【ཟླ་དང་པོ་ནས་ལྔ་པའི་བར་རང་རྒྱལ་གྱི་ཞབས་ཞུ་ཕྱིར་གཏོང་ནང་འདྲེན་གྱི་བསྡོམས་འབོར་དུས་མཉམ་ལས22%འཕར་བ།】ཚེས7ཉིན་གསར་འགོད་པས་ཚོང་དོན་པུའུ་ནས་ཤེས་གསལ་ལྟར་ན། ད་ལོའི་ཟླ་དང་པོ་ནས་ལྔ་པའི་བར་རང་རྒྱལ་གྱི་ཞབས་ཞུའི་ཚོང་དོན་མུ་མཐུད་དུ་བརྟན་བརླིང་ངང་འཕར་བ་རྒྱུན་འཁྱོངས་བྱས་ཡོད། ཞབས་ཞུ་ཕྱིར་གཏོང་ནང་འདྲེན་གྱི་སྤྱི་འབོར་སྒོར་དུང་ཕྱུར23653.6ཟིན་པ་དེ་དུས་མཉམ་ལས22%འཕར་ཡོད། དེའི་ནང་ཞབས་ཞུ་ཕྱིར་གཏོང་བྱེད་ཚད་སྒོར་དུང་ཕྱུར11517.9ཟིན་པ་དེ་དུས་མཉམ་ལས26.3%འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར12135.7ཟིན་ནས་དུས་མཉམ་ལས18.2%འཕར་ཡོད། ཞབས་ཞུ་ཕྱིར་གཏོང་གི་འཕར་ཚད་དེ་ནང་འདྲེན་ལས་བརྒྱ་ཆའི་གྲངས8.1གིས་མཐོ་བ་དང་། ཞབས་ཞུའི་ཚོང་དོན་གྱི་ལྡོག་ཁྱད་སྒོར་དུང་ཕྱུར617.8ཆག་པར་སྐུལ་ཁྲིད་བྱས་ཡོད། ཟླ་ལྔ་པར་རང་རྒྱལ་གྱི་ཞབས་ཞུའི་ཕྱིར་གཏོང་ནང་འདྲེན་བསྡོམས་འབོར་སྒོར་དུང་ཕྱུར་4562.8ཟིན་པ་དེ་དུས་མཉམ་ལས22.2%འཕར་ཡོད།

ཤེས་བྱ་མང་འདུས་ཅན་གྱི་ཞབས་ཞུའི་ཉོ་ཚོང་བརྟན་བརླིང་ངང་འཕར་ཡོད། ཟླ་དང་པོ་ནས་ལྔ་པའི་བར་ཤེས་བྱ་མང་འདུས་ཅན་གྱི་ཞབས་ཞུ་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར9886.7ཟིན་ནས་དུས་མཉམ་ལས10%འཕར་ཡོད། དེའི་ནང་ཤེས་བྱ་མང་འདུས་ཅན་གྱི་ཞབས་ཞུ་ཕྱིར་གཏོང་སྒོར་དུང་ཕྱུར5602.4ཟིན་ནས13.6%འཕར་བ་དང་། ཕྱིར་གཏོང་འཕར་ཚད་ཅུང་མགྱོགས་པའི་ཁྱབ་ཁོངས་ནི་གློག་འཕྲིན་རྩིས་འཁོར་དང་ཆ་འཕྲིན་ཞབས་ཞུ། ཚོང་ལས་ཞབས་ཞུ་གཞན་དག་ཡིན་པ་དེ་སོ་སོར18.5%དང13.2%འཕར་ཡོད། ཤེས་བྱ་མང་འདུས་ཅན་གྱི་ཞབས་ཞུ་ནང་འདྲེན་བྱེད་ཚད་སྒོར་དུང་ཕྱུར4284.3ཟིན་ནས5.6%འཕར་བ་དང་། ནང་འདྲེན་འཕར་ཚད་ཅུང་མགྱོགས་པའི་ཁྱབ་ཁོངས་ནི་འགན་བཅོལ་ཞབས་ཞུ་ཡིན་པ་དང་འཕར་ཚད74.2%ལ་སླེབས་ཡོད།

ཡུལ་སྐོར་ཞབས་ཞུ་ཕྱིར་གཏོང་ནང་འདྲེན་བྱེད་པར་སླར་གསོ་བྱུང་ཡོད། ཟླ་དང་པོ་ནས་ལྔ་པའི་བར་རང་རྒྱལ་གྱི་ཡུལ་སྐོར་ཞབས་ཞུའི་ཕྱིར་གཏོང་ནང་འདྲེན་སྒོར་དུང་ཕྱུར3308.4ཟིན་པ་དེ་དུས་མཉམ་ལས7.7%འཕར་ཡོད། ཡུལ་སྐོར་ཞབས་ཞུ་ཕུད་ཟླ་དང་པོ་ནས་ལྔ་པའི་བར་རང་རྒྱལ་གྱི་ཞབས་ཞུའི་ཕྱིར་གཏོང་ནང་འདྲེན24.7%འཕར་བའི་ནང་ཕྱིར་གཏོང28.1%འཕར་བ་དང་ནང་འདྲེན20.8%འཕར་བ་དང་།2019ལོའི་དུས་མཉམ་དང་བསྡུར་ན་ཞབས་ཞུའི་ཕྱིར་གཏོང་ནང་འདྲེན49%འཕར་ཞིང་། ཕྱིར་གཏོང65.2%འཕར་བ་དང་ནང་འདྲེན32.8%འཕར་ཡོད། །

【ཧོང་ཡོན་རྫོང་དུ་གཅན་གཟན་གསའ་ཐོག་མར་མཐོང་བ།】ཟླ7པའིཚེས1ཉིན། གསར་འགོད་པས་ཟི་ལིང་གྲོང་ཁྱེར་ཧུང་ཡོན་རྫོང་དྲིལ་སྒྲོག་པུའུ་ནས་ཤེས་གསལ་ལྟར་ན། ཉེ་ལམ། ཀྲུང་གོའི་ཚན་རིག་གླིང་ནུབ་བྱང་སྐྱེ་ཁམས་ཁོར་ཡུག་ཐོན་ཁུངས་ཞིབ་འཇུག་གླིང་གི་ཞིབ་འཇུག་པ་ཁྲིན་ཧྲིན་ཡོན་དང་། ཀྲུང་གོའི་ཚན་རིག་གླིང་ནུབ་བྱང་མཐོ་སྒང་སྐྱེ་དངོས་ཞིབ་འཇུག་ཁང་གི་ཞིབ་འཇུག་པ་ཀྲང་ཐུང་ཙའོ། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་ཨན་ཧྥུ་ཡུན་དང་དགེ་རྒན་ཆེན་མོ་གཞོན་པ་རོང་ཀྲན་ལའེ་བཅས་ཀྱིས་གྲུབ་པའི་མཚོ་བོད་མཐོ་སྒང་གི་ཕྱོགས་བསྡུས་ཚན་རིག་རྟོག་ཞིབ་ཞིབ་འཇུག་ཡན་ལག་རུ་ཁག་སྐོར་གཉིས་པས། མཚོ་སྔོན་ཞིང་ཆེན་ཧོང་ཡོན་རྫོང་ཁོངས་སུ་རི་སྐྱེས་སྲོག་ཆགས་དང་རྩི་ཤིང་སྲུང་སྐྱོབ་ས་ཚིགས་དང་མཉམ་འབྲེལ་སྒོས་ས་ཁོངས་དེའི་རི་སྐྱེས་སྲོག་ཆགས་དང་སྐྱེ་དངོས་སྣ་མང་རང་བཞིན་ལ་རྟོག་ཞིབ་བྱས། ཞིབ་འཇུག་བྱེད་སྐབས་ལས་བྱེད་པ་རྣམས་ཀྱིས་ཉེ་བའི་ལོ་གཅིག་ནང་དམར་ཕྱིའི་པར་ཆས་ཀྱིས་བླངས་པའི་པར་གྱི་རྒྱུ་ཆ་ཧྲག་བསྡུ་བྱེད་སྐབས། ཧོང་ཡོན་རྫོང་ཉི་ཟླ་བོད་རིགས་ཞང་གི་མཚོ་ངོས་ལས་སྨི4096ལྷག་ཡོད་པའི་ས་ཆ་རུ་རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་གསའ་པར་དུ་བླངས་པ་རྙེད་པ་དང་། འདི་ནི་ཧོང་ཡོན་རྫོང་ནས་གསའ་པར་བླངས་པ་ཐོག་མ་ཡིན།

མཚམས་སྦྱོར་བྱས་པ་ལྟར་ན། ཐེངས་འདིར་གསའ་མཐོང་བའི་གནས་ནི་མཚོ་སྔོན་ཞིང་ཆེན་གྱི་ལྟེ་གནས་གྲོང་ཁྱེར་ཟི་ལིང་ནས་དྲང་ཐད་བར་ཐག་ལེ་བར50མཚམས་སུ་ཡོད་ལ། ཟི་ལིང་གྲོང་ཁྱེར་གྱི་སྲུང་སྐྱོབ་ས་ཁོངས་ཀྱི་ཕྱི་ནས་གསའ་མཐོང་དཀའ་བའི་སྟོང་ཆ་བསྐངས་པ་དང་། ཟི་ལིང་གྲོང་ཁྱེར་གྱི་སྐྱེ་དངོས་སྣ་མང་རང་བཞིན་དང་མཚོ་བོད་མཐོ་སྒང་གི་གསའ་ཡི་ཁྱབ་སྟངས་ཞིབ་འཇུག་བྱེད་པར་གཞི་འཛིན་ས་འདོན་སྤྲོད་བྱས་ཡོད།

།

ཉོན་མོངས་ཉོན་མོངས་ཤེས་རབ་མིག་གིས་སྤང་། །
བདག་ཡིད་ལས་བསལ་གང་དུ་འགྲོ་བར་འགྱུར། །
གང་དུ་གནས་ནས་བདག་གནོད་བྱ་ཕྱིར་འོང་། །
བློ་ཞན་བདག་ལ་བརྩོན་པ་མེད་པར་ཟད། །
བྱང་ཆུབ་སེམས་པའི་སྤྱོད་པ་ལ་འཇུག་པའི་རྣམ་བཤད་རྒྱལ་སྲས་འཇུག་ངོགས་ཞེས་བྱ་བ་ལས།