ok…千字文开始
-当我同朋友确定22号去香港玩之后 过几日后睇到22号细猫同造星既仔仔busking!!! 真系时间岩岩好 毕竟自己系造星节目既粉 见到佢地都开心啦…点知…当我2点几个阵 前往观塘既途中 睇睇tg 点知睇到佢话:“转头见” 开心到我呀!!!(无法形容啦反正) 知道等阵就会见到我无敌钟意既偶像 个脑一片空白 个心又一直扑扑~扑扑~咁跳 (然后个脑死机…带唔到路)
-个阵无霖过会见到龍仔嘎 因为我觉得自己唔会有咁既机会见到佢 点知真系见到…仲要影埋相 自埋拍 签埋名 讲埋野 一切都好唔真实咁 但系又令我觉得 我钟意呢个偶像变得好真实 成件事变得好真实 唔洗系手机见到佢 系兜口兜面见到佢 个刻真系好激动 激动到我好大声同佢讲:“我第一次见你真人呀”(激动到手机都跌埋落地…然后当然碎屏了)
-系去既途中 我同朋友讲:“我要带住期待可能会偶遇到龍仔既心去” (最后真系见到)
-仲挪到印有龍仔***既透卡透扇
-接下来就系带住龍仔既透卡去旅游啦
-希望以后都有机会见到佢
-意外收获 不往此行

#古天乐宣萱[超话]# #古萱[超话]# 转自苹果娱乐：
【愛登士家庭】古仔年年生日過年咁慶祝 全家木口木面影全家福
今晚喺中環8號碼頭香港海事博物館舉行嘅時尚活動，古天樂同宣萱雙雙現身受訪。古仔今個月21號就係48歲生日，到時點慶祝？佢就話：「年年都係咁啦，返屋企食飯，年年都係咁。食完飯就一家人影張木口木面嘅相，我由手抱嘅時候已經係咁影，個個都木口木面嘅。總之大家食食下飯，食完飯一埋位影張相，就大家都木口木面0架喇。」原來古仔嘅「木」，由細個BB嗰陣已經係咁。
講到呢度，身旁嘅宣萱已經忍唔住大笑，古仔都忍唔住，仲笑到流眼水，要宣萱遞紙巾。
咁古仔呢餐生日飯，媽媽會煮乜嘢俾你食？「都係我鍾意食嘅嘢啦，髮菜蠔豉、白切雞咁啦。」好似過年咁嘅？「係呀，當過年咁樣煮0架喇，你話係咪食到木口木面吖？」
古仔又話：「其實屋企由菲林相機時代已經有咁樣嘅傳統，大家就咁坐埋一齊食飯影相，啲相一路有Keep住，有啲仲已經舊到發黃添！」
問到有乜生日願望？佢笑笑口話﹕「都係希望身體健康啦，身體健康先可以影呢啲木口木面嘅相。」佢笑言要相傳到下一代：「係呀，愛登士家庭咁。」
宣萱透露稍後會放假離港休息，所以要補祝古仔生日，宣萱即場問古仔﹕「你記唔記得我上年送乜畀你？」古仔話：「個個送禮物，我邊記得咁多呀！好似係一個好靚嘅爐，因為有次萬歲完將嘢食打包返屋企，咪自己一個人食囉，所以用過一次。」宣萱笑道：「咁我知送乜嘞，下年送個鍋畀你，送木口木面鍋，貼咁你張相上去。」
對於今年施政報告指會預留十億港元用作香港電影發展基金，古仔稱係好事，佢話：「最重要培育新人，幕前唔好講，幕後近年係多咗好多年青人開工，一啲燈光、擺機嘅辛苦工作，都有女仔加入，好多都好有熱誠，但冇門路，現在政府帶頭鼓勵人入行係好事，睇吓遲啲有冇相關訓練畀佢哋去上啦。」

已經係第四次睇呢部戲 本來以為台詞畫面全部熟曬會無乜感覺 一開場隨著張國榮腳步聲 突然張國榮嘅樣出現係畫面上時 我覺得自己係第一次睇呢部戲 開始佐好耐我都仲係有小小礙曬覺得好神奇 覺得張國榮離我好近 已經唔使再去點讚哥哥嘅演技 距根本就係旭仔 旭仔就係距 張國榮真係好靚仔 眉眼T字簡直就係雕出來嘅 劉嘉玲係入邊真系好出彩 好靚 身材好正 張曼玉都真係好靚 最尾梁朝偉個段唔到三分鐘個part 我真系忍唔住睇一次驚嘆一次 王家衛嘅真係好啱我心水 距d長鏡頭同台詞已經被大家讚都爛 我鍾意嘅係距嘅戲無一禎係多餘 多一禎都唔好 少一禎都唔得 而呢部戲我之所以咁鐘情 大部分係因為演員 以前咁嘅呢班香港演員係而家已經穩唔翻 所以我好珍惜每一部香港演員香港導演拍出來嘅香港電影 希望下次仲有機會可以係銀幕見到張國榮 致敬 Leslie#阿飞正传[电影]#