2022年4月4日，晚上第一次开改装折仔出马路，发现自己视力唔好心中无底，发鸡盲辗过路祭的残留物，心中直呼晦气，结果无几耐入直路在匀速且车速不高的情况下车头突然颠簸，前胎侧滑，成个人向正前方飞出扑街，跪姿落地，手脚损晒。好在有呢顶3c认证的头盔，在我个头将要正面擦向地面之际，护目镜降下啱好护住块面，唔系就真系阿妈都唔认得。我突然觉得如果我条命系因为呢部废铁冇咗，咁就真系唔值咯！安全系数唔高嘅嘢以后都唔好掂，我条命本就珍贵。于是弃车丢盔，坐车番屋企。

#汤洛雯[超话]#

自爆成日失眠　要靠安眠藥入睡

藝人湯洛雯（靚湯）以嘉賓身份為無綫健康資訊節目《醫醫，我不想再病了》錄影，講到身體上的小毛病，除了皮膚易敏感之外，她自爆經常失眠，間唔中要靠食安眠藥進睡，亦曾試過不同安睡方法，例如睇中醫、食補充品等，但都冇效：「拍劇啲時間成日日夜顛倒，好難調節，好佩服啲人係一瞓落床就瞓得着。（男友馬國明都係好易瞓着？）佢都係，講電話講完兩句就瞓着，都知佢最近拍劇好攰，啲時間無限Over，佢知我會食藥，都唔鍾意。」笑問是否掛住男友所以睡不着？她笑指小朋友拍拖時才會。

另外，靚湯自爆上月拍新劇《OPM》發生工傷，拍落樓梯戲份時不慎碌落幾級樓梯拗柴，腳腕又腫又瘀，這幾天一落雨就隱隱作痛，擔憂成風濕：「條樓梯可能有油，而我又着住高踭鞋，碌落去嗰陣嚇親所有工作人員，即刻叫佢哋唔好掂我，等我自己冷靜完慢慢起番身。」後期她發現連腳甲都變黑，手起刀落為自己開刀放瘀血：「太忙冇時間睇醫生，自己又忍得痛，就消毒把刀，然後喺指甲隔籬一刀放瘀血，再消毒傷口，放完真係好番好多！但呢個小朋友真係唔好學，馬國明都話我好大膽。」

【On.cc】泳兒Cheronna齊撐鍾舒漫！王君馨插陳潔玲：請學識尊重人

歌手鍾舒漫（Sherman）同前港姐陳潔玲嘅生意糾紛尋日（3日）進行裁決，Sherman獲判勝訴。Sherman喺庭外受訪時，陳潔玲突然「亂入」最終更騎劫個訪問。事後，Sherman細妹鍾舒祺喺社交網出Post斥對方冇禮貌：「你鍾意講我哋畀你講，但係唔好郁手郁腳，你仲要推開我家姐，就係為咗攞個鏡頭，真係好冇禮貌，唔該你以後唔好再掂我家姐！」

鍾舒祺出Post話陳潔玲冇禮貌！

而Sherman一班圈中好友都留言，包括Super Girl嘅Cheronna：「我覺得同佢講都嘥氣，因為佢嘅思維係冇人理解到。」泳兒話：「推開人哋好肉酸呀 omg，跟住講對唔住就當冇事發生過‍‍」江伊晴就表示：「So funny（同10個笑到喊Emoji）」而好姊妹王君馨都睇唔過眼：「講道歉之前請學識尊重人先！ Actions speak louder than words #咁鍾意做訪問自己約專訪啦」，之後再喺限時動態發文：「真係估你唔到喎，乜道歉係咁嘅咩？And Don't touch my sister」更加咗5個嬲爆Emoji！

Cheronna留言。

泳兒留言。

江伊晴（上）及王君馨留言。

王君馨為好姊妹出頭！

另一邊廂，有網民喺陳潔玲社交網洗版，圍插佢「基本禮貌都不懂」、「上位唔係咁」、「欣賞你面皮夠厚☺️」，亦有人叫佢「下次記得排隊做訪問」，佢就以「好」及一個笑到喊Emoji回應！

陳潔玲咁回應網民。