གངས་སེང་ཡོད་མེད་ཀྱི་གནད་དོན་དེ་ནི། གཅིག་སྲོག་ཆགས་རིག་པའི་གཞལ་བྱ་ཞིག་རེད། ཡིན་ནའང་། བོད་ལ་སྨན་གྱི་གཞུང་ན་སྲོག་ཆགས་ཀྱི་སྡེ་ཚན་ཙམ་ཞིག་ཡོད། དེར་སེང་གེ་ཡི་སྐོར་འཁོད་མེད་ལ། དེའི་སྟབས་ཀྱིས། བོད་ལ་སྲོག་ཆགས་རིག་པའི་ཤེས་བྱའི་སྐོར་གྱི་ལྡང་ཚད་གང་ཡང་མེད་པས། སེང་གེ་ཡི་འགྱུར་རིམ། འཚོ་གནས། བྱ་བྱེེད་སོགས་ལ་རྒྱུས་བྱེད་མཁན་ཧ་ཅང་དཀོན་པོ་ཡིན། དེ་ཧོར་ཁུང་ལྟ་བུར་ལུས་ཡོད། ཅིག་ཤོས་ནི་སེང་གེ་རིག་གཞུང་གི་རྩོད་གཞིར་ཆགས་པ་དེ་རེད། དེ་ནི་གངས་ཅན་དང་སེང་གེ་གཉིས་སྦྲེལ་ནས་བྱུང་བའི་རིག་གཞུང་གི་གནད་དོན་ཞིག་སྟེ། དང་པོ་གུང་ཐང་བསྟན་པའི་སྒྲོན་མེ་ཡི་གསུང་ན་ཡོད་པ་དེ་རེད། ཕྱིས་སུ་མཁས་དབང་དགེ་འདུན་ཆོས་འཕེལ་དང་རྡོ་སྦིས་དགེ་བཤེས་ཤེས་རབ་རྒྱ་མཚོ་སོགས་ཀྱང་བགྲོ་གླེང་ལ་དེ་ཞུགས་ནས་རྩོད་པ་ཤུགས་ཆེར་གནང་ཡོད། ༼མཆན། གཤམ་གྱི་པར་དེ་ནི་ཕྱི་ལོ༡༩༢༤ལོར་ཧི་མ་ལ་ཡའི་རི་རྒྱུད་ནས་པར་བཏབ་པའི་གངས་སེང་ཞབས་རྗེས་དང་བཅས་པའི་སྣང་ཚུལ་དེ་རེད། ༽ — བན་ཤུལ་པས། 从动物学视角分析狮子的学术问题

རྒྱས་རྒྱས་མེ་ཏོག་རྒྱས་པའི་དབྱར་དུས་སུ།།
སྙན་སྙན་བུང་བའི་སྙན་དབྱངས་མང་མོད་ཀྱང་།།
འགྲིབ་འགྲིབ་ཁ་དོག་འགྲིབ་པའི་སྟོན་འཇུག་རུ།།
རྐྱང་རྐྱང་ཁེ་རྐྱང་ལུས་པ་ཧ་ཅང་མང་།།

བླ་གཡུ་པས༢༠༢༢/༣/༢༠ལའོ།

བློ་རྩ་བརྟན་པོ་མེད་པའི་བདག་པོ་འགས།།
རང་ལ་ཞབས་རྟོག་ཆེ་བའི་ལྷག་བསམ་པ།།
མ་ཤི་གསོན་སྦས་བྱས་འདྲའི་ངང་ཚུལ་འདི།།
འཇིག་རྟེན་འདི་ན་གྲངས་ཀྱི་ཆད་པ་དཀའ།།

ཡང་ན།

རང་གི་འདོད་པའི་རེ་བ་མ་མདོར་ན།།
གཞན་གྱིས་གནོད་པ་བྱེད་པའི་བྱ་སྤྱོད་འགའ།།
བོང་རྒན་གསོན་སྦས་བྱེད་པའི་ས་རྡུལ་བཞིན།།
སྐབས་རེ་རྒྱལ་ཁའི་གྲོགས་སུ་འགྱུར་དུ་སྲིད།།