【娛樂頭條】馬國明踢波消磨時間 林夏薇自稱「飯桶」澄清冇暴瘦

TVB今日與內地紫荊文化集團舉行「戰略合作協議簽約儀式」，馬國明、林夏薇、胡定欣、黎諾懿等小生花旦齊現身撐場，場面熱鬧。剛完成新劇《法言人》的馬國明透露暫未再開劇，將休息兩個月，笑言現時正職是踢波。為何有空檔何不抽時間結婚？馬國明聞言笑說：「唔係有時間就結婚嘅，我都有工作，所以冇一齊去。」是否小別勝新婚？他甜笑稱：「小別完之後話俾大家知。」

TVB今日與內地紫荊文化集團舉行「戰略合作協議簽約儀式」。

馬國明及林夏薇早前一同合作拍《法言人》。

薇薇對於參演新劇的監製傳出染疫，她表示：「只知監製唔舒服，為安全起見停工一日做消毒，已經復咗工，而家密集式拍攝，只係日前打風停工。」她又表示拍劇存在疫情問題，也不能擔心太多，唯有做好防疫措施。薇薇昨晚（4日）在社交網上載跳舞片，但被網民指瘦到「皮包骨」，她笑言只是角度問題，並自嘲「飯桶」：「一向都咁瘦，廠有磅，我每日都上磅，最近反而肥咗，就快100磅，自己嘅食量都好大，食好多飯係飯桶，因開工要好多能量，就算半夜都會食飯、飲湯，食唔肥都係好事。」薇薇亦表示期待北上發展，希望更多新嘗試；而馬國明則沒所謂，坦言只希望有更多機會搵錢，追問是否賺老婆本？他則謂：「唔一定係老婆本，我都要養屋企人。」

#kennethma马国明[超话]#

余德丞（Dickson）離開TVB後，隨即轉戰商台與Do姐鄭裕玲合作做節目《口水多過浪花》主持，仲喺NowTV為擔任足球旁述，工作一浪接一浪。最近佢就喺社交網拍片，分享自己嘅踢波日常，見佢喺球場跑嚟跑去，相當精靈活潑，仲非常開心，佢話：「以前小學嗰陣，就鍾意踢硬地，人大咗怕受傷，依家連真草都唔踢，只係敢踢仿真草。」仲問大家有冇共鳴，非常搞笑。
而唔少網友都讚佢拍嘅踢波片好好睇，留言話：「平時好少睇日常踢波片，你既生動旁述同介紹令到我睇哂，又了解多左D，繼續拍多啲片畀大家。」不過都有唔少網友擔心佢嘅身體狀況，驚佢再次因突發性心律不正昏迷，仲留言：「雖然已經冇事，但係都小心啲，量力而為呀！」

昏迷康復後被標籤 余德丞跪求演出機會

香港文匯報訊（記者 達里）余德丞、黃庭鋒、丁子朗、孔德賢等新晉男演員早前接受《Mean Talk》訪問，在主持江美儀和林盛斌的逼供下，眾人大爆做新人的辛酸史，如遭幕後及導演白眼和冷嘲熱諷。余德丞曾因踢波昏迷在ICU留醫，即使康復後仍被標籤，令他錯失大量工作機會，包括與好友蔡思貝合作拍攝的旅遊節目，結果他要四處跪求演出機會。

對於健康狀況備受質疑，余德丞坦承大受打擊：「講起都想喊，我真的好傷心，我真是已經康復，有醫生證明我適合旅遊和工作，但就算你講一百次、一萬次都沒用，我不明白為何要標籤我，我覺得好不公平。」黃庭鋒也稱曾被前輩連環「糟質」，他說：「有一場臨時加一個Tag，但我一直甩嘴，工作人員開始忟，猛問我還要錄多幾多次？當時我個心更慌，就用眼神向前輩求助，點知我再NG多一次，突然有把聲話『現在的新人不記稿，無做功課』。我當時好想爆粗，我沒想過對方會幫我，但也沒想到會踩多一腳。」

貴為香港先生的丁子朗，雖然性格害羞，但他原來曾鼓起勇氣約會公司女神級的藝人，大讚對方一直樂意幫助新人，可惜對方男友最後關頭出現而無奈放棄。