དེབ་འདི་ལས་སྐད་འཕྲིན་དང་དྲ་ལན་གྱི་བརྙན་ཐུང་མང་བོར་གཡེང་དྲག་པ་སོགས་དོན་མེད་དུ་དུས་འདས་བར་བྱེད་པའི་གོམས་གཤིས་ངན་པ་དག་བསྒྱུར་དགོས་ན། ཆེས་ལེགས་པའི་བྱ་ཐབས་ནི། དེ་དག་བཙན་གྱིས་འགོག་པ་དང་། དེ་དག་གི་ཉེས་དམིགས་མང་བོ་བསམ་ཁུལ་བྱེད་པའི་ལས་ལ་འབད་རྒྱུ་དེ་མ་ཡིན་པར་གོམས་གཤིས་ངན་པ་དེ་དག་ལ་འཇུག་འདོད་སྐྱེས་མ་ཐག དགག་སྒྲུབ་གང་ཡང་མེད་པའི་ཐོག་ནས་སྐབས་དེའི་ཚོར་བའི་ངོའམ་དེ་སྐྱེ་ཚུལ་ལ་སེམས་ཞིབ་མོས་མཉམ་པར་འཇོག་པ་དེ་ཡིན་པར་བརྗོད། དེ་ལྟར་ཚོར་བ་དེ་སྐྱེ་བའི་གོ་རིམ་དང་། ཚོར་བ་དེའི་རང་བཞིན་ག་འདྲ་ཞིག་ཡིན་པ་ལ། ཐད་ཀར་བློ་ཞིབ་མོས་མཉམ་པར་བཞག་པ་ན། དེ་ནས་ཚོར་ཤུགས་ཀྱང་རང་གི་ངང་གིས་རང་ཞི་ལ་འགྲོ་བས། རྣམ་གཡེང་གི་དབང་དུ་འགྲོ་བར་སྔོན་འགོག་གི་ནུས་པ་ཆེན་པོ་ཐོན་པ་སྟེ། དཔེར་ན། འཚབ་སྣང་སྐྱེ་བ་དང་ཁོང་ཁྲོ་སྐྱེ་བ་སོགས་ཀྱི་སྐབས་སུ་ཡང་ཐད་ཀར་ཚོར་བ་དེ་དག་གི་ངོ་བོ་ལ་མཉམ་པར་འཇོག་ཐུབ་པ་ཡིན་ན། རང་ཉིད་ནི། ཚོར་བའི་ངོ་བོ་དེ་དག་ལ་དཔྱད་པ་གཏོང་མཁན་ཞིག་ཏུ་ཆགས་ཚར་བས། ཚོར་བ་དང་རང་ཉིད་གཉིས་སོ་སོར་བཀར་ཐུབ་ལ། དེའི་སྟོབས་ཀྱིས་སྤྲིན་པ་ལྟ་བུའི་ཚོར་བ་ཅི་ལྟར་འཁྲུགས་ཀྱང་མཁའ་ལྟ་བུའི་རང་ཉིད་ལ་གཡོ་འགུལ་ཅི་ཡང་མེད་པར་ལྷིང་འཇགས་ཀྱིས་གནས་ཐུབ་པ་བཞིན་ནོ་ཞེས་ཀྱང་བསྙད། དོན་ལ་དགོས་མེད་ཀྱི་གནས་གང་ཞིག་ལ་འཇུག་འདོད་ཀྱི་ཚོར་བ་དག་ཀྱང་། སྐྱེས་མ་ཐག་ཤུགས་དྲག་ཅིང་སྟོབས་ཆེ་ནའང་། ཐད་ཀར་དེའི་ཚོར་བ་དེ་དག་གི་དབང་དུ་མ་བཏང་བར་ཚོར་བའི་ངོ་བོར་ཡུན་ཙམ་ལ་ལྟ་ཐུབ་པ་ཡིན་ན། ཚོར་བའི་རླབས་རིས་དེ་དག་ཕྱིར་ཤིན་ཏུ་འཇིག་ཀྱང་སླ་བས། རྒྱུན་དུ་སྐབས་བསྟུན་གྱིས་རང་གི་ཚོར་སྣང་སྣ་ཚོགས་སྐྱེ་བའི་གོ་རིམ་ལ་མཉམ་པར་འཇོག་པའི་སྒོམ་གྱི་ཉམས་ལེན་ཕྲན་ཙམ་ཡོད་རྒྱུ་དེ་ཡང་། མི་ཚེ་དོན་མེད་དུ་མི་གཏོང་བར་བྱེད་པའི་ཐབས་མཆོག་རྨད་དུ་བྱུང་བ་ཞིག་ཡིན་པའོ།།

༄༅༎ ཁམས་མི་ཉག་མདོ་གྲོང་ནས་ཉིན་ལམ་གཅིག་ལྷག་ལ་ས་ནག་པོ་འདོམ་ལ་འཇལ་ཞིང་སྤྲིན་དཀར་པོ་ཐོད་ཀྱིས་བཅད་དེ། སུ་ཞིག་གི་ཆེད་དུ་ཞེ་ན། ང་ཚོ་དང་ང་ཚོའི་ཡོད་ཚད་ཟེར་ཆོག་ཆོག་ཅིག་གིས་དྲན་ཤིང་ནང་དུ་དགུག སེམས་པ་རྒྱང་དུ་ཕྱོགས་ཏེ། ཁམས་པ་རིག་གནས་ཀྱི་འབྱུང་ཁུངས་སུ་འབོད་པའི་ཁམས་པ་སྡེ་དགེར་ང་ནི་གཏད་སོ་མེད་པའི་འཁྱམ་པོ་ཞིག་དང་ང་ནི་ཅི་ཡང་མེད་པའི་དབུལ་བོ་ཞིག་ཡིན་པའི་ངན་པས་རང་མཚང་བསྟན་པ་ལྟ་བུ་ཞིག་བྱུང་། མ་འཕྲོས་ན། སྡེ་དགེ་ནི་མིའི་མཛོད་དང་རིག་པའི་གནས་ལྟ་བུ་ཞིག་ལ་རང་ངོས་ནས་སེམས་འདུག སུ་ཞིག་གིས་དེ་ལྟ་བུ་ཞིག་ངའི་སྣང་ངོར་བསྐྲུན་གཞག་པ་ངས་ཀྱང་ཏག་ཏག་ཞིག་མི་དྲན་ལ། ཤེས་ཚོད་ཙམ་གླེང་ན།

༡༽

སྡེ་དགེ་དཔར་ཁང་། ༡༧༤༤ལོར་སྡེ་དགེ་རྒྱལ་པོ་བསྟན་པ་ཚེ་རིང་ཞུ་བས་བཀའ་བསྟན་གྱི་པར་ཤིང་ཆ་ཚང་ཞིག་སྡེ་དགེ་དགོན་པར་ཕུལ་བ་ནས་སྡེ་དགེ་དཔར་ཁང་དུ་གྲགས་པ་མིན་ནམ་སྙམ། སྔ་མོ་དེར། ངས་དཔར་ཁང་གི་ཕྱི་རོལ་ནས་ཕ་མེས་དག་གི་བློ་རྒྱའི་གྱང་ངོས་སུ་བྱིལ་བྱིལ་བྱས་ཞོར་མཇལ་སྐོར་ལན་གསུམ་བྱས། ངས་ཡང་མེས་དག་གི་འཇོན་ནུས་ཀྱི་གདན་ངོས་སུ་ཐོད་པས་གཏུག་གཏུག་བྱས་ཞོར་བསྐུམ་ཕྱག་ཐེངས་གསུམ་མཚལ་བ་ལགས། མེས་པོ་ཚོ་བཀའ་དྲིན་ཆེ། ཁྱེད་ཚོས་འཛམ་གླིང་སྤྱི་ལ་བཞག་པའི་བྱམས་བརྩེའི་ས་བོན་དེ། དེ་སྔོན་ང་ཚོ་བོད་པ་ཙམ་ལས་བརྒལ་མ་ཐུབ་ཀྱང་། ད་ནས་རིམ་གྱིས་རྩྭ་སྐྱར་མེ་ཟིན་པ་བཞིན་འཛམ་གླིང་གི་སྐྱེ་འགྲོ་ཡོངས་ཀྱི་ལུས་སེམས་ཀྱི་བདུད་རྩི་ཉིད་དུ་འཕོས་བར་ལྟོས་བཅས་ཀྱིས་སེམས་རྣམ་དག་ཅིག་བསྐྱེད་དེ། རང་ཉིད་དང་རང་ཉིད་ཀྱི་མིང་སྲིང་དག་གི་བློ་མིག་དང་ལག་ལེན་ལའང་ཡིད་སྐྱོ་ཞིང་བློ་མུག་དགོས་པ་ཞིག་ཀྱང་རང་བཞིན་གྱིས་བྱུང་། དགའ་མས་ང་རང་པར་ཁང་ནང་རོལ་གྱི་གསུང་རབ་དཔར་ཁྲི་དང་གསུང་རབ་དཔར་ས། གསུང་རབ་སྐམ་ས་དང་གསུང་རབ་ཀྱི་དཔར་ཤིང་སོགས་དཔར་ཁང་གི་ཕྱི་ནང་གསང་གསུམ་ཀུན་ཏུ་ཅིག་ཁྲིད་སོང་། ད་རུང་བརྩེགས་གཉིས་པའི་གཡས་ཕྱོགས་ཀྱི་བར་ཁྱམས་བརྒྱུད་དེ་སོང་ན། གྱང་ངོས་སུ་སྒྲོལ་ལྗང་མའི་ལྡེབས་རིས་ཀྱི་སྐུ་ཞིག་བཞུགས་པར། ད་ལྟའི་བོད་ཀྱི་ལོ་རྒྱུས་བ་དག་གིས་བཤད་གྱིན་པའི་ལྷ་སྒྲུང་ལྟ་བུ་ཞིག་ཀྱང་འདུག སྔོན་ཆད་དཔར་ཁང་ལ་མེ་སྐྱོན་བྱུང་བའི་ཚེ་སྒྲོལ་སྐུའི་གསུང་འབྱོན་སོང་བ། དེ་གའི་ལྷ་གཉེར་གྱིས་མཐོང་བ་རེད་ཟེར། ལྷ་གཉེར་ཏེ་སུ་ཞིག་ཡིན་མིན་རྩད་མ་བཅད།

༉ དེ་རིང་གི་འགྲུལ་བཞུད།
གསེར་ཁོག☞ ཆུ་བཟང་། ☞དགོན་ལུང་། ☞དམར་གཙང་བྲག
རྒྱ་ཡིག་འདི་ལྟར་བྲིས་འདུག
广惠寺☞却藏寺☞佑宁寺☞马什藏聘地
注释:《甄嬛传》华妃娘娘的哥哥——年羹尧

清朝年羹尧治乱的地段。