声梦斗戏！姚焯菲咇泪叻过炎明熹

炎明熹（Gigi)、姚焯菲（Chantel）、詹天文、冼靖峰、何晋乐（Rock)、张驰豪等晚上（3日）到钻石山宣传周日（5日）出街的TVB校园歌舞剧《青春本我》，席间首播剧集歌曲《快啲快啲》MV，吸引大批粉丝捧场，企满商场。

Gigi与Chantel受访时皆指只是拍摄时看过重播片段，还未看过剪接好的成品，故对剧集出街感兴奋。Chantel最难忘是在剧中突破自己，拍摄喊戏，她说：“好想睇呢场喊戏，真眼泪嚟，好期待。”

Gigi则说：“我哋同日拍喊戏，嗰日见到Chantel佢就喊紧，佢一见个公仔就喊到，真系好叻，我嗰日拍喊戏第一take都喊唔出，之后开始入到戏，啲眼泪都进步咗，可以自然流露，会继续加油。”Gigi又表示难忘拍摄发脾气的戏份，因自己少有发脾气。

讲到总导演爆一班学员拍摄时相当顽皮，Chantel笑说：“唔使拍摄嘅时候，大家都挂住唱歌同哼歌，因为要收音，都被人闹叫我哋静啲。”问到Gigi可有被骂﹖她笑说：“又好似冇，因为我都冇乜出声，但系所谓嘅闹，都系锡我哋嘅语气，唔系话嬲嗰种。”

讲到Gigi参加《声梦传奇》前，有次参加表演时的中间分界发型曝光，被网民赞有仙气，她笑说：“竟然，我冇仙气，只系得魔气。嗰阵应该系参加比赛前，音乐学校嘅Live表演，当时学咗结他都唔系好耐。”

炎明熹靠翻译　胡鸿钧全英私讯吓窒师妹

《声梦传奇》“人气王”炎明熹（Gigi）担任师兄胡鸿钧（Hubert）嘅九展演唱会嘉宾，佢接受访问时，重提师兄搵佢时发现嘅乌龙事。佢好认真咁话：“有日饮紧早茶嘅时候，佢喺社交网send咗段文字畀我，系英文字，但嗰阵时我仲未揿入去，以为系佢Fans club啲人或者系冒充佢嘅人私讯或add我，所以我就冇理到，因为我觉得佢系唔会搵我，其实我有种冲动想揿入去嘅，但我忍住咗，之后揿入去，就发现有个蓝剔之馀，仲有好多Fans，原来系佢真人。”

至于师兄又同Gigi讲乜呢？佢又一字不漏咁话：“我翻译咗，内容系你好，首先…”听到Hubert系咁爆笑，佢继续讲：“大概内容就系话我都有关注你，你做得都好好…类似呢啲。”Hubert就解译传英文短讯，因为喺Gigi《声梦传奇》比赛度唱过《Bad Romance》，所以以为师妹系“英文人”，加上佢本身锺意打英文字，如对师妹造成不便要讲声唔好意思，Gigi见师兄“知错”又好真诚咁话：“唔紧要，我会谅解你。”Hubert立即向细咗15年嘅小师妹鞠住躬咁话：“多谢Gigi姐，多谢Gigi姐。”两师兄妹对话充满喜感。

炎明熹靠翻译　胡鸿钧全英私讯吓窒师妹

《声梦传奇》“人气王”炎明熹（Gigi）担任师兄胡鸿钧（Hubert）嘅九展演唱会嘉宾，佢接受访问时，重提师兄搵佢时发现嘅乌龙事。佢好认真咁话：“有日饮紧早茶嘅时候，佢喺社交网send咗段文字畀我，系英文字，但嗰阵时我仲未揿入去，以为系佢Fans club啲人或者系冒充佢嘅人私讯或add我，所以我就冇理到，因为我觉得佢系唔会搵我，其实我有种冲动想揿入去嘅，但我忍住咗，之后揿入去，就发现有个蓝剔之馀，仲有好多Fans，原来系佢真人。”

至于师兄又同Gigi讲乜呢？佢又一字不漏咁话：“我翻译咗，内容系你好，首先…”听到Hubert系咁爆笑，佢继续讲：“大概内容就系话我都有关注你，你做得都好好…类似呢啲。”Hubert就解译传英文短讯，因为喺Gigi《声梦传奇》比赛度唱过《Bad Romance》，所以以为师妹系“英文人”，加上佢本身锺意打英文字，如对师妹造成不便要讲声唔好意思，Gigi见师兄“知错”又好真诚咁话：“唔紧要，我会谅解你。”Hubert立即向细咗15年嘅小师妹鞠住躬咁话：“多谢Gigi姐，多谢Gigi姐。”两师兄妹对话充满喜感。