ཇོ་ནང་ཏཱ་ར་ནཱ་ཐས་རང་རྣམ་མ་བཅོས་ལྷུག་པའི་རྟོགས་བརྗོད་ལས། ང་ཏཱ་ར་ནཱ་ཐ་སྐྲ་སྤར་གང་ནི་དཔལ་སྟག་ལུང་པ་ལ་བཅད། ཆོས་ནི་ཕྱོགས་མེད་དུ་ཞུས། སེམས་ངོ་ནི་རྟོགས་ལྡན་ལྷ་དབང་པས་སྤྲད། བཀའ་བརྒྱུད་རྟོགས་ལྡན་འ་གད་ཅིག་ཡིན་པ་འདུག་ཟེར་ན་ནི་གཞོགས་གཅིག་ནས་འདྲ་རུང་ཡིན། ལུང་བསྟན་ནི་བྱམས་པ་མགོན་པོས་མཛད། ལྟ་བ་ནི་དོལ་པོ་བའི་ལུགས་སྐྱོང་། ཆོས་སྐད་ནི་རྒྱ་གར་གྲུབ་ཐོབ་ཀྱི་རྗེས་སུ་འབྲང་། ཆོས་ལུགས་སུ་ཡིན་དང་། སུའི་གྲྭ་བ་ཡིན་དེ་ད་ཤེས་པར་གདའའམ། བླ་མའི་བྱིན་རླབས་ནི་ཞུགས། མདོ་རྒྱུད་ཀྱི་དོན་ནི་ཤེས། དམ་སྡོམ་ནི་དགགནས་ལུགས་ནི་རྟོགས། ཡི་དམ་ནི་མཇལ། མཁའ་འགྲོ་ནི་འདུ།བཀའ་བསྲུང་ནི་བྲན་དུ་འཁོལ། སྐལ་ལྡན་ནི་རྗེས་སུ་འཛིན།རང་རྒྱུད་ནི་གྲོལ། གཞན་དོན་ནི་ལྷུན་གྱིས་གྲུབ་པ་ཅིག་ཡིན། https://t.cn/RI7nYAL
སྔགས་རིམ་ཆེན་མོ་ལས། སྔགས་ཀྱི་པནྜི་ཏ་གཞན་མང་པོས་ཀྱང་རྣམ་འགྲེལ་གྱི་ལུང་ཁུངས་སུ་བྱས་ནས་བསྒྲུབས་པ་མང་བས་རིགས་པའི་དབང་ཕྱུག་རྣམ་གཉིས་ཀྱི་གཞུང་རྣམས་སྤྱིར་ནང་རིག་གི་སྐབས་སུ་དོན་མེད་དོ་སྙམ་དུ་ལྟ་ཞིང་དེ་སྐད་གཞན་ལ་སྨྲ་བ་ནི། རིགས་པའི་ལམ་དུ་འགྲོ་བའི་བློ་ཉམས་ཆུང་ངུས་གཏིང་དཔག་དཀའ་བའི་བློ་གྲོས་ཀྱི་འཇུག་པའི་ལམ་ནས་དྲངས་པའི་དྲི་མ་མེད་པའི་རིགས་པའི་རྣམ་བཞག་མ་ལྕོགས་པ་ཡིན་པས་ལུང་དོན་རིགས་པ་ཕྲ་མོས་འབྱེད་པར་ནུས་པའི་མཁས་པའི་མདུན་སར་དབྱུང་བར་མི་ནུས་པའི་བབ་ཅོལ་ལོ།
ཀུན་ལ་ཕྲག་དོག་ངན་སེམས་ཁོ་ན་ཡིས།།
གཞི་མེད་ཁོ་ནས་གཞན་གནོད་མི་བྱེད་པར།།
རང་དབང་འཚོ་བར་རོལ་བའི་བར་གསེང་ནས།།
བསྟན་ལ་ཞབས་ཞུ་ཅུང་ཙམ་བྱུང་གྱུར་ན།།
སྙིགས་དུས་ཡིན་ཡང་བསྟན་དང་འཕྲད་པ་ལ།།
བསམ་བཞིན་རང་བློ་རང་གིས་མི་ཁྲེལ་བ།།
འདི་ཡང་ནང་གི་བདེ་སྐྱིད་ཡིན་སྙམ་སྐྱིད།།
གུ་རུ་ཉི་མས། 2022 4 28
གཞི་མེད་ཁོ་ནས་གཞན་གནོད་མི་བྱེད་པར།།
རང་དབང་འཚོ་བར་རོལ་བའི་བར་གསེང་ནས།།
བསྟན་ལ་ཞབས་ཞུ་ཅུང་ཙམ་བྱུང་གྱུར་ན།།
སྙིགས་དུས་ཡིན་ཡང་བསྟན་དང་འཕྲད་པ་ལ།།
བསམ་བཞིན་རང་བློ་རང་གིས་མི་ཁྲེལ་བ།།
འདི་ཡང་ནང་གི་བདེ་སྐྱིད་ཡིན་སྙམ་སྐྱིད།།
གུ་རུ་ཉི་མས། 2022 4 28
✋热门推荐