黃秋生、陳淑儀和朱栢康繼去年8月合演舞台劇《ART呃》後，今年10月重演，暫開8場。這段日子，秋生都在台灣拍攝飲食節目，未有再踏舞台，所以他用「復出」來形容，講到香港觀眾好掛住佢，秋生突然醋意大發，扁嘴表示觀眾掛住近期演舞台劇《最後禮物》的黃子華多啲，仲舉例證明佢唔係齋講。提到偶然同網民有爭論，秋生笑言，「你同佢講乜都好，佢都係叫你食屎啦。」採訪：杜杜 攝影：沈健程髮型：Taky Chung@AdmiX Hair Styling（秋生）、Ray Mork@AdmiX Hair Styling（朱康及淑儀）化妝：Jolinn NG（秋生）、Maggie Lee（朱康及淑儀）服裝：Rule Crossing Man（秋生）場地：13A New Street Art Gallery（秋生）

去年《ART呃》一演十五場，相隔一年多重演，三位主角都受不確定因素影響心情，秋生話：「好似踩鋼線咁，又唔知到時點樣，見步行步啦！」朱康就認為，「今日唔知聽日事，有得聚埋一齊，我好珍惜呢樣嘢。」問到兩次演出會否有不同？陳淑儀認為劇本雖然一樣，但要睇綵排時大家會否撞出不同的新火花。秋生稱朱康上次演出壓力特別大，「佢個人比較慢熱，搞十日都係天黑但一滴水都冇，唔知搞到幾時，但跟住就滂沱大雨，佢係後勁強嘅馬，前面包尾，後面一條大直路跑上嚟，變咗佢嘅壓力就好大嘞！」朱康承認上次腦交戰，今次有了經驗會好得多。

劇中講三位老友為了一幅藝術品而爭拗，綵排時也會爭論如何演繹，秋生笑指連叫外賣都會拗一餐，問他是否跟網民拗得最多？他就繼續搞笑話：「唔使爭論㗎 ！唔啱聽咪『嘟』咗佢（即刪除），一隻手搞掂，最多咪答一句，因為第一唔識佢；第二都唔知係咪AI嚟，有啲淨係識講兩樣嘢，一係叫你食屎，一係問候你老竇，你同佢講乜都好，佢都係叫『你食屎啦！』，不停都係呢句，『嘟』咗佢咪算。」

去年演出《ART呃》尾場時，秋生曾表示「明年復出」，他承認重演即是復出，「我成日都唔記得告別，所以我唔會告別，但係我不停咁復出，哈哈！」提到相隔年多才跟香港觀眾見面，會令觀眾好掛住，秋生聽到即答得好葡萄：「係咪真㗎？我覺得佢哋掛住黃子華多過我喎！佢哋掛住黃子華多過我起碼5倍，佢演四十場，我得八場！我如果加到十五場時，咪3.5倍咁囉！如果我開到四十場，佢哋鍾意我同鍾意佢係一樣囉！」不過秋生認為開四十場冇可能，「有咁嘅觀眾量，都冇咁嘅場地啦！」

秋生去年在台灣推出小說《黎根的天台》，他也估不到因疫情而衍生此機會，「我喺台灣識咗個出版社嘅社長，佢本文學雜誌喺台灣好出名，佢又有搞出版，我返咗香港隔離，悶起嚟開始寫故仔，擺咗上fb，突然收到台灣朋友電話話『社長叫你唔好再擺上去喎』，幾驚佢話我文筆唔好，唔好再擺上去丟架！點知佢話『叫你留返個故仔畀佢哋登』，我一吓就答應人家，我係好鍾意一吓就答應人，你問我結婚好唔好我都會話好，但係跟住就會後悔！哈哈！」秋生隔離期間仍未寫完小說，社長不停追稿，似被追債一樣，但完成後都有開心事，「台灣書展就出咗雙封面，佢哋話『雜誌社試過兩個人出雙封面，一個係你，一個係張愛玲』，講完呢樣嘢就開始驚，佢又再追稿。」

秋生曾在社交平台透露有意開演唱會，他就笑指有意開「輪迴」演唱會，「我長期隔離，冇人同我講嘢，發覺失聲呀！把聲又沙，講嘢仲走音！自己同自己講嘢都跣胎，咁好得人驚，一個演員冇咗把聲就死啦！跟住要去打針嘛！打完針回春呀！我喺屋企彈結他把聲可以去返個高音，唔知我打咗咩針，可能係女性賀爾蒙！哈哈！跟住搵朋友練歌，都幾十歲不如搞返個演唱會啦！我呢個叫做復刻搖滾世界輪迴！我笠住個地拖頭唱呀！」

红馆舞台事件后续：主办方疑似下限言令，MIRROR社交账号更新受限香港第一天团MIRROR的红馆演唱会意外事件震惊全世界，重伤舞者经过数次手术后仍未有好转，即使脱离危险也很难再有健康生活，令无数网友感到悲伤；而时至今日，表演的主角MIRROR仍未透过任何渠道发表声明，也让不少人失望不已。30日下午，他们沉默的原因终于找到了。

【光电子信息产业有条件率先突破】当今世界正经历百年未有之大变局，中国在芯片领域的科技研发中，一方面需要咬定青山不放松，在相对落后的电子芯片（集成电路）方向持续追赶；另一方面，可以集中力量投入资源，前瞻性地发展光电子芯片（集成光路），开辟新赛道，争取形成技术竞争新优势。#天津首个高端光电子芯片产业化项目落成# #致敬隐形冠军# https://t.cn/A6amBRdE