李佳芯爆冷拎視后嚇親：覺得自己做得唔好 昨日於新加坡《星和無綫電視大獎2017》頒獎禮中勇奪視后的李佳芯現身香港機場，不少粉絲到場致賀。收到兩紮花的李佳芯直言從未想過奪視后，她說：「攞完我都放空放到六點，真係冇諗過，所以咩都冇準備。我有諗過攞角色獎，都有諗到講啲咩，咁後來又冇喎，咁以為係情侶獎啦，又唔係喎！」

直認對自己評分低

講到在新加坡勇奪視后，有否增加在馬來西亞及香港頒獎禮的信心？她直言從來都沒有想過，並透露一直覺得自己做得不好，可能是低估了自己的能力，又指不懂得用言語去表達開心的程度。談到她被指爆冷奪獎，她說：「爆呀，我都冷親自己！真係冇諗過，因為一路對自己嘅評分都好低，可能自己要求高，但係今次得到肯定係令我措手不及！反而自己都喺個台上面，問『點解嘅』呢句說話係問自己！」她亦直言今次奪獎對自己來說是一支強大的強心針。

開心演活「Never」

談到她撼贏田蕊妮及胡定欣勇奪視后，她說：「我冇鍊贏佢哋，冇諗到會贏邊個，係好開心，自己都好鍾意『Never』呢個角色！」至於問到今次奪獎可有為佢洗去「無綫新一代狐狸精」之名？她笑謂不知道，可能下一套劇再演一腳踏幾船的角色，但能令觀眾看見她不同的戲路都感到很開心。

冇約男友慶祝

問到可有信心再下一城？她笑笑口謂：「香港嘅頒獎禮就冇諗啦，有一個最喜愛角色已經好開心！」談到有消息指無綫頒獎禮將會延期至明年一月舉行，她說有聽過：「可能係想播晒啲台慶劇先。（約男友慶祝？）冇，已經約咗朋友慶祝生日！」又指媽媽已經知道她奪獎，亦感到愕然，因沒有直播，她又表示想盡快與媽媽慶祝。

恭喜家燕姐
藝人薛家燕在新加坡《星和無綫電視大獎2017》頒獎禮中奪得「25周年最受歡迎TVB電視劇集女角色」，她上台講得獎感言：「我自己都冇試過咁緊張，第一次咁緊張，真係冇諗過，《真情》好姨呢個角色帶畀我好多嘢，一講到感言好多片段出現。當時返TVB做呢個角色前我都戰戰兢兢，因為之前嘅事令我好徬徨，好多謝幕後畀呢個角色我，令我呢一生出現彩虹，仲因為TVBI將呢套劇帶去全世界，令我可以四出搵真銀！」

【On.cc】星和：薛家燕靠「好姨」攞獎

藝人薛家燕在新加坡《星和無綫電視大獎2017》頒獎禮中奪得「25周年最受歡迎TVB電視劇集女角色」，她上台講得獎感言：「我自己都冇試過咁緊張，第一次咁緊張，真係冇諗過，《真情》好姨呢個角色帶畀我好多嘢，一講到感言好多片段出現。當時返TVB做呢個角色前我都戰戰兢兢，因為之前嘅事令我好徬徨，好多謝幕後畀呢個角色我，令我呢一生出現彩虹，仲因為TVBI將呢套劇帶去全世界，令我可以四出搵真銀！」