དེང་སང་ནི་ཆོས་ཀྱི་རྩ་བ་མྱོང་བས་མ་རྙེད་པར་ཚིག་ཙམ་ཁ་ལ་ཁྱེར་བ་རྣམས་ཀྱིས་སེམས་ལ་གདར་ཤ་གཅོད་པ་ཙམ་གྱི་ཆོས་དེ་རླབས་ཆུང་ཞིང་། དེ་ལས་རླབས་ཆེ་བའི་གཏན་ཚིགས་དང་། བཤད་རྒྱ་ཆེས་བསྐྱེད་དེ་ལམ་བསྒྲུབ་པར་བྱའོ་སྙམ་ནའང་། ལར་ཐོས་བསམ་གྱི་སྤྱི་རྒྱ་གཅོད་དགོས་མོད་ཀྱང་། ཉམས་ལེན་སྙིང་པོར་ཡང་དྲིལ་དགོས་ཚོད་གདའ་སྟེ། ཆོས་ལག་ཏུ་ལོན་པའི་དམ་པ་རྣམས་ཀྱིས་གཟིགས་ན། རྒྱལ་བའི་ཡུམ་ལས། རྩ་བ་བོར་ནས་ཡལ་ག་ཚོལ་བ། ཟས་མཆོག་རྙེད་ནས་ཟས་ངན་ཚོལ་བ། གླང་པོ་རྙེད་ནས་གླང་རྗེས་ཚོལ་བ། བཟང་མང་སྟེར་བའི་རྗེ་བོ་ལ་མི་སློང་བར་ངན་ཉུང་སྟེར་བའི་བྲན་ལ་སློང་བ་ལ་སོགས་པའི་དཔེ་གསུངས་པ་དེའི་ཚུལ་དུ་ཆོས་ཀྱི་རྩ་བ་བོར་ནས་ཚིག་གི་སྤུན་པ་ཙམ་མྱངས་པའི་དྲེགས་པས། གནད་དང་ལྡན་པ་གཞན་ལའང་བརྙས་པར་བྱེད་པ་རྣམས་ཀྱིས་ནི་ཆོས་རླབས་ཆེ་ཆུང་གོ་བསྣོལ་བར་བཟུང་བའི་ཚོད་དུ་གདའོ། །

༧ ཀུན་མཁྱེན་མི་ཕམ་རྣམ་པར་རྒྱལ་བས་སོ། །

སངས་རྒྱས་ཐུགས་རྗེ་ཅན་གྱི་བྱིན་རླབས་ཀྱིས།།
བདག་གི་སྐྱེ་དང་ཚེ་རབས་རྣམས་སུ་ཡང།།
སེམས་ཅན་གཅིག་གི་བ་སྤུའི་ཁོང་བུ་ཙམ་ལ།།
གནོད་པ་བྱེད་མཁན་སྐྱེ་བ་མ་ལོན་པོར་ཤོག།
[合十][合十][合十]

【ཁུ་ནུ་རི་བོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)དུ་རི་སྐྱེས་སྲོག་ཆགས་རིགས55ཐོ་འགོད་བྱས་པ།】གསར་འགོད་པས་མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུའུ་ནས་ཤེས་གསལ་ལྟར་ན། ཁུ་ནུ་རི་བོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)དུ་རི་སྐྱེས་སྲོག་ཆགས་ལ་དགུན་དུས་བརྟག་དཔྱད་བྱེད་པའི་བྱེད་སྒོ་མཇུག་འགྲིལ་བ་དང་། ཐེངས་འདིར་བསྡོམས་པའི་ས་ཁུལ67ལ་བརྟག་དཔྱད་བྱས་པ་དང་། རི་སྐྱེས་སྲོག་ཆགས་རིགས55ཐོ་འགོད་བྱས་ཡོད།

2021ལོའི་ཟླ12པའི་ཚེས30ཉིན་ནས་བཟུང་། རྒྱལ་ཁབ་ནགས་ལས་དང་རྩྭ་ཐང་ཅུའུ་ནུབ་བྱང་ཁང་དང་། ཞིང་ཆེན་ནགས་ལས་རྩྭ་ཐང་བརྟག་དཔྱད་འཆར་འགོད་ཁང་། ཀྲུང་གོ་ཚན་རིག་ཁང་ནུབ་བྱང་མཐོ་སྒང་གི་སྐྱེ་དངོས་ཞིབ་འཇུག་སུའོ་བཅས་ལས་གྲུབ་པའི་རི་སྐྱེས་སྲོག་ཆགས་ཀྱི་ཚན་རིག་རྟོག་ཞིབ་ཚོགས་པས། ཁུ་ནུ་རི་བོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)གི་རི་སྐྱེས་སྲོག་ཆགས་ལ་དགུན་དུས་ཀྱི་བརྟག་དཔྱད་བྱེད་པ་དངོས་སུ་མགོ་ཚུགས་པ་རེད།

དགུན་དུས་བརྟག་དཔྱད་མཇུག་རྫོགས་རྗེས། བརྟག་དཔྱད་རྣམ་གྲངས་ཚན་ཆུང་གིས་ཕྱི་ཕྱོགས་ལས་རིགས་ཀྱི་འགྲོ་ལམ་འགྲིམ་འགྲུལ་དང་ཚན་རིག་རྟོག་ཞིབ་ཀྱི་ལམ་ཐིག རི་ཐང་ཞག་སྡོད། རྒྱབ་ཕྱོགས་ཀྱི་མཁོ་སྤྲོད། བདེ་འཇགས་འཕྲལ་སྡོམ་འགན་ལེན་སོགས་ལ་ཕྱོགས་སྡོམ་བྱས་ཏེ་ཁུ་ནུ་རི་བོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)གི་ཕྱི་རོལ་ལས་དོན་གྱི་ལག་དེབ་བཟོས་པ་དང་། ད་ལོའི་ཟླ3པར་ཁུ་ནུ་རི་བོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)དུ་བྱ་རིགས་ཀྱི་ཆེད་དོན་རྣམ་གྲངས་དང་ས་གཤིས་ཀྱི་རྒྱབ་ལྗོངས་དང་ས་གཤིས་རྗེས་ཤུལ་གྱི་ཆེད་དོན། མཛེས་ལྗོངས་སྣ་མང་རང་བཞིན་གྱི་ཆེད་དོན་བརྟག་དཔྱད་བཅས་ལ་འགན་སྲུང་བྱས་ནས། ཁུ་ནུ་སྤྱི་གླིང་གི་དུས་མགོའི་ལས་དོན་སྤེལ་བར་རྨང་གཞི་བརྟན་པོ་བཏིང་བ་དང་། མཚོ་སྔོན་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་བྱེད་པར་སྟོབས་ཤུགས་འབུལ་རྒྱུ་རེད། །