【On.cc】同麥美恩浸溫泉？森美拒絕：我身材好過佢

藝人森美與麥美恩（Mayanne）到銅鑼灣為日本食店擔任開幕嘉賓，森美笑言被店方要求找靚女拍檔，但最終找來Mayanne，笑指她由「村姑」變女神。森美指Mayanne最近在社交網站晒出女神甫士自拍，衣着亦開始行低胸性感Feel，今日更以一身「Lady in red」造型亮相，Mayanne聞言笑說：「估唔到你咁留意我囉！森美Like開劉心悠、周慧敏嗰啲女神㗎。（行女神路線？）我都想見識吓，試吓多方面發展嘛！」

期待肉帛相見

Mayanne透露將有機會與森美浸溫泉，森美表示將到東京拍攝新一輯旅遊節目，但拍檔人選未定：「不過都Feel到有Mayanne喇！」Mayanne笑言期待與森美肉帛相見，森美就急急拒絕：「我身材好過佢喎，以上圍計！上一次浸溫泉係同高海寧、黃心穎，咁樣可能另一種效果，可能要帶佢入男溫泉！」

承認有收兵

問到改行女神Look有否吸引追求者？Mayanne笑言都有「收兵」，森美即搞笑問是否傳緋聞的許文軒。講到好留意Mayanne的緋聞？森美笑說：「咁我呢啲唔靚仔嘅緊係夥拍村姑啦！少埋呢個就冇喇！」

【On.cc】同張如城撞樣！許廷鏗認衰：要努力修身

歌手許廷鏗（Alfred）出席電台訪問，為新歌《演員的自我修養》宣傳。問到覺得自我修養如何？Alfred笑言：「我估應該OK嘅。（牌品好人品好？）咁我牌品都唔錯，呢排都好耐冇打麻雀，打都係同Joyce（欣宜），但佢呢排忙住準備演唱會，副牌要收埋先。」講到早前網上將他和張如城的相片併在一起，被指兩人很相似？Alfred亦忍不住笑說：「自己睇完張對併圖都笑咗出嚟嘅，咁似嘅，真係要痛定思痛、努力修身做人。（你一向靚仔嚟，唔介意被取笑似張如城？）你哋覺得張如城唔靚仔咩？大家得啖笑咪幾好，真心係似囉，冇得賴嘅。」

講到冰島之旅後脹爆回來？Alfred表示：「其實真係冇乜肥喎，可能係個髮型剪短咗。」至於日前3月27日是胡鴻鈞生日，可有為對方慶生？Alfred：「佢去咗日本過生日喎，等佢返嚟請佢食飯啦。（送咩禮物？）男人之間送禮都似怪怪哋，食飯得啦。」

坎晚 无聊 睇咗 洗冤录2 同埋 法证先锋1 真系觉得 欧阳震华 虽然唔靓仔 但就系好有feel
果然系TVB福星
演技真系很棒 很自然
近排 TVB佢嘅戏 有一屋老友记 再前面D就系 情系三生缘 同关咏荷 拍住上
到底系佢识挑戏 或是 佢的表演才能真系天生就有chemi呢 佢嘅所有剧都好好睇
当年看了真的是对法医很向往 结果现在并没有成为法医 真系后悔