上月宣布再度造人成功的陳凱琳（Grace）昨日首度現身公開活動，為主題公園擔任揭幕禮嘉賓。身穿吊帶連身裙的Grace全程戴住口罩，挺著巨肚的她卻貪靚腳實三吋高跟鞋出場，上落樓梯步步為營。Grace「肥胎唔肥人」，卻手腳纖幼，目測有六個月身孕。她指出，三吋高跟鞋不算好高，亦已過老公一關，因為嘉穎明白是工作需要工作，完工會馬上換回平底鞋，所以安全的。

Grace坦承，懷孕期已過了一半有多，BB陀得很穩定和健康，比第一胎陀得舒服，很感恩胃口幾好，第一胎頭尾都不舒服。至於性別，下星期會舉行Baby Shower切蛋糕宣布，老公當然知道。笑指上圍豐滿不少，她即害羞說：「我唔講呢啲，不過上磅只重咗10多磅，可能主要喺個胎度。」上次Grace剖腹生產大仔Rafael，問二胎是否考慮順產？她坦言未知，要按照醫生意見安全為上，始終自己身形比較細粒，

至於大仔鄭承悅（Rafael）可知道要當哥哥？Grace笑言，兒子年紀還小不太知道是什麼一回事，用手指掂一掂她的肚便走開了，不過會聽別人所講，會代BB送禮物給哥哥，減少哥哥醋意。

另外，有指她婚後忙於湊仔而狂推劇，老公鄭嘉穎代還劇債才接拍《兒童醫院》？Grace否定說：「乜可以咁㗎咩？大家要有商有量。」她更表明並非轉型做KOL，本身還很大戲癮，跟無綫亦有合約在身，而合約中沒說一定要拍劇，但始終家庭放第一位，不過可能待小朋友長大一點再拍。

踏3吋高跟涼鞋挺巨肚晒豐胸 陳凱琳下周公佈二胎性別

懷二胎的陳凱琳（Grace）挺住巨肚及腳踏3吋高跟涼鞋到主題公園為揭幕禮擔任嘉賓，目測孕肚都有6個月。問到懷胎幾個月？Grace只表示：「已一半有多，不想講確切懷了幾個月，但今次佗得好穩好健康，第一胎時頭尾段比較辛苦。（BB性別？）下星期Baby Shower會公佈，屆時會準備蛋糕，切開便會知道BB性別，老公已經知道，請了好多女仔朋友參加，我相信男仔都不想理我。」

問到大仔Rafael是否已曉得她懷孕？Grace笑說：「未識，始終佢仲細個。（好奇媽咪個肚裏面係乜？）我諗佢唔係好識，但都有用手指掂一掂就走開，相信BB出世佢就會知道。（怕大仔呷醋？）聽說要代細的買一份禮物畀哥哥，都會準備，因為Rafael都好學鍾意睇書，會遞書畀我坐大髀讀佢聽。」Grace開刀生下大仔Rafael，問二胎是否順產？她表示未知，要按照醫生意見安全為上，始終身形比較細粒。見她上圍豐滿肥胎不肥人，她透露只重了十多磅。

Grace早前放孕照慶祝29歲生日，她稱只是簡單慶祝，老公鄭嘉穎送她一份很喜歡的禮物，笑言「30歲大壽」才會大肆慶祝。提到嘉穎將回巢拍《兒童醫院》被指是為她「還劇債」？Grace否認說：「唔係，工作上是有商有量。（有指你轉型做KOL？）工作上亦唔係只有拍劇，現在拍劇都只係阻住晒，但我都有戲癮，等小朋友長大先。」她又表示與公司仍有約在身。

#郑嘉颖陈凯琳#

#陈凯琳[超话]#

陳凱琳懷孕後穿3吋高跟鞋出活動　唔怕鄭嘉穎反對：佢ok嘅
【HK01】陳凱琳今天穿著高跟鞋（29日）出席海洋公園揭幕典禮活動，早前她在社交媒體公布與鄭嘉穎造人計劃成功，不過在活動中接受《香港01》訪問時表示不願透露現在是懷孕幾多個月，但對於穿著高跟鞋出活動，她說老公並沒有反對「佢ok嘅，知道我出場時候先著高跟鞋，一陣返去就換平底鞋。」

雖然她拒絕透露懷孕時間，但腹大便便的Grace直言開始準備新成員的來臨：「要照顧大之餘都要照顧個細，我覺得點都會買啲衫俾細，冇理由大嘅有新衫，細嘅會冇。」

現時Grace透露兒子因為年齡還小，對她懷孕的事並不瞭解，但現在她已經開始擔心BB出世兒子會妒忌，「喺BB出世之後，我哋都希望阿囝會知道大家都會好錫佢，不過細個個出世後要多少少人照顧都好正常，但係我哋都好多人錫大仔，應該冇問題。」

而提到拍劇，Grace坦言復出無期：「我自己一定係屋企人行先，相信細出世之後都要照顧佢。我自己都想拍戲，但如果之後等佢哋大小小，如果又有機會，再諗啦。」