མཐོ་ལ་ཕྲག་དོག་མཉམ་དང་འགྲན།།དམའ་ལ་ང་རྒྱལ་བསྟོད་ན་དྲེགས།།མི་སྙན་བརྗོད་ན་ཁོང་ཁྲོ་སྐྱེ།།ནམ་ཞིག་བྱིས་ལས་ཕན་པ་ཐོབ།།༼སྤྱོད་འཇུག༽ They feel envy toward a superior,competitiveness with a peer,arrogance toward one who is inferior,conceit due to praise,and anger due to reproach .When could there be any benefit from a fool?.---《Boddhisattva》妒高竞相等，傲卑赞复教，逆耳更生嗔，处俗怎得益？---《入行论》

མཐོ་ལ་ཕྲག་དོག་མཉམ་དང་འགྲན།།དམའ་ལ་ང་རྒྱལ་བསྟོད་ན་དྲེགས།།མི་སྙན་བརྗོད་ན་ཁོང་ཁྲོ་སྐྱེ།།ནམ་ཞིག་བྱིས་ལས་ཕན་པ་ཐོབ།།༼སྤྱོད་འཇུག༽ They feel envy toward a superior,competitiveness with a peer,arrogance toward one who is inferior,conceit due to praise,and anger due to reproach .When could there be any benefit from a fool?.---《Boddhisattva》妒高竞相等，傲卑赞复教，逆耳更生嗔，处俗怎得益？---《入行论》

འཛེས་པ་ཁྱེད་ཀྱི་ལང་ཚོ།

༼འཚམས_འོ་ཟི། (དཀར་དུང་།)

རྒྱང་དུ་གནས་པའི་སེམས་ཀྱི་ཁྱེད་རང་ལ།།
ལང་ཚོའི་འཛེས་པ་ཆུ་གཏེར་རྒྱ་མཚོ་ལས།།
ཤེས་ཚད་ཀུ་ཤ་རྩེ་མོ་བླང་ནས་ནི།།
ཐུང་མོ་སྙན་ངག་ལམ་ནས་འཚོན་པར་བྱ།།

འཁུས་ཚུར་དཀར་དམར་པད་མའི་མེ་ཏོག་འདྲ།།
སྐྲ་ལོ་རྒྱ་ལྕང་ལོ་མ་དཔྱངས་དང་འཚུངས།།
རྒྱབ་གཟུགས་རྨ་བྱའི་སྒྲོ་གུར་ཕུབ་འདྲ་བའི།།
མིག་གིས་འཛེས་པ་ཁྱེད་ལས་མི་འདུག་བསམ།།

བཅུ་གཉིས་བདག་པོའི་དྲོད་འཇམ་ཤར་བ་ནས།།
ཀུ་མུད་གཉེན་གྱི་འོད་དཀར་མ་འཕྲོ་བར།།
སེམས་པ་སྙི་མོ་འཕར་ལྡིང་བྱས་ན་ནི།།
ཡིད་ཀྱི་འཁོར་ཕྱོགས་ཁྱེད་ལས་མེད་པ་འཐོང་།།

རྒྱང་ནས་བལྟས་ན་ནམ་མཁའི་ལྷ་མོ་འདྲ།།
འགྲམ་ནས་བལྟས་ན་མཛེས་པའི་བུ་མོ་ཡིན།།
ཕྱི་ཡི་སྐུ་གཟུགས་སྨྱུག་མ་གཤེན་པོ་དང།།
ནང་གི་སེམས་པ་གངས་ལྷ་མེ་ཏོག་འདོག།

ཁ་བརྡའི་གསུང་སྐད་གཞན་གསོས་བུ་མོའི་སྒྲ།།
གླུ་ལེན་འཇམ་སྐད་ཀ་ལ་པིང་ཀའི་དབྱངས།།
ཞལ་ནས་གསུང་བའི་སྒྲ་འདངས་གང་ཡིན་རུང།།
རྣ་བའི་བདུད་རྩི་ཡིན་པའི་ཐོས་འཛིན་བཅུད།།
ཀུན་སྤྱོད་གཙང་ལ་ཤེས་བྱའི་ཕྱུགས་པ་དང་།།

སེམས་བཟང་ལ་སོགས་རྒྱན་ཆ་མང་ལྡན་པའི།།
ལང་ཚོ་དར་ལ་བབས་པའི་རྒྱང་གི་ཁྱེད།།
མཛེས་མའི་ཡང་རྩེ་ཡིན་ཞེས་ངག་ནས་ཤོར།།

སུས་ཀྱང་སྐུལ་བ་མིན་པའི་རྩོམ་ཐུང་འདིས།།
རྒྱང་གི་ཡུལ་ན་གནས་པའི་ཁྱེད་རང་ལ།།
བདག་གི་བཅང་བའི་བརྩེ་བ་འཚོན་པ་དང།།
དུང་བའི་སེམས་པ་ཞིག་ཀྱང་གོ་ཐུབ་བོ།།