སྟག་ཚང་དཔལ་འབྱོར་བཟང་པོས་མཛད་པའི༼རྒྱ་བོད་ཡིག་ཚང་ཆེན་མོ༽བྱ་བ་འདིར་རྒྱས་འབྲིང་བསྡུས་གསུམ་ཡོད་པར་གསལ་བ་དང་། འབྲས་སྤུངས་གནས་བཅུ་ལྷ་ཁང་ནས་ཐོན་པའི་ཕྱག་དཔེ་རྙིང་པ༼རྒྱལ་རབས་མང་པོའི་ལེགས་བཤད་རྣམ་གྲངས་ཡིད་འཛིན་ནོར་བུའི་ཕྲེང་བ༽འདི་ནི༼རྒྱ་བོད་ཡིག་ཚང་ཆེན་མོ༽དང་བསྡུར་ན་མངོན་གསལ་གྱིས་བསྡུས་པ་ཡོད་པས་འབྲིང་པོ་ཡིན་ནམ་བརྟག་ལ། སྨོན་བཟང་དཔེ་རྙིང་འཚོལ་བསྡུ་ཁང་ནས་བསྒྲིགས་པའི༼རྒྱ་བོད་ཡིག་ཚང་འབྲིང་པོ་སོགས་བཞུགས༽ཞེས་བཏགས་པ་འདི་ནི་དོན་ལ༼རྒྱལ་རབས་མང་པོའི་ལེགས་བཤད་རྣམ་གྲངས་ཡིད་འཛིན་ནོར་བུའི་ཕྲེང་བ༽ཞེས་པ་འདི་ཡིན་ལ། འདིའི་སྐོར་གྱི་གནད་དོན་ཁ་ཤས་དེ་སྔོན་གུས་པས་བརྗེད་ཐོར་བཀོད་ནས་དྲ་ངོས་སུ་བཏང་བ་དེ་ལྟར་དང་། ད་དུང་ཡང་སྟག་ཚང་དཔལ་འབྱོར་བཟང་པོས་མཛད་པའི་རྒྱ་བོད་ཡིག་ཚང་ཆེ་འབྲིང་ཆུང་གསུམ་མམ་རྒྱས་འབྲིང་བསྡུས་གསུམ་གྱི་སྐོར་ལ་མུ་མཐུད་དུ་བསྐྱར་ཞིབ་ནན་ཏན་བྱེད་དགོས་སྙམ། ༼མཆན། རྒྱལ་རབས་མང་པོའི་ལེགས་བཤད་རྣམ་གྲངས་ཡིད་འཛིན་ནོར་བུའི་ཕྲེང་བ་ཞེས་པའི་མ་ཕྱི་དངོས་དཔལ་ལྡན་འབྲས་སྤུངས་གནས་བཅུ་ལྷ་ཁང་དུ་བཞུགས་ཡོད།༽ — བན་ཤུལ་པས་ལྷ་སར།

ཚེ་སྲོག་གི་སྒྲོན་མེ་ནི་རྒྱུན་དུ་འབར་བཞིན་མཆིས་ལ། ནམ་ཞིག་ལ་འབར་ནས་ཟད་འགྲོ་བ་ནི་སུས་ཀྱང་རྟོགས་ཐབས་བྲལ། ཅི་ནུས་ཀྱིས་རང་གི་ཚེ་སྲོག་དོན་སྙིང་ལྡན་པའི་བྱ་བཞག་གི་ཆེད་དུ་བཀོལ་ནས་འོད་སྣང་སྤྲོ་བར་གྱིས་དང་།

ཐ་ན་འོད་སྣང་ཕྲ་མོ་ཞིག་ཡིན་ཡང་ཆོག་གོ།

_____མཁན་ཆེན་ཚུལ་ཁྲིམས་བློ་གྲོས་ཀྱིས།

ཁྱོད་ཀྱིས་བཀའ་དྲིན་ཟེར་བ་དེ་ངོས་ཟིན་ཐུབ་བམ།
ཁྱོད་ཀྱིས་ལྷག་བསམ་ཟེར་བ་མཐོང་བྱུང་ངམ།
ཁྱོད་ཀྱིས་གཞན་ཕན་ཟེར་བ་དེ་རྟོགས་ཨེ་མྱོང་།
ཁྱོད་ཀྱིས་བྱམས་བརྩེ་ཟེེར་དེ་མྱངས་མྱོང་ངམ།
འདི་དག་མངའ་བ་ལ་རྒྱལ་སྲས་བྱང་ཆུབ་སེམས་དཔའ་ཟེར་འབོད་ཀྱི་ཡོད།
ངས་ནི་དཔེ་ཆའི་ནང་ཙམ་ཡིན་པར།
ཁོང་རྣམ་པ་ནི་རྣམ་པར་ཐར་པ་དེ་དག་ལ་བདག་གིར་བཞད་པ་མཐོང་བའོ།

བྱང་པས། https://t.cn/Rp7W8xr