བདག་སོགས་འདི་ནས་ཚེ་རབས་ཐམས་ཅད་དུ༔
吾等此至生世中
ལས་རྐྱེན་ངན་པའི་དབང་དུ་མི་འགྲོ་ཞིང་༔
不被捲入惡業緣
ཨོ་རྒྱན་ཆེན་པོའི་དགོངས་ཀློང་ཆེར་གྲོལ་ནས༔
證悟蓮師不二意
ཁམས་གསུམ་འཁོར་བ་དོང་སྤྲུགས་མཐུ་ཐོབ་ཤོག༔
得度三界六道力
བདུད་འཇོམས་རྡོ་རྗེས།

———頓珠仁波切

༄༅། །བསླབ་བྱ་ནོར་བུའི་འཕྲེང་བ་ཞེས་བྱ་བ་བཞུགས་སོ།།

ཡོངས་ཀྱི་དགེ་བའི་བཤེས་གཉེན་ཆེན་པོ་རྗེ་བཙུན་དགེ་འདུན་རྒྱ་མཚོས་

མཛད།

ཨོཾ་སྭ་སྟི།  ཆོས་གྱི་ཀ༵་བ་བརྟན་པོ་འཛུགས་འདོད་པས།།
ལྷག་བསམ་ཁ༵་བའི་རི་བོ་ཇི་བཞིན་དུ།།
བསྐྱེད་ནས་ག༵་ལེར་སྐྱབས་འགྲོའི་གཞི་ཟིན་ན།།
ཨེ་མ་ང༵་རང་རྣམས་ནི་སྐྱིད་མགོ་ཚུགས།།

དོན་མེད་ཅ༵་ཅོ་བྱ་བ་ངན་པའི་རྒྱུར།།
མཐོང་ནས་ཆ༵་ལུགས་ཆོས་བཞིན་འདུལ་བཞིན་བྱེད།།
དུས་སུ་ཇ༵་མཆོད་རྒྱུན་དུ་ཆོས་ཕྱོགས་ལ།།
 མཚོ་ཡི་ཉ༵་མོ་མཚོ་ལ་རོལ་བཞིན་བྱ།།

ལན་གཅིག་ཏ༵་ཐ་ག་ཏའི་བསྟན་པ་ལ།།
མཇལ་ཡང་ཐ༵་ཆད་བྱ་བ་མང་ཆེ་ན།།
བདེ་སྐྱིད་ད༵་ལྟ་བཞིན་དུ་མྱོང་འདོད་ཀྱང་།།
མི་འདོད་ན༵་རག་མྱོང་ལ་ཆ་ཅི་ཡོད།།

 ཐར་འདོད་པ༵་ན་སྲིད་པའི་སྐྱོན་མཚང་དང་།།
སྲིད་པའི་ཕ༵་རོལ་ཞི་བའི་བདེ་བ་གཉིས།།
བསམ་ནས་བ༵་གླང་ཟས་ལ་རོལ་བ་བཞིན།།
བྱེད་རྒྱུ་མ༵་མང་གནད་ཀྱི་དོན་མ་འབོར།།

གཅེས་འཛིན་ཙ༵་ཏུར་བདུད་ཀྱི་ཆོ་འཕྲུལ་དུ།།
 མཐོང་ནས་ཚ༵་ཟེར་འོད་ཀྱིས་མུན་པ་བཞིན།།
བཅོམ་ཚེ་ཛ༵་ཡའི་བསྟན་པ་མཆོག་གི་སྒོ།།
 ཕྱེ་ཞིང་ཝ༵་སྐྱེས་སེང་གེ་མཐོང་བ་བཞིན།།

སེམས་དཔའ་ཞྭ༵་ལྟར་བཀུར་བའི་ཕྱིན་དྲུག་དང་།།
ཀུན་ལ་ཟ༵་མ་བཞིན་མཁོའི་བསྡུ་བཞི་དང་།།
བྲག་ཆས་འ༵་འུར་སྒྲོགས་ཀྱང་སྟོང་གི།
ཤེར་ཕྱིན་ཡ༵་རབས་བྱང་ཆུབ་སེམས་དཔའི་ལུགས།།

སེམས་རྒྱུད་ར༵་ལྟར་གྱོང་བ་བདག་འདྲ་བས།།
སེམས་ཅན་ལ༵་ལུང་ཕྱོགས་ན་གནས་པ་ཡང་།།
མུ་ནི་ཤ༵་ས་ན་ཡི་སྐབས་འདི་ལ།།
མདོ་སྔགས་ས༵་དང་ལམ་གྱི་རིམ་པ་ཀུན།།

ཀུན་མཁྱེན་ཧ༵་ས་བཛྲ་ཇི་བཞིན་དུ།།
རྫོགས་ནས་ཨ༵་ཧོ་སྐུ་བཞིའི་དཔལ་ཐོབ་ཤོག།

  ཅེས་པ་འདི་ནི་བཙུན་གཟུགས་དགེ་འདུན་རྒྱ་མཚོས་བྲིས་པ་དགེ་ལེགས་སུ་གྱུར་ཅིག   ། https://t.cn/z8Ac3wc

རྫོགས་མེད་རྣམ་རྟོག་སྒྱུ་མའི་དོ་ར་རུ།།
ཡང་ཡང་འཁྲབ་པའི་མི་ཚེའི་ཟློས་གར་འདིས།།
ཐར་མེད་མུན་པའི་དུང་དུ་འཕེན་དོགས་ནས།།
ད་ནི་ཐུབ་གསུང་ཟླ་བའི་འོད་དཀར་ལ།།
ཡང་ཡང་བལྟ་བའི་འདུན་པ་མི་ལྷོད་གཅེས།།
གུ་རུ་ཉི་མས། 2021 11 17