འཛམ་གླིང་དུག་གི་མཚོ་བཞིན་འཁྲུགས་པའི་སྐབས། །
རང་སྡེ་མངོན་དགའི་ཚལ་བཞིན་སྐྱོང་བ་དང་།།
དབང་ཕྱོགས་གདུག་ཅན་མུལ་རྔ་གཅོད་དང་ལྷན།།
རྣམ་པར་རྒྱལ་བའི་རུ་མཚན་སྒྲེང་མཁན་སུ།།

བོད་ཡིག་གིས་བརྡ་ཁྱབ་འབྲི་བ་དང་གཞུང་ཡིག་ལོ་ཙཱ་སོགས་བྱེད་སྐབས།  ཅི་ཐུབ་ཀྱིས་དགོས་མེད་ཚིག་ལྷག་རིགས་སྐྱུང་རྒྱུ་གལ་ཆེ་བ་འདུག་སྟེ།  བོད་ཡིག་གི་ཡིག་འབྲུའི་ཚེག་ཁྱིམ་རྒྱ་ཡིག་བཞིན་ཡིག་འབྲུ་རེ་རེ་སོ་སོར་གནས་པ་ལྟར་མ་ཡིན་ལ།  དབྱིན་ཡིག་བཞིན་སྟོང་ཆས་ཕྱེས་ཡོད་པའང་མིན་པར།  ཚེག(་)རྡོག་འདིས་ཕྱེས་ཡོད་པས།  བལྟས་མ་ཐག་ནས། ཡི་གེ་མང་པོ་སྤུངས་འདུག་པ་ལྟ་བུའི་སྣང་བ་སྟེར་བའི་ཁར།  ཚིག་ལྷག་མཁོ་མེད་རིགས་ཡོད་ཚེ།  སྔར་བས་ཀྱང“བླུགས”འདུག་པའི་སྣང་བ་བྱིན་ནས།  ཀློག་མི་སྤྲོ་ལ།  ཀློག་པར་ལེ་ལོ་སྐྱེ་བ་སོགས་འབྱུང་།  དཔེར་ན།  དེ་རིང་ཤ་ཉེ་ཞིག་གིས་རྩོམ་དུམ་ཞིག་བསྐུར་ནས་བཅོས་རེ་ཞུས་པར་གུས་པས་འདི་ལྟར་བཅོས་ཡིན་ཏེ།  ཁ་བྱང་དུ།   《ལྷ་ཤིང་ཤུག་པའི་ངོ་སྤྲོད་དང་དེའི་ཕན་ཡོན་རགས་བསྡུས་བཞུགས་སོ》ཞེས་བཏགས་འདུག  ངས《ཤུག་པ་དང་དེའི་ཕན་ཡོན་བསྡུས་པ》ཞེས་སུ་བཅོས།  དེ་སྔ་གཅིག་གིས 水库水深危险,禁止洗澡游泳 ཆུ་མཛོད་གཏིང་ཟབ་པས་ཉེན་ཁ་ཆེ། ལུས་པོ་འཁྲུ་བ་དང་རྐྱལ་རྒྱག་པ་སོགས་བྱེད་མི་ཆོག ཅེས་པ་བསྐུར་བྱུང་བར།   ཆུ་མཛོད་ཟབ་པས་ཉེན་ཁ་ཆེ། ལུས་འཁྲུ་རྐྱལ་རྒྱག་བྱས་མི་ཆོག ཅེས་སུ་བཅོས།  ཡང“དབུལ་ཐར་གྱི་གྲུབ་འབྲས་སྲ་བརྟན་དུ་གཏོང་བའི་ཆེད་དུ”ཞེས་པ། “དབུལ་ཐར་གྲུབ་འབྲས་སྲ་བརྟན་གཏོང་ཆེད”ལ་སོགས་ཏེ།  དེང་སང་བོད་སྐད་དུ་བྲིས་པ་དག་ཚིག་ཤིན་ཏུ་རིང་པོ་ཆགས་པ་འདི་ལ་རྒྱུ་མཚན་འགའ་རེ་འདུག་ཅིང་།  དེ་ལྟར་སོང་ན་རང་བཞིན་གྱིས་ངན་འབྲས་ཀྱང་འགའ་རེ་འབྱུང་གི་འདུག་མོད།  ཐད་ཀར་འབྱུང་བའི་ངན་འབྲས་གསུམ་ནི།  བོད་ཡིག་འབྲི་ཤེས་ཀྱང་།  འབྲི་མི་འདོད་པ་ཆགས་པ་དང་།  བྲིས་ན་ཡང་གཞན་གྱིས་ཀློག་མི་འདོད་པ་ཆགས་པ་དང་། འགྲེམ་ཤོག་ཅི་རིགས་ཀྱི་ངོས་སུ་བོད་ཡིག་རྒྱ་ཡིག་ལས་མང་དྲགས་ནས་ཡི་གེ་ཇེ་ཆུང་ལ་གཏོང་དགོས་ཁེལ་བ་དང་། དེས་སྔར་བས་ཀྱང་རྫོབ་ཏུ་འགྲོ་བའི་ཁར་ཀློག་དཀའ་བར་གྱུར་ཏེ་ངོས་གཙང་བའི་རྒྱ་ཡིག་གི་བརྡ་ལ་བལྟས་འགྲོ་ཞིང་། བོད་སྐད་དུ་བྲིས་པའི་བརྡ་དེ་དགོས་མེད་ལྷག་མ་ལྟ་བུར་གྱུར་འགྲོ  མི་ཞེས་པའི་ལེ་ལོ་ཅན་འདི་གནད་དོན་མིན་པའི་གནད་དོན་ཆུང་ཆུང་འདི་རིགས་ཀྱིས་ཁ་ལོ་བྱེད་ཀྱི་ཡོད་ཙང་། རང་གཞན་གྱི་ཉམས་མྱོང་ཤིན་ཏུ་ཕྲ་མོ་འདི་ལ་རྒྱུས་བླངས་ནས་ཐོར་བཀོད་པ་ཡིན་ཏེ། དེས་ན་ཚིག་ལྷག་ལ་གཟབ་པ་དང་། གཅོད་མཚམས་ལ་གཟབ་ནས་ཅི་ཐུབ་ཁ་གསལ་བ། ལྷག་དོན། མིག་གིས་བལྟས་ནའང་གསལ་བ་ཞིག་ལ་འབད་འཚལ་ཞེས་ཀྱང་ཞུའོ།།

ཚེ་བཀྲས་སོ།། #ལོ་ཙཱ་གླེང་བ#
 
 
 

ཆོས་ལ་དད་པའི་མིར་འགྲོགས་ན།།
和信佛和学佛的人一起
ལུས་ངག་ཡིད་གསུམ་དགེ་ལ་ཕྱོགས།།
会善护彼此的身口意

ཁྱིམ་ཚང་བརྩེ་བའི་མིར་འགྲོགས་ན།།
和爱家的人一起
ཁྱིམ་གཞིའི་གཟའ་མི་སྐྱིད་ལ་བསྐོར།།
家庭就会幸福美满