࿑མི་ཡི་ལུང་བའི་ནང་ལ།།
བརྩེ་བས་ཁྱབ་སོང་མ་ཟེར།།
བརྩེ་བ་བདུད་རྩི་འདྲ་ཡང་།།
དུག་གི་སྣོན་པ་བཏང་ཡོད།།

བདུད་རྩི་བསིལ་མ་ཡིན་པས།།
འཐུང་འདོད་ཞེ་ནས་སྐྱེ་ཡོང་།།
མི་འཐུང་རང་དབང་མི་འདུག།
སྐོམ་པས་མནར་བས་ལན་སོང་།།

འཐུང་ན་ཞིམ་མངར་ལྡན་ཡང་།།
ལྟོ་བ་གཟེར་བའི་རྒྱུ་རེད།།
འཆི་བདག་འབོད་པའི་ཕོ་ཉ།།
གཤིན་རྗེ་གྲོང་ལ་ཁྲིད་འགྲོ།།

ཡང་ན་འཇིག་རྟེན་བརྩེ་བ།།
སྤུ་གྲིའི་ཁ་ཡི་སྦྲང་རྩི།།
ལྕེ་ཡིས་ཇི་ཙམ་མྱང་ན།།
རྨ་ཁ་དེ་ལྟར་བཟོས་འགྲོ།། ༢༠༢༡\ ཧོར་ ༡༡\ ༡༤\ ཉིན་རྨ་པྲཛྙཱ་ནས། https://t.cn/R2WxDvV

࿑བཙན་པོ་ཁྲི་སྲོང་ལྡེ་བཙན་གྱི་ཆབ་སྲིད་ཀྱི་མིག་རྒྱང་དང་དཀྱེལ་ཡངས་བའི་ཤེས་རབ་ཀྱི་བློ་རྒྱ་ནི་ཧ་ལས་པ་ཞིག་རེད།

ཁོང་གིས་ལྟ་གྲུབ་སྣ་མང་གི་འགལ་འདུ་འདུམས་འགྲིག་བྱེད་ཐབས་ནི་གཉའ་གནོན་དང་གཡོ་ཐབས་ལས་ལྡོག་ཏེ་ཆ་མཐུན་དང་འདྲ་མཉམ་གྱི་ངང་ནས་གྲུབ་མཐའ་སོ་སོའི་ཤེེས་རབ་ལ་བརྟེན་ནས་ནང་ཆོས་དང་ཧྭ་ཤང་གི་འགའ་འདུ་སེལ་བ་ནི་བོད་ཕྱི་རབས་པ་ཚོས་ལྟ་གྲུབ་མཉམ་གནས་ཀྱི་ཐད་ལ་ཕན་ཐོགས་ཧ་ལས་པ་བྱུང་ཡོད། གཟའ་ཉི་མའི་དཔེ་ཀློག[太阳] https://t.cn/R2WxDVJ

࿑

ཟོལ་གྱི་བཅོས་པའི་སྨིན་མ་མི་གཡོ་ཞིང་།།

ཕྱོགས་སུ་ལྷུང་བའི་ཟུར་མིག་མི་བལྟ་བ།།

རང་བཞིན་གཤིས་ཀྱི་འཛུམ་པའི་མེ་ཏོག་འདིས།།

དཔྱོད་ལྡན་སྐྱེ་བོའི་ཡིད་དབང་ཅིས་མི་འཕྲོག། https://t.cn/R2WxDGB