彝历新年到来,凉山彝族自治州专属7天长假,明天开启,今天带领两个老人和两个宝贝儿,以及妹妹、妹夫到西昌旅游集散服务中心后面的会东烫皮羊肉馆吃羊肉汤锅,还是家乡的味道好啊。哈哈……祝各位亲们彝族年快乐ꈎꈤꇁꆏꏅ ꆪꈤꇁꆏꊒ ꋧꃅꆈꌠꌺꇖꈎꏅꃅꌒ ꊿꇬꋬꂻ ꑌꑿꀻꎆ ꆿꍯꂷꌵ ꉌꃈꑓꌒ ꋬꂻꈨꅪꅊꇉ,确波确惹、吉木吉喜、库史木撒、孜莫格尼! https://t.cn/z8AgfdK
《ꆈꌠꀋꃋ》
girl nuosu
ꁰꊿ:ꐊꂾꃴꆾ·ꁭꅐꌺ
author:qomo vutliep bdure
ꎔꌠꆎꂷꐥ,ꆈꌠꀋꃋꌺ。
ꑘꃅꋚꑣꉌꃀꁨꅽꑠꂷ,
ꆏꎔꆎꃨꁦꉘꂙꃨꌡ。
ꉡꆹꉌꃀꈍꃅꆏꂶꌦꀋꉂ?
ꃅꍵꃹꇁꃲ,ꆎꉂꇀꌦꃲ。
ꉂꌠꆎꀃꑍꋋꄮꐥꌑꌒꀋꐚ,
ꉂꌠꆎꆹꃅꃴꃅꏸꂶꌦꆏꆎ。
ꑋꈌꁏꇁꃲ,ꌩꃨꀕꇁꃲ。
ꌩꃨꂾꆏꉌꃀꑌꆎꉂꇁ,
ꊿꎔꊾꃨꆈꌠꀋꃋꐥ,
ꉷꃅꇓꈓꅽꀋꏭꌠꆹꇬꀋꐥ。
ꆎꉂꈍꃅꂯ?ꈝꂿꇢꅉꎴ,
ꑿꆫꃮꆫꈪꑌꇔꍣꆈꌠꀋꃋꌺ,
ꉡꆹꐥꋊꐥꍂꃅꆏꂶꌦꀉꄂꉂ。
girl nuosu
ꁰꊿ:ꐊꂾꃴꆾ·ꁭꅐꌺ
author:qomo vutliep bdure
ꎔꌠꆎꂷꐥ,ꆈꌠꀋꃋꌺ。
ꑘꃅꋚꑣꉌꃀꁨꅽꑠꂷ,
ꆏꎔꆎꃨꁦꉘꂙꃨꌡ。
ꉡꆹꉌꃀꈍꃅꆏꂶꌦꀋꉂ?
ꃅꍵꃹꇁꃲ,ꆎꉂꇀꌦꃲ。
ꉂꌠꆎꀃꑍꋋꄮꐥꌑꌒꀋꐚ,
ꉂꌠꆎꆹꃅꃴꃅꏸꂶꌦꆏꆎ。
ꑋꈌꁏꇁꃲ,ꌩꃨꀕꇁꃲ。
ꌩꃨꂾꆏꉌꃀꑌꆎꉂꇁ,
ꊿꎔꊾꃨꆈꌠꀋꃋꐥ,
ꉷꃅꇓꈓꅽꀋꏭꌠꆹꇬꀋꐥ。
ꆎꉂꈍꃅꂯ?ꈝꂿꇢꅉꎴ,
ꑿꆫꃮꆫꈪꑌꇔꍣꆈꌠꀋꃋꌺ,
ꉡꆹꐥꋊꐥꍂꃅꆏꂶꌦꀉꄂꉂ。
ꆈꌠꑮꑟꅪꏷꃆꂮꌧꇐ
ꃜꏦ
ꆈꌠꃜꏦꆹ,ꇗꅉꀉꆹꇬꆏꑠꃅꐙ:ꊿꋅꈏꇓꐮꃝ,ꀉꁁꊿꋅꀋꃝ;ꌅꃤꌅꃤꐮꃝ;ꆈꉼꆈꉼꐮꃝ;ꐎꉺꐎꉺꐮꃝ;ꋊꃤꐯꀋꃝ,ꃶꌐꐮꃝ;ꋍꑫꌠꐯꀋꃝ;ꂛꊨꅫꃀꐮꃝ;ꃺꃀꑊꂵꐯꀋꃝ。ꅩꉘꀉꂿꌅ,ꅩꃝꀉꄉꌅ,ꎆꋠꂛꊨꌅ。ꑮꒃꅪꏷꇬꃜꇤꇢꊭꈴ。ꀋꉊꃀꆹꁦꋠꃆꏀꃆꆹꄅꌠꑌꐥ,ꄷꀋꁧꑮꃀꌕꑻꇖꑻꏃꌠꐥ,ꄚꊿꋌꉹꌠꃷꁨꆹꀉꑌꀋꐥ。ꀋꃉꆏꋍꒆꋍꃌꄹꏦꌬ。ꑮꒃꇬꃶꌐꎆꁵ,ꀑꑌꈁꁠꁵ、ꀿꃶꈁꁠꁵ、ꂛꊨꈁꁠꁵ,ꃅꄷꐯꀋꌡꄉꈁꁠꏿꄟꐯꀋꌡ。ꅪꏷꀉꄉꀉꂿꆹꇖꑳꇖꂵꂿꈭꐨꆏꃀꐎꃀꏢꄻꀋꃋꁵꑵꉬ。
ꀋꃅꇗꅉꀊꏀꇬꆏ,ꃜꏦꆹꀉꒉꃅꐛꐈꀐ,ꆈꌠꆹꀉꁁꊿꋅꌋꆀꐮꃝꀐ,ꃝꐨꀉꒉꃅꊨꏦꌅꀐ。
ꑮꇖ
ꀋꃅꋋꄮꆏꑮꃀꑞꂷꒃ,ꌐꃶꑞꂷꄷꐛꌠꀉꒉꃅꊨꏦꌅꀐ。ꌠꆗꑮꆜꐮꋒꀋꌦꌠꆏ,ꏣꃀꏣꑟꃜꇤꈴꄉꉉꐯꁳ,ꌠꆗꑮꆜꑍꂷꌠꇴꌊꐮꂿꑲꆀꍑ。ꌠꆗꑮꆜꐮꉌꃹꌠꆏ,ꌠꆗꄰꊿꇤꅷꑮꇖꆹ,ꑮꆜꄰꀉꄉꀉꂿꉌꃹꈭꐨꆏ,ꃶꌱꃅ,ꃮꌉꋠ,ꃮꏸꃮꆜꉜ,ꃮꏸꃮꆜꎔꈭꐨꑲꆀꃶꌱꎆꉉ、ꈁꁠꇇꌐꉉ,ꑮꑟꃅꑍꄡ。
ꑮꑟ
ꃶꌐꑍꁯꌠꄡꄉꌠꃅꑍꇬꈴꄉ,ꌐꃶꄰꆏꃮꉘꎧꏿꄉꑮꑟꌠꄐꏤ。ꑮꑟꀒꄹꉇꆏ,ꌐꃶꄰꑣꃅꌠꁆꌊꑮꃀꅍꑮꋩꆹ。ꎂꀕꃅꇬꆏꎦꄣꌌꑮꋩꆹꑵꉬ。ꑮꃀꄰꀁꇬꑌꎧꏿꄉꅪꏷꌠꄐꏤ。ꑣꃅꌠꈝꃀꇬꇁꀐꄷꌠꅉꐚꇬꆏ,ꑮꃀꐋꀨꃷꇎꑮꆜꈧꌠꀆꐒꄐꏤꄉꀐ。ꑣꃅꌠꑳꑟꇁꇬꆏꑮꆜꈧꌠꀆꐒꌌꑣꃅꌠꎭ,ꑣꃅꌠꆏꀋꇝꃅꂇꑮꃀꈿꀁꇬꊐ,ꑣꃅꌠꑳꃹꈭꐨꆏ,ꃥꌊꄰꑣꃅꌠꋨꏦ。ꊁꄹꉈꃬꀮꀋꇴꌦꇬꆏ,ꃥꌊꄰꅪꏷꌠꄐꏤ。ꂴꑮꃀꄺꑣ,ꊁꆏꅩꌺꉙ,ꃅꀋꄜꌦꇬꆏꑣꃅꌠꁳꑮꃀꀵꄉꅪꏷꌐꅍꎭꁧꀐ。ꒉꆈꃅꄷꆏꃝꃅꌠꌺꃰꑌꐊ、ꌋꅪꑌꐊꄉꅪꏁꌐꃶꅍꑮꁧꑵꉬ。
ꑮꃀꑳꑟꇁꇬꆏ,ꑮꃀꌋꆀꀉꁧꈎꄐꈎꀋꄐꌠꉜꄉ,ꈎꀋꄐꌠꆏꑮꃀꀵꉈꏭꑲꌺꇬꑌꄉꑮ,ꈎꄐꌠꆏꈛꎂꃅꋩꌊꀁꇬꇁ。ꑮꃀꑳꑟꈭꐨꆏ,ꂴꃝꉐꉈ,ꊁꆏꈾꆭꄻꑮꃀꈌꑟ,ꋍꈭꐨꆏꀉꁧꋒꈎꄮꂷꁳꑮꃀꀍꈁꐆꀂꏾꀬꎻ。ꋙꍈꒉꄎꌐꑲꆀ,ꀋꁧꂛꊨꈁꁠꇇꌐꏿ,ꋋꈨꃅꌐꈭꐨꆏ,ꄹꃥꀕꌋꊨꄅꄉꀈꑣꇱꋑ。ꑮꑟꄮꇬꆹꋚꀮꋚꂾꑍꐚꍇꏦꐥ。ꀍꆽꈪꌠꆹꈛꎂꃅꈪꌠꑌꐥ,ꊁꑲꆀꇴꌊꈪꇁꌠꑌꐥ。
ꃜꁏ
ꆈꌠꇐꀳꇬ:ꆀꐪꈍꈩ,ꃝꐨꈍꀋꈩꄷ。ꐮꃝꌠꆹꆈꌠꌤꋍꉎꀋꐥꐘꉬ,ꃝꐨꆹꃌꒆꑍꂷꌠꌤꀉꄂꀋꉬ,ꃶꌐꑍꁯꌠꌤꑌꉬ,ꑠꅹꊿꑍꁯꐮꃝꑲꆏ,ꈀꏾꃅꃜꁏꀋꉆ。
ꃜꏦ
ꆈꌠꃜꏦꆹ,ꇗꅉꀉꆹꇬꆏꑠꃅꐙ:ꊿꋅꈏꇓꐮꃝ,ꀉꁁꊿꋅꀋꃝ;ꌅꃤꌅꃤꐮꃝ;ꆈꉼꆈꉼꐮꃝ;ꐎꉺꐎꉺꐮꃝ;ꋊꃤꐯꀋꃝ,ꃶꌐꐮꃝ;ꋍꑫꌠꐯꀋꃝ;ꂛꊨꅫꃀꐮꃝ;ꃺꃀꑊꂵꐯꀋꃝ。ꅩꉘꀉꂿꌅ,ꅩꃝꀉꄉꌅ,ꎆꋠꂛꊨꌅ。ꑮꒃꅪꏷꇬꃜꇤꇢꊭꈴ。ꀋꉊꃀꆹꁦꋠꃆꏀꃆꆹꄅꌠꑌꐥ,ꄷꀋꁧꑮꃀꌕꑻꇖꑻꏃꌠꐥ,ꄚꊿꋌꉹꌠꃷꁨꆹꀉꑌꀋꐥ。ꀋꃉꆏꋍꒆꋍꃌꄹꏦꌬ。ꑮꒃꇬꃶꌐꎆꁵ,ꀑꑌꈁꁠꁵ、ꀿꃶꈁꁠꁵ、ꂛꊨꈁꁠꁵ,ꃅꄷꐯꀋꌡꄉꈁꁠꏿꄟꐯꀋꌡ。ꅪꏷꀉꄉꀉꂿꆹꇖꑳꇖꂵꂿꈭꐨꆏꃀꐎꃀꏢꄻꀋꃋꁵꑵꉬ。
ꀋꃅꇗꅉꀊꏀꇬꆏ,ꃜꏦꆹꀉꒉꃅꐛꐈꀐ,ꆈꌠꆹꀉꁁꊿꋅꌋꆀꐮꃝꀐ,ꃝꐨꀉꒉꃅꊨꏦꌅꀐ。
ꑮꇖ
ꀋꃅꋋꄮꆏꑮꃀꑞꂷꒃ,ꌐꃶꑞꂷꄷꐛꌠꀉꒉꃅꊨꏦꌅꀐ。ꌠꆗꑮꆜꐮꋒꀋꌦꌠꆏ,ꏣꃀꏣꑟꃜꇤꈴꄉꉉꐯꁳ,ꌠꆗꑮꆜꑍꂷꌠꇴꌊꐮꂿꑲꆀꍑ。ꌠꆗꑮꆜꐮꉌꃹꌠꆏ,ꌠꆗꄰꊿꇤꅷꑮꇖꆹ,ꑮꆜꄰꀉꄉꀉꂿꉌꃹꈭꐨꆏ,ꃶꌱꃅ,ꃮꌉꋠ,ꃮꏸꃮꆜꉜ,ꃮꏸꃮꆜꎔꈭꐨꑲꆀꃶꌱꎆꉉ、ꈁꁠꇇꌐꉉ,ꑮꑟꃅꑍꄡ。
ꑮꑟ
ꃶꌐꑍꁯꌠꄡꄉꌠꃅꑍꇬꈴꄉ,ꌐꃶꄰꆏꃮꉘꎧꏿꄉꑮꑟꌠꄐꏤ。ꑮꑟꀒꄹꉇꆏ,ꌐꃶꄰꑣꃅꌠꁆꌊꑮꃀꅍꑮꋩꆹ。ꎂꀕꃅꇬꆏꎦꄣꌌꑮꋩꆹꑵꉬ。ꑮꃀꄰꀁꇬꑌꎧꏿꄉꅪꏷꌠꄐꏤ。ꑣꃅꌠꈝꃀꇬꇁꀐꄷꌠꅉꐚꇬꆏ,ꑮꃀꐋꀨꃷꇎꑮꆜꈧꌠꀆꐒꄐꏤꄉꀐ。ꑣꃅꌠꑳꑟꇁꇬꆏꑮꆜꈧꌠꀆꐒꌌꑣꃅꌠꎭ,ꑣꃅꌠꆏꀋꇝꃅꂇꑮꃀꈿꀁꇬꊐ,ꑣꃅꌠꑳꃹꈭꐨꆏ,ꃥꌊꄰꑣꃅꌠꋨꏦ。ꊁꄹꉈꃬꀮꀋꇴꌦꇬꆏ,ꃥꌊꄰꅪꏷꌠꄐꏤ。ꂴꑮꃀꄺꑣ,ꊁꆏꅩꌺꉙ,ꃅꀋꄜꌦꇬꆏꑣꃅꌠꁳꑮꃀꀵꄉꅪꏷꌐꅍꎭꁧꀐ。ꒉꆈꃅꄷꆏꃝꃅꌠꌺꃰꑌꐊ、ꌋꅪꑌꐊꄉꅪꏁꌐꃶꅍꑮꁧꑵꉬ。
ꑮꃀꑳꑟꇁꇬꆏ,ꑮꃀꌋꆀꀉꁧꈎꄐꈎꀋꄐꌠꉜꄉ,ꈎꀋꄐꌠꆏꑮꃀꀵꉈꏭꑲꌺꇬꑌꄉꑮ,ꈎꄐꌠꆏꈛꎂꃅꋩꌊꀁꇬꇁ。ꑮꃀꑳꑟꈭꐨꆏ,ꂴꃝꉐꉈ,ꊁꆏꈾꆭꄻꑮꃀꈌꑟ,ꋍꈭꐨꆏꀉꁧꋒꈎꄮꂷꁳꑮꃀꀍꈁꐆꀂꏾꀬꎻ。ꋙꍈꒉꄎꌐꑲꆀ,ꀋꁧꂛꊨꈁꁠꇇꌐꏿ,ꋋꈨꃅꌐꈭꐨꆏ,ꄹꃥꀕꌋꊨꄅꄉꀈꑣꇱꋑ。ꑮꑟꄮꇬꆹꋚꀮꋚꂾꑍꐚꍇꏦꐥ。ꀍꆽꈪꌠꆹꈛꎂꃅꈪꌠꑌꐥ,ꊁꑲꆀꇴꌊꈪꇁꌠꑌꐥ。
ꃜꁏ
ꆈꌠꇐꀳꇬ:ꆀꐪꈍꈩ,ꃝꐨꈍꀋꈩꄷ。ꐮꃝꌠꆹꆈꌠꌤꋍꉎꀋꐥꐘꉬ,ꃝꐨꆹꃌꒆꑍꂷꌠꌤꀉꄂꀋꉬ,ꃶꌐꑍꁯꌠꌤꑌꉬ,ꑠꅹꊿꑍꁯꐮꃝꑲꆏ,ꈀꏾꃅꃜꁏꀋꉆ。
✋热门推荐