བཅོས་མིན་ཡིད་ཀྱི་དུངས་པ་ལྷག་ལྷོག་ཏུ་འཁོལ་བཞིན།།
ལྷང་ལྷང་སྙན་པའི་གླུ་སྒྲར་རྣ་བ་ཞིག་གླག་ཚེ།།
སྨིན་ལེགས་ན་ཆུང་བུ་མོའི་གྲེ་འགྱུར་གྱི་དབྱངས་རྟས།།
འཇིག་རྟེན་སྣང་བ་ཕྲ་མོ་དབང་མེད་དུ་དྲངས་སོང་།།

སྐྱིད་ལ་སྡུག་པའི་འཇིག་རྟེན་མི་ཡུལ་གྱི་འཚོ་བར།།
མངར་སྐྱུར་ཁ་བའི་བྲོ་བ་སྣ་ཚོགས་ཤིག་མཆིས་མོད།།
ཀུན་ཀྱང་མཐའ་མར་སྐྱོ་བའི་ངང་ཚུལ་ལས་མེད་པས།།
མི་ཚེ་ཟེར་ཡང་སྡུག་གི་ཁུར་ཞིག་ལས་མ་འདས།།

2022/3/11

࿑བོད་རིག་པའི་མཁས་དབང་ཁྲིན་ཆིན་དབྱིན་མཆོག་སྐུ་མྱ་ངན་ལས་འདས་པར་གདུང་སེམས་དྲག་པོས་མྱ་ངན་ཞུ།中国藏学研究中心历史研究所原所长陈庆英先生，因病医治无效，于2022年4月11日14时55分在成都逝世，享年81岁。
️ ️️

ཟླ་འོད་ཀྱི་དྲན་པ་ཟ་ཟི།

གངས་འདབས་ནས་ལམ་ལ་ཆས་ཏེ་ལྷགས་རླུང་གི་རྟ་ལ་བཞོན་ནས་ཡོང་།
ལོ་ཟླའི་འཛུམ་རིས་དང་རྨི་ལམ་གྱི་རྫུ་བག་ནའང་ཡུན་གྱིས་གཡེངས།
སེམས་ཀྱི་རྒྱང་རིང་གི་འཇིག་རྟེན་ཉིད་ནི་ཉེ་བར་འདྲ་ལ་རིང་བ་འདྲ།
ཟླ་བའི་བསིལ་ཟེར་ལ་གྱེར་བའི་སྤྱན་ཆབ་ཁོ་ན།
ཁྱོད་ཀྱི་མཛེས་སྡུག་དང་ཐོབ་ཤོར་ཡིན་ཀྱང་སྲིད།

འདས་ཟིན་པ་མཐའ་དག
བརྗེད་ཟིན་པ་མང་པོ།
ལོ་ཟླའི་ཆུ་བོ་རིང་མོར་ཤག་ཤག་ཏུ་བཞུར་ཡོང་།
དྲན་པའི་རྨི་ལམ་རི་མོར་ལམ་ལམ་དུ་ཤར་ཡོང་།

[月亮]