༥༤༥ འཇིག་རྟེན་མིག་གཅིག་འཇིག་རྟེན་གཉེན་དུ་འཁྲུངས། །
རྐང་གཉིས་ལས་ཀྱི་འདུ་བྱེད་ཐོག་མར་འབྱེད། །
གྲོག་ཚང་བརྡོལ་བའི་ལས་ལ་འཁུ་བའི་དུས། །
ལྟ་བྱེད་ལམ་དུ་ཐོག་མའི་འོད་སྣང་བསུས། །
༥༤༦ སྣུམ་ལྡན་ལྗང་ལོ་འཛུམ་པའི་ལྕུག་ཕྲན་དག །
ཕྲེང་ལ་བསྟར་བའི་སྐྱེད་ཚལ་ཉམས་དགའ་བར། །
ཞོགས་པའི་ཟས་ལ་རོལ་བའི་ངང་ཚུལ་བསྐྱངས། །
ལྷ་ལྡན་ཇོ་བོ་མཇལ་བའི་ལམ་སྣེ་བཟུང་། །
༥༤༧ དུ་མའི་རྐང་ལམ་བཅད་པའི་ཕ་རོལ་ན། །
རྐང་གཉིས་བགྲོད་པ་མོད་པའི་སྐོར་ལམ་ཞིག །
པར་དང་ངག་གི་ལམ་ནས་མཐོང་ཐོས་ཞིག །
གྱུར་བ་གང་དེ་ལྷ་སའི་བར་སྐོར་གླིང་། །
༥༤༨ དེ་རིང་མངོན་སུམ་མིག་གི་ལམ་དུ་ལྷུང་། །
གོམ་པའི་འདེགས་འཇོག་ལྷན་ཅིག་བྱེད་པ་ན། །
གཞན་སྡེས་སྐོར་ལམ་བསྟར་བའི་འཁོར་ལོ་གང་། །
མ་ཡིན་མི་རྣམས་བསྟར་བ་འཁོར་ལོའི་ཕྲེང་། །
༥༤༩ ཤིན་ཏུ་རིང་བས་མཐོང་ན་ངལ་འགྱུར་ན། །
དངོས་སུ་བསྟར་བས་ངལ་བ་སྨྲོས་ཅི་འཚལ། །
ཡིན་ཡང་ནང་རྟེན་མཐོང་ན་གྲོལ་བའི་གཉེན། །
ཡིད་ཀྱི་མཐིལ་ལ་ལྷུང་ན་ངལ་བ་བསངས། །
༥༥༠ རིམ་བཞིན་བསྟར་བའི་ངང་ཚུལ་མ་བརྟུལ་བར། །
མཐོང་བྱེད་ལམ་དུ་ལྷུང་བའི་ངོ་མཚར་ནི། །
རང་རང་ལུས་ཀྱིས་འཁྱོང་བའི་རྣམ་དཀར་ལ། །
ཅིར་ཡང་འབད་པའི་ལས་ལ་བྲེལ་བ་འདི། །
༥༥༡ ལྔ་ལྡན་ཡན་ལག་ས་ལ་ཕབ་པའི་ཕྱག །
མི་མཚར་རྐང་པ་ཡ་གཅིག་ཁོ་ན་ལ། །
རྟེན་དུ་འཆའ་བཞིན་ལྷ་ཕྱག་ཁྱེར་བ་དེར། །
མཚར་བའི་ངང་ཚུལ་མེ་ཏོག་འདབ་བཞིན་འཐོར། །
༥༥༢ མི་ཐུང་དུས་ཀྱི་ཡུན་ལ་བསྟར་བའི་འབྲས། །
ར་ས་འཕྲུལ་སྣང་གཙུག་ལག་ནང་དུ་སླེབས། །
འཚང་ཁ་རྒོད་པའི་མི་ཡི་གྲལ་ལ་བསྙེགས། །
ཐུགས་རྗེ་ཆེན་པོ་རང་བྱོན་ལྔ་ལྡན་མཇལ། །
༥༥༣ དྲུག་པའི་བཞི་བར་ཇོ་བོའི་གསེར་ཞལ་གང་། །
དོན་ལྡན་མཇལ་བ་བགྱི་བའི་མི་ཡི་ཚོགས། །
ཉུང་བ་མ་ཡིན་བྱིས་པ་རྒ་བའི་ཚོགས། །
འགྲོ་བར་ངལ་བ་མཐོང་བཞིན་མདུན་དུ་སོང་། །
༥༥༤ རྣམ་འདྲེན་བཞི་བ་བཅུ་གཉིས་མཚན་དཔེའི་སྐུ། །
བལྟ་བས་མི་ངོམས་མཐོང་ན་གྲོལ་བའི་གཉེན། །
རིན་ཆེན་དང་པོས་ཡོངས་སུ་མཛེས་པའི་སྐུ། །
དད་འདུན་ཀློང་ནས་སྨོན་ལམ་ཞུ་བཞིན་མཇལ། །
༥༥༥ དེ་ནས་རྡོ་ཁྲེས་ཕོག་པ་ལྟ་བུའི་ངལ། །
ཡོངས་སྤངས་སྟེང་ན་བསྟར་བའི་གཞལ་ཡས་ཁང་། །
རེ་རེར་བཞུགས་པའི་རྨད་བྱུང་རྟེན་གྱི་ཚོགས། །
ལྕུག་ཕྲན་སྤུན་ལ་སྡེབ་ཀྱིན་གུས་པས་མཇལ། །
༥༥༦ གྱེན་དང་ཐུར་ལ་རྒྱུ་བའི་སྐས་ཀྱི་ཐེམ། །
མར་ལ་བཅད་དེ་སངས་རྒྱས་སྨན་གྱི་ལྷ། །
རང་བྱོན་དད་བརྒྱའི་སྙེ་མ་གཡོ་བའི་གཉེན། །
མཇལ་ཏེ་དེ་མུར་བསྟར་བའི་རྟེན་དག་མཇལ། །
༥༥༧ མི་འགྲོ་ཇོ་བོའི་བཞུགས་པའི་གནས་ཉིད་ལ། །
ངེས་པའི་རི་མོ་གསལ་བར་མ་གྱུར་བས། །
ཡར་མར་འདུར་དང་ལྷན་ཅིག་བགྲོ་བ་ཡི། །
གཏམ་ལ་འཆེལ་གྱིན་ནང་གི་སྐོར་ལམ་བཅད། །
༥༥༨ སློབ་དཔོན་གསུང་གི་བདུད་རྩི་ཡིད་ལ་གཞིབ། །
སླར་ཡང་མཐོང་བ་དོན་ལྡན་ཇོ་བོའི་ཞལ། །
མཇལ་དུ་ཕྱིན་པའི་ལམ་སྟེགས་བརྒལ་བ་ན། །
མ་ཧཱ་གུ་རུའི་སྐུ་མཆོག་མཐོང་གྲོལ་མཇལ། །
༥༥༩ རིན་ཆེན་དང་པོས་ཡོངས་སུ་མཛེས་པའི་སྐུ། །
ལྷ་གཅིག་ཡིད་བཞིན་ནོར་བུའི་སྐུ་རྒྱབ་ན། །
མི་འགྲོ་ཇོ་བོའི་སྐུ་རྟེན་རྨད་བྱུང་བ། །
བཞུགས་པ་རྗེས་སུ་ཡིད་ལ་ངེས་པ་རྙེད། །
༥༦༠ དེ་ནས་མ་ངེས་ཡིད་སེམས་འཁྱུག་པའི་རིས། །
གསལ་བའི་རི་མོ་བསྟར་བའི་ལས་སུ་བྱ། །
མོད་པའི་བར་སྐོར་གླིང་ནས་ལན་གཅིག་མྱུལ། །
ཨ་མའི་མ་ཁྱིམ་ཞལ་རིས་མཇལ་དེ་ཕྱིན། །
༥༦༡ རེ་འགའ་སྤྱི་སྤྱོད་རེ་འགར་གླ་གཏོང་འཁོར། །
བསྡད་དེ་གངས་ལྗོངས་ཡི་གེ་བྱེད་པ་པོ། །
སློབ་དཔོན་ཐོན་མིའི་སྐུ་མཁར་མ་རུ་ལ། །
མཇལ་བའི་འདུན་པ་བསྲིངས་བ་མངོན་དུ་བྱས། །
༥༦༢ ལྷ་ཆེན་བདེ་མཆོག་སྤྱན་རས་རང་བྱོན་དང་། །
ཆོས་རྒྱལ་སྲོང་བཙན་སྒམ་པོའི་སྒྲུབ་པའི་ཕུག །
འཇམ་མགོན་བློ་བཟང་གྲགས་པས་ཐོག་མ་ཉིད། །
ཐེག་ཆེན་གསོ་སྦྱོང་ལེན་པའི་གནས་རྣམས་མཇལ། །
༥༦༣ དྲིན་ཆེན་སློབ་དཔོན་ཐོན་མི་སམ་བྷོ་ཊས། །
རྨད་བྱུང་ཡི་གེ་ཐོག་མར་བཟོ་བའི་གནས། །
སྐུ་མཁར་མ་རུ་སླར་གསོའི་ལས་ལ་ཞུགས། །
ནང་དུ་མཇལ་ཁ་ཞུ་བའི་སྐལ་བ་བྲུལ། །
༥༦༤ གཞན་ཡང་ཐོག་མའི་ཡིག་ཕུད་ལ་སོགས་པ། །
བལྟ་འདུན་བུང་བ་ལྡིང་བའི་མེ་ཏོག་ཚལ། །
ཐོས་པ་མཐོང་བའི་ལམ་དུ་གྱུར་བ་ལ། །
དུས་ཀྱི་དབང་གིས་སྐལ་བ་ཕྲ་བར་གྱུར། །
༥༦༥ དེ་ནས་གྱེར་དང་ཐུར་ལ་དཔྱངས་པའི་ལམ། །
དལ་གྱིས་བཅད་དེ་གང་ཞིག་མཇལ་གྱུར་བ། །
རྟེན་གྱི་ཚོགས་རྣམས་ནུས་པས་བསྲིངས་བ་ཡི། །
མོས་ཤིང་གུས་པའི་ངང་ཚུལ་མ་བརྟུལ་ཙམ། །
༥༦༦ སླར་ཡང་སྦྲུལ་ལྟར་འཁྱུག་པའི་ལམ་བུ་ལ། །
གོམ་དང་རླངས་འཁོར་གཉིས་ཀྱིས་རྒྱུ་བ་ཡི། །
བརྟུལ་ཞུགས་གང་ལ་རྟེན་དུ་འཆའ་བྱས་ཏེ། །
བདེ་བའི་གནས་ཚང་གང་ལ་ལོག་པར་གྱུར། །
༨.༡ཉིན་ལྷ་ལྷན་ཇོ་བོ་ཤཱཀྱ་མུ་ནེ་མཇལ་ཏེ་ཡུམ་བུ་བླ་མཁར་དུ་ཕྱིན་པའི་ཟིན་ཐུན། #✍️ དྲང་འཇུག།#
རྐང་གཉིས་ལས་ཀྱི་འདུ་བྱེད་ཐོག་མར་འབྱེད། །
གྲོག་ཚང་བརྡོལ་བའི་ལས་ལ་འཁུ་བའི་དུས། །
ལྟ་བྱེད་ལམ་དུ་ཐོག་མའི་འོད་སྣང་བསུས། །
༥༤༦ སྣུམ་ལྡན་ལྗང་ལོ་འཛུམ་པའི་ལྕུག་ཕྲན་དག །
ཕྲེང་ལ་བསྟར་བའི་སྐྱེད་ཚལ་ཉམས་དགའ་བར། །
ཞོགས་པའི་ཟས་ལ་རོལ་བའི་ངང་ཚུལ་བསྐྱངས། །
ལྷ་ལྡན་ཇོ་བོ་མཇལ་བའི་ལམ་སྣེ་བཟུང་། །
༥༤༧ དུ་མའི་རྐང་ལམ་བཅད་པའི་ཕ་རོལ་ན། །
རྐང་གཉིས་བགྲོད་པ་མོད་པའི་སྐོར་ལམ་ཞིག །
པར་དང་ངག་གི་ལམ་ནས་མཐོང་ཐོས་ཞིག །
གྱུར་བ་གང་དེ་ལྷ་སའི་བར་སྐོར་གླིང་། །
༥༤༨ དེ་རིང་མངོན་སུམ་མིག་གི་ལམ་དུ་ལྷུང་། །
གོམ་པའི་འདེགས་འཇོག་ལྷན་ཅིག་བྱེད་པ་ན། །
གཞན་སྡེས་སྐོར་ལམ་བསྟར་བའི་འཁོར་ལོ་གང་། །
མ་ཡིན་མི་རྣམས་བསྟར་བ་འཁོར་ལོའི་ཕྲེང་། །
༥༤༩ ཤིན་ཏུ་རིང་བས་མཐོང་ན་ངལ་འགྱུར་ན། །
དངོས་སུ་བསྟར་བས་ངལ་བ་སྨྲོས་ཅི་འཚལ། །
ཡིན་ཡང་ནང་རྟེན་མཐོང་ན་གྲོལ་བའི་གཉེན། །
ཡིད་ཀྱི་མཐིལ་ལ་ལྷུང་ན་ངལ་བ་བསངས། །
༥༥༠ རིམ་བཞིན་བསྟར་བའི་ངང་ཚུལ་མ་བརྟུལ་བར། །
མཐོང་བྱེད་ལམ་དུ་ལྷུང་བའི་ངོ་མཚར་ནི། །
རང་རང་ལུས་ཀྱིས་འཁྱོང་བའི་རྣམ་དཀར་ལ། །
ཅིར་ཡང་འབད་པའི་ལས་ལ་བྲེལ་བ་འདི། །
༥༥༡ ལྔ་ལྡན་ཡན་ལག་ས་ལ་ཕབ་པའི་ཕྱག །
མི་མཚར་རྐང་པ་ཡ་གཅིག་ཁོ་ན་ལ། །
རྟེན་དུ་འཆའ་བཞིན་ལྷ་ཕྱག་ཁྱེར་བ་དེར། །
མཚར་བའི་ངང་ཚུལ་མེ་ཏོག་འདབ་བཞིན་འཐོར། །
༥༥༢ མི་ཐུང་དུས་ཀྱི་ཡུན་ལ་བསྟར་བའི་འབྲས། །
ར་ས་འཕྲུལ་སྣང་གཙུག་ལག་ནང་དུ་སླེབས། །
འཚང་ཁ་རྒོད་པའི་མི་ཡི་གྲལ་ལ་བསྙེགས། །
ཐུགས་རྗེ་ཆེན་པོ་རང་བྱོན་ལྔ་ལྡན་མཇལ། །
༥༥༣ དྲུག་པའི་བཞི་བར་ཇོ་བོའི་གསེར་ཞལ་གང་། །
དོན་ལྡན་མཇལ་བ་བགྱི་བའི་མི་ཡི་ཚོགས། །
ཉུང་བ་མ་ཡིན་བྱིས་པ་རྒ་བའི་ཚོགས། །
འགྲོ་བར་ངལ་བ་མཐོང་བཞིན་མདུན་དུ་སོང་། །
༥༥༤ རྣམ་འདྲེན་བཞི་བ་བཅུ་གཉིས་མཚན་དཔེའི་སྐུ། །
བལྟ་བས་མི་ངོམས་མཐོང་ན་གྲོལ་བའི་གཉེན། །
རིན་ཆེན་དང་པོས་ཡོངས་སུ་མཛེས་པའི་སྐུ། །
དད་འདུན་ཀློང་ནས་སྨོན་ལམ་ཞུ་བཞིན་མཇལ། །
༥༥༥ དེ་ནས་རྡོ་ཁྲེས་ཕོག་པ་ལྟ་བུའི་ངལ། །
ཡོངས་སྤངས་སྟེང་ན་བསྟར་བའི་གཞལ་ཡས་ཁང་། །
རེ་རེར་བཞུགས་པའི་རྨད་བྱུང་རྟེན་གྱི་ཚོགས། །
ལྕུག་ཕྲན་སྤུན་ལ་སྡེབ་ཀྱིན་གུས་པས་མཇལ། །
༥༥༦ གྱེན་དང་ཐུར་ལ་རྒྱུ་བའི་སྐས་ཀྱི་ཐེམ། །
མར་ལ་བཅད་དེ་སངས་རྒྱས་སྨན་གྱི་ལྷ། །
རང་བྱོན་དད་བརྒྱའི་སྙེ་མ་གཡོ་བའི་གཉེན། །
མཇལ་ཏེ་དེ་མུར་བསྟར་བའི་རྟེན་དག་མཇལ། །
༥༥༧ མི་འགྲོ་ཇོ་བོའི་བཞུགས་པའི་གནས་ཉིད་ལ། །
ངེས་པའི་རི་མོ་གསལ་བར་མ་གྱུར་བས། །
ཡར་མར་འདུར་དང་ལྷན་ཅིག་བགྲོ་བ་ཡི། །
གཏམ་ལ་འཆེལ་གྱིན་ནང་གི་སྐོར་ལམ་བཅད། །
༥༥༨ སློབ་དཔོན་གསུང་གི་བདུད་རྩི་ཡིད་ལ་གཞིབ། །
སླར་ཡང་མཐོང་བ་དོན་ལྡན་ཇོ་བོའི་ཞལ། །
མཇལ་དུ་ཕྱིན་པའི་ལམ་སྟེགས་བརྒལ་བ་ན། །
མ་ཧཱ་གུ་རུའི་སྐུ་མཆོག་མཐོང་གྲོལ་མཇལ། །
༥༥༩ རིན་ཆེན་དང་པོས་ཡོངས་སུ་མཛེས་པའི་སྐུ། །
ལྷ་གཅིག་ཡིད་བཞིན་ནོར་བུའི་སྐུ་རྒྱབ་ན། །
མི་འགྲོ་ཇོ་བོའི་སྐུ་རྟེན་རྨད་བྱུང་བ། །
བཞུགས་པ་རྗེས་སུ་ཡིད་ལ་ངེས་པ་རྙེད། །
༥༦༠ དེ་ནས་མ་ངེས་ཡིད་སེམས་འཁྱུག་པའི་རིས། །
གསལ་བའི་རི་མོ་བསྟར་བའི་ལས་སུ་བྱ། །
མོད་པའི་བར་སྐོར་གླིང་ནས་ལན་གཅིག་མྱུལ། །
ཨ་མའི་མ་ཁྱིམ་ཞལ་རིས་མཇལ་དེ་ཕྱིན། །
༥༦༡ རེ་འགའ་སྤྱི་སྤྱོད་རེ་འགར་གླ་གཏོང་འཁོར། །
བསྡད་དེ་གངས་ལྗོངས་ཡི་གེ་བྱེད་པ་པོ། །
སློབ་དཔོན་ཐོན་མིའི་སྐུ་མཁར་མ་རུ་ལ། །
མཇལ་བའི་འདུན་པ་བསྲིངས་བ་མངོན་དུ་བྱས། །
༥༦༢ ལྷ་ཆེན་བདེ་མཆོག་སྤྱན་རས་རང་བྱོན་དང་། །
ཆོས་རྒྱལ་སྲོང་བཙན་སྒམ་པོའི་སྒྲུབ་པའི་ཕུག །
འཇམ་མགོན་བློ་བཟང་གྲགས་པས་ཐོག་མ་ཉིད། །
ཐེག་ཆེན་གསོ་སྦྱོང་ལེན་པའི་གནས་རྣམས་མཇལ། །
༥༦༣ དྲིན་ཆེན་སློབ་དཔོན་ཐོན་མི་སམ་བྷོ་ཊས། །
རྨད་བྱུང་ཡི་གེ་ཐོག་མར་བཟོ་བའི་གནས། །
སྐུ་མཁར་མ་རུ་སླར་གསོའི་ལས་ལ་ཞུགས། །
ནང་དུ་མཇལ་ཁ་ཞུ་བའི་སྐལ་བ་བྲུལ། །
༥༦༤ གཞན་ཡང་ཐོག་མའི་ཡིག་ཕུད་ལ་སོགས་པ། །
བལྟ་འདུན་བུང་བ་ལྡིང་བའི་མེ་ཏོག་ཚལ། །
ཐོས་པ་མཐོང་བའི་ལམ་དུ་གྱུར་བ་ལ། །
དུས་ཀྱི་དབང་གིས་སྐལ་བ་ཕྲ་བར་གྱུར། །
༥༦༥ དེ་ནས་གྱེར་དང་ཐུར་ལ་དཔྱངས་པའི་ལམ། །
དལ་གྱིས་བཅད་དེ་གང་ཞིག་མཇལ་གྱུར་བ། །
རྟེན་གྱི་ཚོགས་རྣམས་ནུས་པས་བསྲིངས་བ་ཡི། །
མོས་ཤིང་གུས་པའི་ངང་ཚུལ་མ་བརྟུལ་ཙམ། །
༥༦༦ སླར་ཡང་སྦྲུལ་ལྟར་འཁྱུག་པའི་ལམ་བུ་ལ། །
གོམ་དང་རླངས་འཁོར་གཉིས་ཀྱིས་རྒྱུ་བ་ཡི། །
བརྟུལ་ཞུགས་གང་ལ་རྟེན་དུ་འཆའ་བྱས་ཏེ། །
བདེ་བའི་གནས་ཚང་གང་ལ་ལོག་པར་གྱུར། །
༨.༡ཉིན་ལྷ་ལྷན་ཇོ་བོ་ཤཱཀྱ་མུ་ནེ་མཇལ་ཏེ་ཡུམ་བུ་བླ་མཁར་དུ་ཕྱིན་པའི་ཟིན་ཐུན། #✍️ དྲང་འཇུག།#
སློབ་ཡུན་ཁོ་ནའི་ཆེད་དུ་མི་ཚེ་ལ་འདུར་བཞིན་ཡོད་དམ། ཡང་ན་རང་གི་ནུས་པའི་ཆེད་དུ་རྒྱུགས་བཞིན་ཡོད། ང་ཚོ་ཆོས་རིག་སློབ་གླིང་ཞིག་ལ་མཚོན་ན།རིག་གནས་སྣ་མང་སྦྱོང་ས་ཞིག་ལ་རེ་སྙེགས་བྱེད་དགོས། ལྷ་མོ་་་་་་་་་་་ “ང་རང་ཚོའི་དགོན་པའི་ནང་ལ་ཡོད་པའི་གྲྭ་བ་གཞོན་ནུ་དེ་ཚོ་ལ་དེང་དུས་ཀྱི་སློབ་སྦྱོང་ཡག་པོ་ཞིག་སྤྲོད་རྒྱུ་དང་། དེ་ཚོ་ལ་དམིགས་བསལ་གྱིས་ལྟ་རྟོག་ཡག་པོ་ཞིག་མ་བྱས་ན། སྔོན་མའི་ལམ་དང་ལུགས་སྲོལ་ཡིན་མདོག་བྱས་ནས་དཔེ་ཆ་ཚིག་སྐམ་པོ་འདྲ་ཞིག་བསླབ། འདོན་ཆོག་འདྲ་བསླབ། ཉེན་བརྡ་འདྲ་བཏང་། དེ་འདྲ་ཞིག་མ་གཏོགས་མེད་པ་ཡིན་ན། གྲྭ་གཞོན་དེ་ལོ་ལྔ་དྲུག་ཅིག་གི་དུས་ཚོད་འགོར་རྗེས།སློབ་གྲྭར་འགྲོ་རྒྱུའི་དུས་ཚོད་ཡང་འདས། སྔོན་མ་ཚིག་སྐམ་པོ་ཞིག་བསླབས་པ་དེ་བཟུང་ནས་གྲྭ་བ་བྱས་ནས་མི་ཚེ་མཐའ་འཁྱོལ་བསྡད་པ་ཡིན་ན་ཅིག་འགྲིག་པ་རེད་དེ། དེ་ཡང་གང་འཚམ་ཞིག་སོང་ན་དགོན་པ་ནས་འདུག་འདོད་ཀྱང་མེད། ཆོས་མགོ་ཡང་མ་ཐོན་པར་བར་སྐབས་ཤིག་ལ། ཁོ་ཚོ་དངོས་གནས་དགོན་པ་གྲྭ་ཚང་ལ་ལོག་ལྟ་སྐྱེ་རྒྱུའི་ཉེན་ཁ་དང་། ང་ཆུང་ཆུང་སྐབས་ལ་ཚིག་རྐང་པོ་འདྲ་ཞིག་བསླབས་ནས་སློབ་གྲྭར་འགྲོ་རྒྱུའི་གོ་སྐབས་ཀྱང་མ་བྱུང་། ལུས་ལ་གྲྭ་ཆས་ཡོད་པ་བཞིན་སྔར་བློ་འཛིན་བྱས་བཞག་པ་དེ་ལ་ཚིག་འགྲེལ་ཞིག་རྒྱག་ཐུབ་པ་བྱུང་ན་ཅུང་འགྲིག་ཡོད་པ་རེད་དེ།དེ་ཡང་མི་ཐུབ་པར་ཐབས་སྡུག་བྱུང་སོང་བས། དངོས་གནས་ངའི་མི་ཚེ་འཕྲོ་བརླག་ཆགས་སོང་ཟེར་རྒྱུའི་ཉེན་ཁ་འདུག”ཅེས་པ་ལྟར་དགོན་དཔོན་དེ་དག་དེང་དུས་ཀྱི་གྲྭ་གཞོན་ཚོར།དེང་དུས་ཀྱི་རིག་གནས་མཁོ་སྤྲོད་བྱེད་པའི་ཁོག་རྒྱ་ཞིག་ཅིས་ཀྱང་གལ་ཆེ། བོད་ཆུ་སྟག་ལོ།༦-༥
མི་ཆོས་གཙང་མ་བཅུ་དྲུག་ནི།
༡༽ དཀོན་མཆོག་གསུམ་ལ་བླ་མར་བཟུང་ནས་གུས་པས་མཆོད་པ།
༢༽ ཚེ་འདི་དང་སྐྱེ་བ་གཞན་དུ་ཕན་པའི་དམ་པའི་ཆོས་སྒྲུབ་པ།
༣ ༽ ཕ་མར་དྲིན་གཟོ་བའི་བསྙེན་བཀུར་ཆེ་བ།
༤༽ཡོན་ཏན་ཅན་ལ་མཆོག་ཏུ་མཐོང་ནས་གོང་དུ་བཀུར་བ།
༥༽རིགས་མཐོ་བ་དང་རྒན་པ་རྣམས་ལ་སྲི་ཞུ་ཕུ་དུད་བྱེད་པ།
༦ ༽མཛའ་བཤེས་ལ་གསར་འགྲོགས་སྤངས་ཏེ་ཉེ་སེམས་མ་བོར་བའི་གཞུང་རིང་བ།
༧༽ཡུལ་མི་ཁྱིམ་མཚེས་དང་དམན་པ་རྣམས་ལ་ཅི་ནུས་ཀྱི་ཕན་པ་སྒྲུབ་པ།
༨ ༽གཞན་གྱི་ཅི་ཟེར་ལ་མི་ཉན་པའི་ཡིད་དྲང་ཞིང་བརྟན་པ།
༩ ༽ མིག་ཡ་རབས་ཀྱི་སྤྱོད་ཚུལ་ལ་བལྟ་བ།
༡༠༽ཧ་ཅང་བཟང་ཞན་གྱི་མཐའ་གཉིས་སུ་མ་ལྷུང་བར་ཟས་ནོར་ལ་སྤྱོད་ཤེས་པ།༡༡ ༽ དྲིན་བྱས་པ་ལ་བརྗེད་མེད་ཀྱིས་ཕན་ལན་སྒྲུབ་པ།
༡༢༽བྲེ་སྲང་སོགས་སྤྱོད་ཚུལ་ལ་གཡོ་སྒྱུ་མེད་པ།
༡༣ ༽ཉེ་རིང་དང་བྲལ་བར་སྤྱིར་སྙོམས་ཤིང་གཞན་གྱི་དཔལ་འབྱོར་ལ་མི་བཟོད་པའི་ཕྲག་དོག་སྤོང་བ།
༡༤༽གཡོ་སྒྱུ་ཅན་དང་གྲོགས་ངན་པའི་རིགས་ལ་མི་ཉན་པ།
༡༥༽ངག་འཇམ་ཞིང་གཞན་གྱི་བློར་འཚམས་པའི་སྨྲ་མཁས་པ།
༡༦ ༽ ཆོས་སྲིད་གང་ལའང་དཀའ་བ་སྤྱད་བཟོད་པའི་ཐེག་པ་ཆེ་ཞིང་བློ་ཁོག་ཡངས་པ་བཅས་སོ།།
༡༽ དཀོན་མཆོག་གསུམ་ལ་བླ་མར་བཟུང་ནས་གུས་པས་མཆོད་པ།
༢༽ ཚེ་འདི་དང་སྐྱེ་བ་གཞན་དུ་ཕན་པའི་དམ་པའི་ཆོས་སྒྲུབ་པ།
༣ ༽ ཕ་མར་དྲིན་གཟོ་བའི་བསྙེན་བཀུར་ཆེ་བ།
༤༽ཡོན་ཏན་ཅན་ལ་མཆོག་ཏུ་མཐོང་ནས་གོང་དུ་བཀུར་བ།
༥༽རིགས་མཐོ་བ་དང་རྒན་པ་རྣམས་ལ་སྲི་ཞུ་ཕུ་དུད་བྱེད་པ།
༦ ༽མཛའ་བཤེས་ལ་གསར་འགྲོགས་སྤངས་ཏེ་ཉེ་སེམས་མ་བོར་བའི་གཞུང་རིང་བ།
༧༽ཡུལ་མི་ཁྱིམ་མཚེས་དང་དམན་པ་རྣམས་ལ་ཅི་ནུས་ཀྱི་ཕན་པ་སྒྲུབ་པ།
༨ ༽གཞན་གྱི་ཅི་ཟེར་ལ་མི་ཉན་པའི་ཡིད་དྲང་ཞིང་བརྟན་པ།
༩ ༽ མིག་ཡ་རབས་ཀྱི་སྤྱོད་ཚུལ་ལ་བལྟ་བ།
༡༠༽ཧ་ཅང་བཟང་ཞན་གྱི་མཐའ་གཉིས་སུ་མ་ལྷུང་བར་ཟས་ནོར་ལ་སྤྱོད་ཤེས་པ།༡༡ ༽ དྲིན་བྱས་པ་ལ་བརྗེད་མེད་ཀྱིས་ཕན་ལན་སྒྲུབ་པ།
༡༢༽བྲེ་སྲང་སོགས་སྤྱོད་ཚུལ་ལ་གཡོ་སྒྱུ་མེད་པ།
༡༣ ༽ཉེ་རིང་དང་བྲལ་བར་སྤྱིར་སྙོམས་ཤིང་གཞན་གྱི་དཔལ་འབྱོར་ལ་མི་བཟོད་པའི་ཕྲག་དོག་སྤོང་བ།
༡༤༽གཡོ་སྒྱུ་ཅན་དང་གྲོགས་ངན་པའི་རིགས་ལ་མི་ཉན་པ།
༡༥༽ངག་འཇམ་ཞིང་གཞན་གྱི་བློར་འཚམས་པའི་སྨྲ་མཁས་པ།
༡༦ ༽ ཆོས་སྲིད་གང་ལའང་དཀའ་བ་སྤྱད་བཟོད་པའི་ཐེག་པ་ཆེ་ཞིང་བློ་ཁོག་ཡངས་པ་བཅས་སོ།།
✋热门推荐