#微博[超话]# ༄༅། །སངས་རྒྱས་བཅོམ་ལྡན་འདས་ལ་བསྟོད་པའི་ནང་ནས་མཆོག་ཏུ་གྱུར་བ་རྟེན་འབྲེལ་བསྟོད་པ་ཡིན་པས་ན་བསྟོད་ཚིག་རྣམས་བརྩམ་ཡུལ་གྱི་བྲག་ཕུག་ངོས་སུ་སྦྱར་བ། བསྟོད་པ་འབུལ་ཡུལ་ཐུབ་པའི་དབང་པོ་ཡིན་པས་ན་ཐུབ་པའི་སྐུ་དཔར་ཞིག། དེ་ཉིད་མཛད་པ་པོ་རྗེ་བློ་བཟང་གྲགས་པ་ཡིན་པས་ན་རྗེའི་སྐུ་དཔར་ཞིག། མཛད་ས་འོ་དེ་གུང་རྒྱལ་གྱི་ལྷ་ཞོལ་གྱི་རྟེན་འབྲེལ་བྲག་ཕུག་ཡིན་པས་ན་རྟེན་འབྲེལ་བྲག་ཕུག་གི་དཔར་ཞིག། བྲག་གི་ཁུང་བུ་འདི་ཉིད་ཀྱིས་སྟོང་ཉིད་ཀྱི་ལྟ་བ་མཚོན་པ། བྲག་ཕུག་གི་ཕྱི་ནས་ནང་དུ་ཉི་མའི་མདངས་ཀྱིས་ནང་གི་མུན་པ་བསལ་བས་སྟོང་ཉིད་ཀྱི་ལྟ་བ་མཐར་ཐུག་རྟོགས་པ་བཅས་ཀྱི་རྟེན་འབྲེལ་ལེགས་པོ་ཞིག་འགྲིག་པ་ཡིན་ནོ།།༼དུམ་བུ་དྲུག་པ།༽
《缘起赞》。宗喀巴着。书中说世上一切烦恼都是从无明而生，缘起（རྟེན་འབྲེལ།）性空（རང་བཞིན་གྱི་གྲུབ་པས་སྟོང་པ།）就是对治烦恼根源─无明的方法。意思是懂了缘起性空的道理，就可以从无明到明（智能）。 https://t.cn/A66nFHcK

༄༅། །དུས་རབས་བཅུ་བདུན་པའི་དུས་མཇུག་ཏུ། སོག་པོ་དགའ་ལྡན་ཚེ་དབང་དཔལ་བཟང་གིས་ལ་དྭགས་ཀྱི་རྒྱལ་པོ་བདེ་ལེགས་རྣམ་རྒྱལ་དེ་ཉིད་འདུལ་བའི་སྐབས་སུ། ལ་དྭགས་རྒྱལ་པོ་ཉིད་ནས། ༼གཡུལ་འཐབ་སྟེ་གལ་ཏེ་ཁྱོད་རྒྱལ་བར་གྱུར་ན་ཁྱོད་ཀྱི་བཞོན་པ་ཡང་ཕོ་བྲང་གི་སེང་གེ་སྒོ་མོར་ཐོགས་ཤིག གལ་ཏེ་བདག་ཅག་རྒྱལ་བར་གྱུར་ན་བཞོན་པ་ཡང་ཡུལ་ལྷ་ལྡན་གྱི་རྡོ་རིང་ལ་འདོགས་པར་བྱེད་དོ་༽ཞེས་སྨྲས་པ་ལས། ལ་དྭགས་གླེ་ཆེན་དཔལ་མཁར་ཕོ་བྲང་གི་སེང་གེ་སྒོ་མོ་འདིའི་གལ་ཆེན་རང་བཞིན་རྟོགས་ཐུབ་བོ། །
#ལོ་རྒྱུས།#

༄༅།།བོད་ཀྱི་དམངས་ཁྲོད་གནའ་སྒྲུང་འགྲན་ཚོགས་སྐབས་བདུན་པའི་མཇུག་འགྲན་ནི་དེ་རིང་ཕྱི་དྲོར་ལེགས་པར་སྤེལ་གྲུབ་བོ།།
དེ་ཡང་ཐེངས་འདིའི་གནའ་སྒྲུང་འགྲན་སྡུར་གྱི་ལས་རིམ་སྔ་ཕྱི་ངོ་སྤྲོད་ཙམ་ཞུ་ན།
དང་པོ། ༢༠༢༡་ལོའི་ཟླ་༡༢་པའི་ནང་ཚེས་༢༣་དུ་དགུན་གནང་ལས་བྱ་རུ། ཕ་ཡུལ་ནས་དམངས་ཁྲོད་གནའ་སྒྲུང་འཚོལ་བསྡུ་བྱ་དགོས་པའི་འབོད་སྐུལ་ཞུ་བ།
གཉིས་པ། ༢༠༢༢་ལོའི་ཟླ་༣་ཚེས་༡༥་ཉིན་ནས་སློབ་མགོ་ཚུགས་ཤིང་། གཟའ་འཁོར་དང་པོ་དང་གཉིས་པར་སློབ་མ་ཁང་གིས་འཛིན་གྲྭ་སོ་སོ་ནས་ཡིག་ཐོག་ཏུ་ཕབ་པའི་གནའ་སྒྲུང་དགུ་བརྒྱ་ལྷག་༼སྤུས་ཀ་ཡོད་མེད་དང་།ཆ་ཚང་མིན།རིགས་འདྲ་མིན་སྣ་ཚོགས་ཡོད༽བསྡུ་རུབ་བྱས།
གསུམ་པ། གནའ་སྒྲུང་འགྲན་རིམ་དང་པོ་དེ་གཟའ་འཁོར་༼ཟླ་༣་ཚེས་༣༨་ནས༽གསུམ་པ་དང་བཞི་པ་རྣམས་སུ་འཛིན་གྲྭ་སོ་སོའི་ནང་དུ་བསྒྲུབས། ཐེངས་དེར་ཧ་ལམ་སློབ་མ་དགུ་བརྒྱ་ལྷག་གིས་སོ་སོའི་འཛིན་གྲྭ་རུ་གནའ་སྒྲུང་བཤད་ཡོད་པ་དང་།འཛིན་གྲྭ་རེ་ནས་སློབ་མ་ཕུལ་བྱུང་བ་གསུམ་རེ་སྟེ་ཁྱོན་བསྡོམས་སློབ་མ་༥༤་བདམས་པ་རྣམས་འགྲན་རིམ་གཉིས་པར་གཞུག་རྒྱུའི་གྲ་སྒྲིག་བྱས།
བཞི་པ། འགྲན་རིམ་གཉིས་པ་དེ་གཟའ་འཁོར་བདུན་པ་སྟེ་སྤྱི་ཟླ་༤་ཚེས་༢༧་༢༨་༢༩་གསུམ་གྱི་ཕྱི་དྲོའི་སློབ་གསེང་དུ། ལོ་རིམ་དང་པོའི་འགྲན་སྡུར་ལ་ཁྱོན་འགྲན་ཞུགས་སློབ་མ་༡༨་ཞུགས། གཟའ་འཁོར་བརྒྱད་པ་སྟེ་སྤྱི་ཟླ་༥་ཚེས་༣་༤་༥་བཅས་ཀྱི་ཕྱི་དྲོའི་སློབ་གསེང་དུ་ལོ་རིམ་གཉིས་པའི་འགྲན་སྡུར་ལ་ཁྱོན་སློབ་མ་༡༨་ཞུགས།
གཟའ་འཁོར་བརྒྱད་པ་ནས་དགུ་པ་སྟེ་ཟླ་༥་ཚེས་༦་༩་༡༠་བཅས་ཀྱི་ཕྱི་དྲོའི་སློབ་གསེང་ལ་ལོ་རིམ་གསུམ་པའི་འགྲན་སྡུར་ལ་ཁྱོན་སློབ་མ་༡༨་ཞུགས། ལོ་རིམ་ཁག་གི་དཔྱད་འདེམ་པ་ནི་ལོ་རིམ་སོ་སོ་ནས་བདམས་ཐོན་བྱུང་བའི་སློབ་མ་ཁག་གཅིག་གིས་ལོ་རིམ་ཕན་ཚུན་བར་དུ་དཔྱད་འདེམ་བྱས། འགྲན་སྡུར་སྤེལ་ཡུལ་ནི་ཕོ་བྲང་དམར་པོའི་མདུན་གྱི་ཐོན་མིའི་ཐང་རེད།
གོང་གསལ་ལོ་རིམ་སོ་སོ་ནས་ཕུལ་བྱུང་འགྲན་ཞུགས་པ་དྲུག་རེ་བདམས་པའི་ཁྱོན་བསྡོམས་སློབ་མ་༡༨་གནའ་སྒྲུང་འགྲན་རིམ་གསུམ་པ་སྟེ་སྤྱིའི་འགྲན་སྡུར་ལ་གཞུག་རྒྱུ་གྲ་སྒྲིག་བྱས།
ལྔ་པ། གཟའ་འཁོར་དགུ་པ་ནས་བཅུ་པ་སྟེ་སྤྱི་ཟླ་༥་ཚེས་༡༣་༡༧་༢༨་བཅས་ཀྱི་ཕྱི་དྲོའི་གུང་གསེང་ཁག་ལ། ཆེས་མཐའ་མའི་གནའ་སྒྲུང་མཇུག་འགྲན་གྱི་གྲ་སྒྲིག་ཏུ། ལོ་རིམ་ཁག་ནས་བདམས་ཐོན་བྱུང་བའི་ཕུལ་བྱུང་སྒྲུང་པ་༡༨་དེ་དག་སློབ་གྲྭའི་སྐས་ཐེམ་སློབ་ཁང་དུ་གནའ་སྒྲུང་འགྲན་སྡུར་དུ་ཞུགས། དཔྱད་འདེམ་པ་རུ་སློབ་གྲྭའི་དགེ་རྒན་ཁག་གཅིག་ཞུགས།
ཐེངས་དེའི་འགྲན་སྡུར་ལས་བདམས་ཐོན་བྱུང་བའི་འགྲན་ཞུགས་སློབ་མ་༦་སློབ་གྲྭ་སྤྱིའི་གནའ་སྒྲུང་མཇུག་འགྲན་དུ་གཞུག་པའི་གྲ་སྒྲིག་བྱས།
དྲུག་པ། གཟའ་འཁོར་བཅུ་གཉིས་པ་སྟེ་ཟླ་༦་ཚེས་༤་གཟའ་སྤེན་པའི་ཕྱི་དྲོའི་དུས་ཚོད་དང་པོ་ནས་དང་པོ་དང་ཕྱེད་ལྷག་བར་དུ། སློབ་གྲྭའི་རྩལ་ཐང་ཆེན་མོ་རུ་སི་ཁྲོན་ཞིང་ཆེན་བོད་སློབ་གྲྭའི་དམངས་ཁྲོད་གནའ་སྒྲུང་འགྲན་ཚོགས་སྐབས་བདུན་པའི་མཇུག་འགྲན་དངོས་སུ་བསྒྲུབས་ཤིང་། དེ་ནས་སྒྲུང་པ་ཨང་དང་པོ་གཅིག་དང་། ཨང་གཉིས་པ་གཉིས། ཨང་གསུམ་པ་གསུམ་བཅས་བདམས་ཐོན་བྱུང་བ་དང་། དེ་རྗེས་་སློབ་གྲྭའི་གེ་སར་སྒྲུང་གླུ་ཟབ་སྦྱོང་འཛིན་གྲྭའི་སློབ་གྲོགས་སྐོར་ཞིག་གིས། རྒྱ་ཚའི་དཀར་མོ་དྲུག་འགྱུར་དང་འདན་མའི་ཐ་ལ་དྲུག་འགྱུར་གྱི་ངག་རྟ་ལ་དྲངས་པའི་བཀྲ་ཤིས་རྟེན་འབྲེལ་བརྗོད་ཅིང་། མཇུག་ཏུ། དགེ་རྒན་ཆེན་མོ་ཡེ་ཤེས་རབ་གསལ་ལགས་ཀྱིས་ཐེངས་འདིའི་འགྲན་ཞུགས་པ་དག་གི་གྲུབ་འབྲས་ལ་གདེང་འཇོག་དང་བསྔགས་བརྗོད་གནང་བ་མ་ཟད། དམངས་ཁྲོད་གནའ་སྒྲུང་གི་རིན་ཐང་དང་ཁྱད་ཆོས་སྐོར་དང་། ལྷག་པར་དུ་མ་འོངས་པར་སློབ་མ་ཚོས་རང་གི་ཕ་ཡུལ་གྱི་སྔོན་བྱུང་ལོ་རྒྱུས་དང་། རི་ཆུའི་ལོ་རྒྱུས་སོགས་དང་འབྲེལ་ཡོད་གནའ་སྒྲུང་འཚོལ་བསྡུ་དང་ཞིབ་འཇུག་བྱ་རྒྱུ་དེ་གལ་ཆེན་ཡིན་པ་སོགས་ཀྱི་སྐོར་ནས་ཕྱོགས་བསྡོམས་གསུང་བཤད་ལེགས་པར་གནང་ངོ་།།