བཞུགས་པས། །
སེམས་འགྱོད་པས་གདུང་ཡང་འགོར་ནས་འདུག །
མི་ང་དང་ང་འདྲའི་སོ་སྐྱེ་རྣམས། །
གོང་དམ་པས་གཟིགས་ན་བྱིས་པ་འདྲ། །
ཡིད་རེ་བ་ཀུན་སྐོང་ཡིད་བཞིན་ནོར། །
རྙེད་ཟིན་དུས་མ་གཅེས་ཤོར་དུས་འགྱོད། །
ཐོབ་ཟིན་པའི་ནོར་བུ་གང་ཡོད་རྣམས། །
བསྲུང་མ་ཤེས་རྐུ་ལ་ཤོར་ནས་འདུག །
བཀོལ་དགོས་དུས་གཅིག་ཀྱང་མི་དབང་བས། །
སེམས་སྡུག་ཀྱང་རང་གི་སྡུག་གྱོང་རེད། །
དོན་དེ་ཕྱིར་ཡིད་གཅུགས་གྲོགས་པོ་ཚོ། །
ནོར་རང་ལ་ཡོད་དུས་གཅེས་སྤྲས་བྱོས། །
འགྱོད་མི་དགོས་ཐབས་ཤིག་ཅིས་ཀྱང་འཚལ། །
མིར་སྐྱེས་པའི་རིན་ཐང་ཡོད་པར་འཚལ། །
ཞེས་བཛྲ་ཚུལ་རྒྱ་མཚོས་༢༠༡༧ལོའི་ཟླ་༧པའི་ཚེས་༧ལ་རྭ་རྒྱ་ཤེས་རིག་ནོར་བུའི་སློབ་སློབ་གླིང་ནས་སེམས་ལ་ཤར་ཚུལ་ཐོལ་བྱུང་དུ་བྲིས་པའོ།། https://t.cn/R2WxDPj
✋热门推荐