現年40歲的姚子羚Elaine情路崎嶇，與鄭子邦拍拖多年分手收場，前年爆出戀上蔡宛珊（Sarika）前夫楊偉文（Raymond），二人的床照在網上流出。單身的她昨晚（31日）聯同「胡說八道會」好姊妹胡杏兒、胡蓓蔚及黃智雯，擔任崔建邦和陳凱琳主持的節目《諸朋好友》的嘉賓，胡蓓蔚似乎有點不滿當日好姊妹感情生變時未有第一時間通知自己，Elaine亦很感性對十年後的自己說︰「我希望十年後嘅自己，唔再需要依賴任何一個人……」

眾所周知「胡說八道會」成員感情要好，近乎無所不談。胡杏兒性格愛追問，有時會驚Elaine嫌她煩，皆因關心朋友時少不免扯到感情問題，不知應否繼續追問下去；胡蓓蔚表示認同，大爆Elaine上次感情生變時也沒有第一時間跟大家講，後者則解釋：「其實我份人係咁，情感上嘅嘢會同佢哋分享，應該係分享最多嘅一個……不過有啲嘢就自己處理咗先，嗰刻都未搞掂就走去講講講，講完嗰刻冇人幫到你，唔想將呢啲擔憂帶畀人哋。」胡杏兒開聲反對，情願她跟大家share。

如果有下一世的話，胡杏兒成為大部分人的選擇，Elaine想揀她做老婆，胡蓓蔚想做胡杏兒父母，就連即場以視像聯絡的胡定欣，亦想做她的小朋友；她們大讚對方很孝順。相反黃智雯就想做胡蓓蔚的老公，因為見到她把老公單立文「調教」得很好。

Elaine成為眾矢之的，大夥兒為她配對圈中男藝人，以此測試對好姊妹的了解程度。胡蓓蔚揀陳豪，胡杏兒揀鄭嘉穎、林峯，黃智雯揀了馬德鐘。Elaine指胡蓓蔚的配對最啱心水，「我相信每一個男人唔係一張白紙，男人都可能經歷過花花弗弗嘅時段，鍾意玩、鍾意去蒲。阿Mo（陳豪）係一個有經歷嘅男人，而家佢好成熟、好顧家，如果同佢一齊，我可以好放心將所有嘢交畀佢。我覺得佢會照顧埋我阿爸阿媽、我隻狗！覺得佢係有膊頭嘅男人，點都唔會離棄自己嘅呢種感覺好強烈。當我見到Aimee（陳茵媺）願意喺事業衝刺期時走去結婚、生仔，而家睇到佢嘅幸福係冇得呃人，證明佢當日嘅決家好啱……所以我揀陳豪！」

對十年後的自己有甚麼話要說？Elaine感性表示：「我希望我係一個冇煩惱嘅人，自己可以去唔同地方旅行，周圍探索唔同嘅地方。我係一個好依賴嘅人，我希望十年後嘅自己，唔再需要依賴任何一個人，亦都唔會有任何煩惱，更加明白所謂嘅快樂係乜嘢﹗」似乎她現時煩惱多多，包括還未找到可以絕對信任的另一半。

藝人李佳芯（Ali）與何廣沛在將軍澳電視城出席劇集《愛美麗狂想曲》宣傳，席間公布喜訊第19集錄得七天跨平台總收視26點，暫時成為今年一線劇收視之冠。Ali坦言：「有啲估唔到，因為myTV SUPER都播咗，依家仲有26點，都幾突破。」
何廣沛在戲中輸給陳豪，問到可希望他日拍劇能與Ali終成眷屬？他笑說：「有諗過提議拍外傳，講我哋姊弟戀嘅。」Ali被問到現實中可接受姊弟戀？她笑說：「冇諗過，但係去到呢個年紀，都冇乜唔得，戲劇試過，到真實發生可能冇想像中咁恐怖。（歡迎小鮮肉追求？）睇吓幾小，16歲都叫做小鮮肉，16歲就唔得，我唔想犯法，哈哈。」何廣沛接着說：「乜你一諗就諗到犯法。」Ali補充說：「其實我係對感情認真，會諗埋將來。年紀唔係問題，最緊要係溝通到，如果搵到個18歲又溝通到嘅，就證明我嘅思維都係18歲，哈哈。」
#李佳芯[超话]##李佳芯宝藏花旦##李佳芯爱美丽狂想曲#

#李佳芯[超话]# 唔接受16歲小鮮肉：我唔想犯法！
藝人李佳芯（Ali）與何廣沛在將軍澳電視城出席劇集《#爱美丽狂想曲# 》宣傳，席間公布喜訊第19集錄得七天跨平台總收視26點，暫時成為今年一線劇收視之冠。Ali坦言：「有啲估唔到，因為myTV SUPER都播咗，依家仲有26點，都幾突破。」
何廣沛在戲中輸給陳豪，問到可希望他日拍劇能與Ali終成眷屬？他笑說：「有諗過提議拍外傳，講我哋姊弟戀嘅。」Ali被問到現實中可接受姊弟戀？她笑說：「冇諗過，但係去到呢個年紀，都冇乜唔得，戲劇試過，到真實發生可能冇想像中咁恐怖。（歡迎小鮮肉追求？）睇吓幾小，16歲都叫做小鮮肉，16歲就唔得，我唔想犯法，哈哈。」何廣沛接着說：「乜你一諗就諗到犯法。」Ali補充說：「其實我係對感情認真，會諗埋將來。年紀唔係問題，最緊要係溝通到，如果搵到個18歲又溝通到嘅，就證明我嘅思維都係18歲，哈哈。」