ཨ་མདོ་བརྙན་འཕྲིན་གྱི་མུ་འབྲེལ་གླུ་གཞས་ཆེད་ཚོགས༼ གངས་རིའི་སྐར་རྒྱན ༽ལས་མགར་བསམ་འགྲུབ་ཚེ་རིང་གི་གཞས་དབྱངས་བརྩམས་ཆོས་དགོང་ཚོགས་དང་མི་སྒེར་གླུ་ལེན་ཆེད་ཚོགས་དེ་སྤྱི་ཟླ7པའི་ཚེས13ཉིན་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་བསྡུ་འཆར་ཡོད་ལ། ཐེངས་འདིར་བོད་ཀྱི་གཞས་པ་གཞས་མ་སུམ་བཅུ་ལྷག་གདན་ཞུ་བྱས་ཡོད་པའི་རྒྱ་ཆེའི་སྐུ་མགྲོན་རྣམ་པ་དུས་ལྟར་ཕེབས་པར་དགའ་བསུ་ཞུ།

སྐབས་ཐོག་དེར་ཨ་མདོ་བརྙན་འཕྲིན་གྱི་དུས་དབྱངས་འཕྲིན་སྟེགས་དང་སྐད་འཕྲིན་བརྙན་ལམ་ནས་དགོང་ཚོགས་ཧྲིལ་བོ་ཐད་གཏོང་བྱ་རྒྱུ་ཡིན་པས་ཀུན་གྱིས་དོ་སྣང་ཡོད་པར་འཚལ།

ས་སྐྱ་ལེགས་བཤད།

萨迦格言
ས་སྐྱ་པཎྜི་ཏ་ཀུན་དགའ་རྒྱལ་མཚན།
萨迦班智达.贡嘎坚赞
གཟུ་ལུམ་དག་གིས་སྤྱོད་པ་ཡིས། །
སྐྱེ་བོ་མྱུར་དུ་རྒུད་པར་འགྱུར། །
སྤྱི་བརྟོལ་ཅན་གྱི་གླང་རྒོད་ཀྱིས། །
གཅད་བྱ་མྱུར་དུ་མི་གཅོད་དམ། །
但凡行事喜鲁莽，其人定会速衰败。
狂躁公牛性易怒，是故招致阉割运。

ཉིན་བརྒྱད་པའི་གནས་མཇལ་གྱི་ཟིན་ཐོ།

ཉིན་བརྒྱད་པར་སི་ཁྲོན་ཞིང་ཆེན་ཁོངས་རྔ་བ་བོད་རིགས་རང་སྐྱོང་ཁུལ་གྱི་ཕྱོགས་གཏོགས་རྒྱལ་མོ་ཚ་བ་རོང་མདོ་སྨད་གྲུ་འཛིན་གཉིས་པ་ཁྲོ་སྐྱབས་ཐུགས་རྗེ་ཆེན་པོ་ལ་ཆོས་མཇལ་དུ་ཕྱིན་པ་ཡིན། ལོ་སྔ་མ་རྣམས་སུ་རང་ཉིད་ཐེངས་མང་པོ་ཞིག་ལ་ཆོས་གྲོགས་འགའ་དང་མཉམ་དུ་མཇལ་མྱངས་ཡོད། ཡིན་ཡང་ད་ཐེངས་ཤ་ཉེས་བཀའ་དྲིན་འོག་དྲིན་ཆེན་ཨ་མ་བཀའ་དྲིན་ཅན་དང་མཉམ་དུ་ཆོས་མཇལ་སོང་བའི་སྐལ་བ་ཐོབ།
རྒྱལ་རོང་རྒྱལ་ས་གསུམ་གྱི་ཡང་མེས་ཁོ་འཕན་གྱི་རྗེས་ཙམ་ལ་རྒྱལ་བོ་ཁྲོ་བོ་སྐྱབས་ཟེར་བ་ཞིག་བྱུང་བ་དེས་ས་གནས་འདིར་ཕོ་བྲང་བརྩིགས་པས་ཁྲོ་སྐྱབས་ཞེས་ཐོགས། མི་རྒྱུད་བོན་པོའི་གྲུབ་ཐོབ་ཏུ་གྲགས་པ་མང་པོ་དང་། རྒྱལ་བོ་ཁྲོ་བོ་རྒྱལ་མཚན། ཞང་རྒྱལ་ཀུན་དགའ་ནོར་བུ་སོགས་དཔོན་རབས་བཞི་བཅུ་ལྷག་ཙམ་བྱུང་ཡོད་པ་བཤད། ཁྲོ་སྐྱབས་ཐུགས་རྗེ་ཆེན་པོར་གྲགས་པ་སྤྱན་རས་གཟིགས་ཕྱག་བཞི་པའི་སྐུ་བརྙན་གྲགས་ཅན་དེ་ཡང་ཡུལ་འདིར་བཞུགས། ཐུགས་རྗེ་ཆེན་པོ་མཇལ་རྒྱུ་བསོད་ནམས་ལྡན།

202/7/6 བོད་ཟླ་༥/༧ཉིན་ལ་བྱང་ཆུབ་རྡོ་རྗེས།