【On.cc】谷婭溦廣州處女騷撞正打風　觀眾冒雨擠爆場地

歌手谷婭溦日前在廣州舉行音樂會，此乃她在內地首個個人騷，能夠圓滿結束她滿心歡喜，溦溦說：「之前係好擔心，因為嗰幾日廣州打風，連續兩日都橫風橫雨，我好驚觀眾唔嚟，開騷嘅上晝仲係好大雨，我4點出門口準備先慢慢細雨，但好開心係全場爆滿，有啲人連位都冇，企喺後面企足幾個鐘睇，好感謝大家冒咁大雨都嚟支持我，估唔到第一次喺內地開騷就咁爆。」

谷婭溦廣州處女騷順利舉行。

開騷前她驚冇觀眾嚟睇。

溦溦在台上唱生日歌送畀自己。

開騷當日接正是她農曆生日，她的朋友、公司同事準備了驚喜給她，她說：「我綵排時佢哋突然推個生日蛋糕出嚟，台上一班樂隊老師即刻湊起生日歌音樂，最搞笑係我自己喺台上唱生日歌畀自己聽，到夜晚開騷，有工作人員整咗幾個我最鍾意嘅波波氣球，臨尾我拖住氣球出嚟encore。」由於疫情關係，她個騷要精準絕不能超時，結果她連換衫時間都冇，惟有一條裙唱成晚。

綵排時工作人員幫她慶生。

收到工作人員送她的汽球，非常開心。

#谷娅溦[超话]#

(6月26日）是秦沛（Paul哥）的77歲生日，女兒姜麗文及兒子姜文杰分別為Paul哥慶祝生日。
.
兒子姜文杰與老婆Rain帶Paul哥去食飯慶祝生日，新抱Rain更第一次整乳豬造型蛋糕，幾可亂真：「Happy Birthday 爸爸 ，祝你每日 開開心心，健健康康，快快樂樂，平平安安。 今年第一次有新抱整蛋糕俾你食，係咪好幸福呢 希望你鍾意呢個乳豬蛋糕啦！Happy Birthday Dad, may all your wishes come true！」[心][心][心][鮮花][鮮花][鮮花]

歌手張敬軒（軒仔）《THE NEXT 20》紅館演唱會第6場，有同公司的謝霆鋒激罕現身支持外，還有將舉行九展演唱會的馮允謙（Jay）擔任嘉賓，Jay一出場，全場觀眾欣喜若狂。由於Jay是「ABC」不諳中文，合唱《他的故事》時，大會的提詞機打出一串由他自行拼音的英文歌詞，拼音中夾雜廣東話及英文拼音，只有Jay才看得懂，十分搞笑。軒仔台上問道：「點解今晚提詞機會出一串『越南文』？我望埋去唔知係乜？」然後更叫大會攝影機影「越南文」，叫Jay解讀給觀眾聽，全場爆笑。
軒仔又謂Jay一直給他一種好謙厚、謙卑、充滿陽光笑容的感覺，他的聲音是香港樂壇中他最喜愛的聲音：「自己人生當中曾經要人急救，無論監製、錄音，佢都二話不說即刻趕到，兩脇插刀，是個難得嘅好朋友。」而Jay就十分有心，送上自己7月個唱的「自製飛」給軒仔，又說：「7月我會開演唱會，但係我啲飛未印到出嚟，所以我自己做咗張，呢張飛係7月2、3、4、5都可以用，你鍾意可以來睇晒！」軒仔笑言：「依家啲後輩，點解咁鍾意整啲紙製品畀長輩！仲要係7月！哈哈，算啦，佢係『鬼仔』，佢唔識呢啲嘢，好多謝你，你演唱會我一定會嚟！」
開騷已一周，場場當尾場的軒仔，第6場再破紀錄，共「安歌」了5次，當紅館開大燈，歌迷仍然不肯散去。其實由開騷以來，大會不斷收到仍有歌迷想撲飛的需求，防疫措施於19號開始進一步放寬，大會再次努力向紅館商議及爭取，最終於5月19號再一次可以把限量最後8場門券公開發售，滿足未搶到門票的歌迷。