早兩日第一日泊屯門，自己泊完都周圍望下環境，盡量泊貼d牆，驚其他大車彎位唔夠轉，又無老閉，所以自己泊低車就影低相留底，呢部公司車唔同我自己車，熄左車無自動錄影功能出黎社會碌左咁多年，小心駛得萬年船點知第二日主管真係收到停車場打黎投訴話我部車泊得出得濟，要再後多d真係比我估撚中，我都費事同你嘈，有圖有真相，主管睇完都想屌返停車場轉頭不解釋，自己用眼睇最好架啦，有時眼見都未必係真，憑感覺有証有據停車場想入我？你真係發撚緊夢傻撚左啦你如果好聲好氣的話，我一定有禮貌回應，出黎做野求財者，我地絕對唔會同人嘈，費撚事勞氣傷身！如果你一黎就態度閪，鳩撚屎屎串柒柒我實同你玩野串鳩你就緊架啦我都同主管笑笑口咁講：我同你都知我渣個部車係最長最大部架啦，比平常個d闊多6吋，長多1米，你叫阿姐行埋d，碌撚大對眼望埋個屎忽先出聲嘈啦，再倒後撞牆架啦，撞爛牆飛埋落街好唔好？未睇清楚就大喊十叫定先，唔好老脾個d屌撚左佢架啦

收工經過屯門見爭鮮未close，壽司怪上身勁耐無食過，難得放假對自己好d，懂得愛錫自己先懂得愛另一半同身邊人而家回左堂啦，食15碟就飽，不復當年最高峰35碟之勇，老了

星期六早上開晏少少，就到時間去食個早餐，平時6點半未夠就開左車，酒樓未開，茶記未開，屎都無啖好食，悠閒星期六嘆返杯走糖咖啡先開工，估唔到泊車附近間茶記d咖啡咁好飲，會再返轉頭，整多個茶餐廳例牌，火腿通粉+腸仔太陽蛋，$33大食夾抵件做到下午兩點幾見肚餓，忽然想食咖哩牛腩，都幾日無飯氣到肚，點都要食d飯，今日食豪d，$50咖哩牛腩飯，對我地呢d生活係貧窮線打工仔，食物鏈最低層黎講，$50已經係好豪呢度夠我平時食兩餐
耶蘇係復活節復活，大仔都趕得切係復活節復活啦，下星期特登搵日做少一轉中午job，落一轉運輸署續埋牌費，落車房拎車走得，屋企已經準備好大仔車位，兩隻仔終於可以相見同泊埋合照，我心情好滾動，大仔你而家大個仔啦，比我想像中嘈左好多，其實自己唔係幾鍾意嘈，行街盡量低調d，不過無辦法，為你健康同配合你就焗住，唯有老豆自己去就一就輕腳少少，費事夜返屋企個陣嚇親或嘈親d街坊因爲我都唔鍾意放假熟睡中比人嘈醒，要陪另一半/朋友，返工同做正經野例外

返8點，又訓到7點先起身天氣凍，訓得好舒服，出門口見到二仔無油，入埋油先返工，又試下合作伙伴公司張油卡，都係$90限額，入滿$90之後再拎自己張油卡出黎入埋尾數，兩張卡咪又係扣我張信用卡，之前打過去合作伙伴公司，佢話要數據先可以加大限額，唔緊要，我地比足一個月時間你，我就陪你玩一個月，一個月後再無加大限額我就丟低張油卡永不再用，唔會再打去問，貪你每缸油平幾$要我成日換黎換去，一d都唔方便，都幫唔到手，咁你張油卡仲要黎有乜用？我地出黎做野唔會同人嘈交，費事同你勞氣，好聲好氣認認真真同你講過一次唔聽就算，當我講廢話咁我咪直接做野，唔用你咪唔用你油卡我大把

二仔食飽飽就到老豆肚餓，返到公司又有飯食，今日腸仔，紅腸，雞翼飯，食飽飽坐一陣又開工努力搵錢

返到公司，坐枱話成日打唔到比我，電話成日唔通！
我話我住個度係永遠收唔到電話，只係上到網，所以搵我就用whatassp，或者用whatassp 打電話比我就一定會搵到我呢樣野我d老友就知啦，不過我唔記得同公司講返者，呢樣野係自己做得唔好，無同佢地講明，唔緊要，今次講返，最緊要大家有溝通，唔好有乜誤會，雖然收工係我私人時間，我唔聽電話都仲得，但都要同公司講返聲 https://t.cn/R2WxF2c