དཔེ་ཆ་ལྟ་བའི་རྗེས་ཀྱི་སེམས་ཁམས།
དཔེ་དེབ་བཀླགས་རྗེས་གཞུང་གི་མཐའ་བརྒྱ་མ་ཆོད་ཀྱང་སྐབས་ཐོབ་ཀྱི་དོགས་གནས་གང་རུང་རེ་ལ་མཐའ་ཆོད་པར་བྱས་ཚེ་རང་ཉིད་ལ་ཧ་ཅང་མཁོ་བའི་ཡུུན་རིང་པོར་བརྩལ་བའི་དངོས་པོ་རྩ་ཆེན་ཞིག་ལག་ཏུ་འབྱོར་པ་དང་མཚུངས་བའི་སེམས་ཁམས་ཤིག་སྐྱེ་བར་ངེས་པས། སྐབས་འགའ་ལ་དོགས་གནས་ཀྱི་མཐའ་གང་ཡང་མ་ཆོད་པར་སྔར་ལས་ཀྱང་དོགས་པ་ཆེས་ཆེར་དུ་གཏོང་ཚེ་མྱུར་དུ་དཔྱད་གཞི་འདི་དང་འབྲེལ་ཡོད་ཀྱི་དཔེ་དེབ་གཞན་ཞིག་ལ་བལྟ་དགོས་སྙམ་པའི་སྐུལ་བའི་སེམས་ཁམས་ངང་ནས་སྐྱེ་སྲིད།

དེ་རིང་གཉེན་འདི་སང་ཉིན་དགྲ་རུ་འཛིན།།
སང་ཉིན་དགྲ་གང་གནངས་ཉིན་གཉེན་དུ་གྱུར།།
རྣམ་རྟོག་འཆར་སྒོ་ཉིན་རེར་བརྗེས་གྱུར་པས།།
དགྲ་གཉེན་ཕན་གནོད་བདེ་སྡུག་ངེས་བརྟན་བྲལ།།
今日亲友明日成仇人，
明日仇人后日作亲友，
起心动念日日变化中，
亲仇利害苦乐不确定。

"དྲག་རྩུབ་ལ་རྒོལ་བའི་སྙུག་རྩེ་རབ་ཏུ་རྣོ་ཞིང་། བདེན་དོན་ལ་ཞེན་པའི་སྐད་ངག་གཞན་ལས་མཐོ་བའི་རླབས་ཆེན་གྱི་སྐྱེས་བུ་ལགས། ཁྱེད་ཀྱི་ཤ་ཁྲག་བེམ་གཟུགས་ཀྱི་ཕུང་བོ་རགས་པ་ནི། རྩ་བ་རུལ་པའི་ལྗོན་ཤིང་ཇི་བཞིན་གློ་བུར་ཉིད་དུ་འགྱེལ་ཟིན་ནའང་། ཁྱེད་ཀྱི་བསམ་བློའི་སྙིང་སྟོབས་དང་རླབས་ཆེན་བཞེད་དགོངས་ནི། དུས་ད་ལྟ་ཡང་། ཡར་ཚེས་ཀྱི་ཟླ་གཞོན་ཇི་བཞིན་ལང་ཚོའི་ཟིལ་ཤུགས་རབ་ཏུ་རྒྱས་ཏེ། ཕྱི་རབས་ཀྱི་སྐྱེ་བོ་བློ་མིག་ལྡན་པ་དག་གི་སྙིང་དབུས་ཀྱི་མཁའ་དབྱིངས་སུ་སྔར་ལས་ལྟ་ན་སྡུག་ཅིང་ཡིད་དུ་འོང་། ཇི་སྲིད་ནས་ཇི་སྲིད་དུ…"