婚后事｜陈自瑶首次担正感压力 罗子溢笑称剧中生活好精彩

陈自瑶于无线新剧《婚后事》首次担正女一，与罗子溢饰演一对离婚夫妻。日前两位主角连同剧中慨女儿齐齐喺中环开工，剧情讲到二人在餐厅用膳时，遇见了热情书迷，罗子溢签名之余又与对方拍摄，身为前妻慨陈自瑶完全冇眼睇。

陈自瑶接受访问时提到不少戏份就算是看似普通，但由于当中包含了不少感觉，需要演绎得较为细腻，所以经常会担心自己做得唔够好。「每日返工都好似要去打仗咁，每场戏都要用心做好，唔可以话边个冇咩所谓。」

埋位前，陈自瑶一直在旁培养情绪，甚至在拍摄完成后，继续留在餐厅内与导演研究刚刚的戏份，十分认真。由于剧本有不少情婚戏，连开心戏都要喊，陈自瑶坦言有一定压力。

今次饰演作家兼大学讲师的罗子溢接受访问时，表示自己在剧中生活十分精彩，因为会与王敏奕尝试另一种爱情。

（HK01）
#婚后事##陈自瑶##罗子溢#

婚后事｜老婆杨茜尧照顾仔女劲辛苦　罗子溢：准备送份劲嘢比佢

罗子溢于TVB新剧中《婚后事》饰演作家兼大学讲师，日前佢同陈自瑶喺中环拍摄外景时，剧情讲到二人在餐厅用膳时，遇见了热情书迷，罗子溢签名之馀又与对方拍摄，身为前妻嘅陈自瑶完全冇眼睇。罗子溢接受访问时，表示自己在剧中生活十分精彩，因为会与王敏奕尝试另一种爱情。

母亲节将至，屋企嘅一对仔女尚未懂得为妈妈杨茜尧准备礼物，身为廿四孝老公嘅罗子溢又打算使出什麽绝招呢？他说：「谂住送大礼，就係将我份粮比咗佢，今次份粮会特别大！因为佢太辛苦，精神上攰、亦都付出好多，虽然有外母帮手照顾小朋友，但细仔得三个月，我又唔係成日都可以帮到手。（你赚钱已经係最大嘅帮手。）所以咪出嚟打拼回馈屋企，同埋送份劲嘢比佢。」

之前有传《家族荣耀》将开拍续集，罗子溢表示暂时未有确切消息，问到会否批准老婆出关拍摄，他认为要看看到时对方的状况。「同埋都要睇下两个小朋友如果父母唔喺身边有冇影响，如果影响不大的话，老婆都想继续拍。」老婆享福，赚钱的责任全在罗子溢身上，问到会否北上赚人仔，他表示只要有机会的话，都乐于尝试，并指「而家唔轮到我去拣啦」。

汤洛雯生日月收花劲Sweet：生日月我大晒！

女神汤洛雯（靓汤）自从跟马国明（马明）公开认爱后，不时都喺社交网大方放闪，非常恩爱。而昨日（4日）靓汤就喺社交网贴出近照，见佢头戴白色渔夫帽，捧住一大束靓花，同蛋糕合照，笑得非常灿烂又Sweet！佢仲喺贴文写到：“生日月，我大晒！”唔知佢喺同马明定朋友撑枱脚食生日饭呢？不过后日先系靓汤嘅生日正日，唔知马明会唔会有大惊喜畀佢呢，真系令人期待呀！