‍♀️དེ་རིང་། བུད་མེད་དུས་ཆེན་གྱི་སྐབས་དང་བསྟུན་ཏེ་རང་ཅག་གི་མཁས་པའི་དབང་པོ། ངེས་པ་དོན་གྱི་རྒྱལ་ཁམས་པ། ལོ་རྒྱུས་སྨྲ་པ། ལྗོངས་རྒྱུ་པ་ཨ་མདོའི་དགེ་འདུན་ཆོས་འཕེལ་ལགས་ཀྱིས་ཁོང་གི་ཨ་མ་སོགས་ཉེ་གཞི་རྩ་ལག་ཡོངས་ལ་ཕུལ་བའི་འཕྲིན་ཡིག་རྩ་ཆེན་ཞིག་གི་མ་ཕྱི་ཀུན་གྱི་དཀྱུས་སུ་འབུལ།

࿑ ཨ་མ་སོགས་རང་ཡུལ་ཉེ་འབྲེལ་རིགས་ལ། ཁྱེད་ཅག་ཐམས་ཅད་བདེ་བར་ཡོད་པ་ཐོས་པས་ང་ཤིན་ཏུ་སྤྲོ། ངེད་རང་ལ་བྱ་ཁྱུང་བསམ་འགྲུབ་ཀྱི་ཡི་གེ་ད་དུང་མ་འཕྲོད་ཀྱང་། བོད་ནས་ཚུར་བསྐུར་ཚར་འདུག་པས་མི་རིང་བར་ལག་ཏུ་འབྱོར་ཡོང་། བླ་བྲང་ནས་ངོ་ཤེས་རྣམས་ཀྱི་ཡི་གེ་ཞིག་བསྐུར་འདུག་པ་ཟླ༣པའི་ཚེས་༡༣ལ་ཡར་འབྱོར་ནས་དེ་དང་མཉམ་དུ་ཁྱེད་རང་དང་ཁོང་ཚོའི་ཡིག་ལན་རྒྱས་པ་ཞིག་བཏང་ཚར་ཡོད།

ད་ལྟའི་བླ་བྲང་གི་ངོ་ཤེས་ཚོའི་ཡི་གེ་དང་ཁྱེད་རང་གི་ཡི་གེ་ཟླ་བ་གཉིས་པའི་ཚེས༢༧ལ་ཀ་ལི་ཀ་ཏ་བྱ་བའི་གྲོང་ཁྱེར་དུ་ང་ལ་འཕྲོད། ད་ལོ་གནས་སྐྱོད་ཐམས་ཅད་འཁོར་ཚར་ཀྱང་། ད་དུང་འདོད་པ་མ་རྫོགས་པ་རྡོ་རྗེ་གདན་དང་བྱ་རྒོད་ཕུང་པོའི་རི་ལ་སླར་ཡང་ཅིག་མཇལ་དགོས་བསམ་ཞིང་ཡོད། འདིར་ལེགས་སྦྱར་སྐད་ཅུང་ཟད་རེ་སློབ་བཞིན་ད་ལོ་འདིར་ལུས་འགྲོ་བར་འདུག ལོ་རྗེས་མའི་དབྱར་ཐོག་མར་ཡོང་རྩིས་ཡོད།
    ད་ལོའི་དབྱར་བལ་ཡུལ་དུ་སླར་ཡང་ཅིག་འགྲོ་དགོས་ཤིང་། དགུན་ཟླ་བ་དགུ་ར་ཙམ་ལ་རྒྱ་གར་དུ་འོང་སྟེ་ལོ་སར་ནས་ལྷ་ས་དང་དབྱར་ཕ་ཡུལ་དུ་ཡོང་དགོས་བསམ་ཡོད། ཟླ་བ་རེ་གཉིས་ནས་ངེད་རང་ཡི་གེ་རེ་བཏང་ཡོང་།  ཡིག་དྲིན་ནས་ཡི་གེ་ཤིན་དུ་མྱུར་བར་ཡོང་གི་འདུག་པས། ངེད་ཀྱི་ཡི་གེ་སྔ་མར་བསྐུར་ལུགས་ཇི་ལྟར་དགོས་པ་བཤད་པ་ལྟར་གྱིས། 
   

ཞེས་ཟླ་བ་གཉིས་པའི་ཚེས་༣༠ལ་ཕུལ། དགེ་འདུན་ཆོས་འཕེལ། #དཔེ་ཀློག་མཉམ་རོལ།#

བདེ་ཆེན་རྒྱལ་པོ་ཀུན་བཟང་རྒྱལ་བ་འདུས།།
མི་བརྗེད་གཟུངས་ལྡན་ཤེས་རབ་སྨྲ་བའི་སེང་།།
འཛམ་གླིང་བོན་གྱི་གཙུག་རྒྱན་མཉམ་མེད་པ།།
ཤེས་རབ་རྒྱལ་མཚན་ཞབས་ལ་གསོལ་བ་འདེབས།།

大乐胜王祈请文
བདེ་ཆེན་རྒྱལ་པོ་ཀུན་བཟང་རྒྱལ་བ་འདུས།།
大乐之王普贤如来集
མི་བརྗེད་གཟུངས་ལྡན་ཤེས་རབ་སྨྲ་བའི་སེང་།།
具有不忘智慧文殊狮
འཛམ་གླིང་བོན་གྱི་གཙུག་རྒྱན་མཉམ་མེད་པ།།
世界本教之首良美巴
ཤེས་རབ་རྒྱལ་མཚན་ཞབས་ལ་གསོལ་བ་འདེབས།།
西饶坚参莲足前祈祷