༄༅།། མིར་སྐྱེས་པའི་རིན་ཐང་ཡོད་པར་འཚལ།

བཛྲ་ཚུལ་ཁྲིམས་རྒྱ་མཚོ།

 མཚམས་ལན་རེར་བློ་ཁ་ནང་བསྐོར་ནས། །

ངའི་མི་ཚེའི་ཤུལ་ལམ་ལ་བལྟས་ན། །

ནང་བསམ་བློར་བཀོད་སྒྲིག་མ་ཐེངས་པའི། །

དགོད་བྲོ་བའི་བྱ་བ་མང་ཞིག་མཆིས། །

ཁ་བཟའ་བཏུང་རྒྱབ་ལ་གྱོན་གོས་སོགས། །

འབད་མི་དགོས་འོངས་པ་བྱིས་པའི་དུས། །

ཡུལ་ཕ་མའི་དྲིན་ལན་མ་ཤེས་ཟིག །

དྲིན་ཚོར་དུས་ཕ་མ་གང་ན་ཡོད། །

གསེར་སེར་བོ་ལས་ལྷག་དུས་ཚོད་དེ། །

རྩ་ཆེ་ཚུལ་མ་ཤེས་འཛད་དུ་བཅུག །

ཞེ་གཏིང་ནས་ཚོར་དུས་འགོར་ནས་གདའ། །

ཡལ་ཟིན་པའི་ལང་ཚོ་ཕྱིར་འོངས་མེད། །

ནོར་རིན་ཆེན་འབུམ་གྱིས་མི་ཁུག་པའི། །

གཉེན་ཉེ་དུ་ལྷན་འཛོམས་བྱུང་དུས་སུ། །

སེམས་དུང་ཞེན་མ་བརྗོད་ཁོག་ནས་བསྐུང་། །

བཤད་འདོད་དུས་ལྷན་ཅིག་འཛོམས་པ་དཀའ། །

སྐྱབས་ཀུན་འདུས་བླ་མ་བཞུགས་པའི་དུས། །

ཆོས་ཟབ་མོའི་གདམས་པ་མ་ཞུས་ཟིག །

ཞུ་བསམ་དུས་བླ་མ་མི་བཞུགས་པས། །

སེམས་འགྱོད་པས་གདུང་ཡང་འགོར་ནས་འདུག །

མི་ང་དང་ང་འདྲའི་སོ་སྐྱེ་རྣམས། །

གོང་དམ་པས་གཟིགས་ན་བྱིས་པ་འདྲ། །

ཡིད་རེ་བ་ཀུན་སྐོང་ཡིད་བཞིན་ནོར། །

རྙེད་ཟིན་དུས་མ་གཅེས་ཤོར་དུས་འགྱོད། །

ཐོབ་ཟིན་པའི་ནོར་བུ་གང་ཡོད་རྣམས། །

བསྲུང་མ་ཤེས་རྐུ་ལ་ཤོར་ནས་འདུག །

བཀོལ་དགོས་དུས་གཅིག་ཀྱང་མི་དབང་བས། །

སེམས་སྡུག་ཀྱང་རང་གི་སྡུག་གྱོང་རེད། །

དོན་དེ་ཕྱིར་ཡིད་གཅུགས་གྲོགས་པོ་ཚོ། །

ནོར་རང་ལ་ཡོད་དུས་གཅེས་སྤྲས་བྱོས། །

འགྱོད་མི་དགོས་ཐབས་ཤིག་ཅིས་ཀྱང་འཚལ། །

མིར་སྐྱེས་པའི་རིན་ཐང་ཡོད་པར་འཚལ། །

ཞེས་བཛྲ་ཚུལ་རྒྱ་མཚོས་༢༠༡༧ལོའི་ཟླ་༧པའི་ཚེས་༧ལ་རྭ་རྒྱ་ཤེས་རིག་ནོར་བུའི་སློབ་སློབ་གླིང་ནས་སེམས་ལ་ཤར་ཚུལ་ཐོལ་བྱུང་དུ་བྲིས་པའོ།། https://t.cn/R2WxDPj

 

ངའི་མི་ཚེ་དང་ལོ་ཟླ། 人生和年月

རྡོ་ངག་ཡངས།
༡
ཆར་བ་འབབ་རྒྱུ་ཕྱི་སོང་བས། །
གཞུང་ཤིང་སྨིན་ཚད་ཉམས་རེ་ངན། །
ཙག་རླུང་གཡུག་རྒྱུ་སྔ་སོང་བས། །
ལོ་མ་སེར་ཚོད་གང་ལས་ཐུ། །
༢
མིག་ལ་ཐོགས་ཚད་ཚོན་ཁ་བཟང་། །
ལག་ཏུ་ཐོབ་ཚད་རྙིང་ཞིང་སྐྱ། །
ཁ་ལ་ཤར་བའི་འཇའ་རིས་དེ། །
དོན་ལ་མིག་ཆུ་གྲང་མོ་ཞིག །
༣
རེ་བ་ཤིང་སྐམ་ཡལ་ག་ཅན།  །
འབྲས་བུ་ཐོགས་པ་རྨི་ལམ་ནང་། །
ཙད་དང་སེར་བ་སྦམ་ཁ་མཐུག །
ལྗང་མདོག་ལོ་མ་ཤི་འདྲེས་ཟིན། །
 
༤
ལོ་ཟླ་གང་མང་དངན་པས་བཙའ།  །
དུས་ཀྱི་ཟིན་ཐོ་ཆུ་ལ་བྲིས།།
ཚེ་ཡི་ལྗོན་པ་གཞི་ནས་སྙིད།།
སྐྲ་ཡི་ལོ་མ་རླུང་ལ་བསྐུར།།
༥
སེམས་པ་སྟོན་གྱི་ཟླ་སྨད་ན།།
ཁ་ཆར་འདྲེས་མ་ཟད་མཐའ་ཅི།།
ཡིད་སྐྱོ་ཁྲུང་ཁྲུང་རྨས་མའི་ཁྱུ།།
ལྷོ་མཐའི་རི་ལ་གཤོག་རྡང་སྒྲིག །
༦
བཞིན་གྱི་དཀར་ཤ་ཀུ་མུ་ད།།
དུས་ཀྱི་ཉི་འོད་ཚ་བས་སྐམས།།
དཀའ་སྡུག་ཉམས་མྱོང་རི་མོ་ཡིས།།
ཡ་ཐོད་ཐེམ་པའི་ཞིང་ལ་བསྒྱུར།།
༧
ལོ་དང་ཟླ་བའི་མུན་ཁང་དུ།།
ཚེ་ཡི་མཆོད་མེ་སྦར་བ་དེས།།
ཆགས་སྡང་ཟློས་གར་བལྟ་བ་ལས།།
བདེ་དགེའི་ལམ་བུ་ག་ཙམ་གསལ།།
༨
དུང་འདུན་གཙང་བ་ལྷ་ཆུའི་རྒྱུན།།
བློ་ཡི་རྐ་རུ་ཤག་ཤག་བཞུར།།
རེ་འབྲས་སྦྲང་རྩི་མངར་མངར་བ་མོ།།
མངོན་གྱུར་ལྕེ་ལ་རེག་མྱོང་ངམ།།
༩
ལྗང་མྱུག་དུས་ཀྱི་རྐང་ལམ་ནས།།
ཚོན་ཁ་ཅན་གྱི་ལམ་བྲོ་ཟད།།
སྡོང་ལོ་སྐྱ་བའི་གོ་རིམ་ནང་།།
བྱང་ཁོག་དགུན་ཟླ་བར་མས་ཟིན།།
༡༠
རྩམ་དྲི་ཡལ་བའི་དུས་འགྱུར་ལས།།
མིག་ཆུ་དག་མ་སྙིང་ལ་བླུགས།།
གདོང་བ་ཟད་པོའི་ཁང་སྟེང་དུ།།
སྐྲ་ཡི་འཇག་སྐྱ་ཐར་ཐོར་བབས།།
༡༡
དྲན་ཤེས་ཡ་ལད་མ་བགོས་པས།།
ཅོལ་ཆུང་གཞོན་དུས་ལེ་ལོས་རྨས།།
ཡོད་ཚད་ཤོར་བའི་ཕམ་གདུང་གིས།།
སྣང་བ་ཁྲིམས་ལ་ཡང་ཡང་སྦྱོར།།
༡༢
གྲྭ་གྲོང་བཅད་པའི་རྣང་ཚིགས་ན།།
འདུན་མ་ལྗང་མྱུག་ནད་པ་ཞིག །
དངན་པ་རེ་དང་མིག་ཆུ་རེས།།
ཡིད་ཀྱི་ས་ཆེན་སྒུལ་ཞིང་བརླན།།
༡༣
མྱི་རྐྱང་སེམས་ཀྱི་བརྩེ་གདུང་དྲོད།།
དགའ་མའི་བྲང་ལ་མ་གླན་པར།།
སྣལ་མ་གྲུ་བཞིའི་ཐུ་འོག་ནས།།
ལྔ་ཟུང་རིག་པའི་འཛུམ་ལ་འཁྲེང་།།

(མུ་འགོད་དང་པོ།)

ཕྱི་ལོ་ ༢༠༢༡ ཟླ་ ༡༡ ཚེས་ ༧-༨ ཉིན་གཉིས་རིང་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དུ་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་ནས་གོ་སྒྲིག་ཞུས་པ་ལྟར་་ཀུན་མཁྱེན་འཇིགས་མེད་གླིང་པའི་འདས་མཆོད་༢༢༣ པ་རྗེས་དྲན་ཞུ་ཆེད་སྔ་འགྱུར་ཐུན་མིན་ལྟ་གྲུབ་བགྲོ་གླེང་ཐེངས་བདུན་པ་ཚོགས་ཡོད་པ་དང་། ཉིན་དང་པོའི་སྔ་དྲོའི་ཆར་རྣམ་གྲོལ་གླིང་བཤད་གྲའི་མཁན་ཐོག་དང་པོ་འཇིགས་མེད་བསྐལ་བཟང་མཆོག་དབུ་བཞུགས་ཐོག་དབུ་འབྱེད་མཛད་སྒོ་ཚོགས་ཡོད་ཅིང་། དེའི་རྗེས་བགྲོ་གླེང་དངོས་གཞི་ཚོགས་པའི་བརྙན་པར་ཟུར་ཞིག[合十][合十][合十]ཡུན་དུ་བརྟན་པར་ཤོག [玫瑰][玫瑰][玫瑰] https://t.cn/z8idUPK